Veðrið - 01.09.1962, Page 30

Skammur dagur missir mátt,
magnast skugga armur.
Rammur slagur —, niðdimm nátt,
nötrar glugga karmur.
Risa boði Drafnar dátt
drynur hærri stöfnum.
Slysa voði brýtur brátt
bátinn fjarri höfnum.
Fleiri mættu senda Veðri dýrt kveðnar veðurvísur.
Kápumyndin.
Hvalfjörður er alræmdur íyrir misvindi og sviptibylji — eins og raunar allir
þröngir og krappir firðir eða dalir, þcgar vindur stendur þvert á þá. Fá íslenzkir
flugmenn sig oft fullkeypta á því, er þeir renna sér til lendingar inn eftir slík-
um fjörðum eða hefja þaðan flug. Á myndinni sér út eftir Hvalfirði í N-átt og
björtu veðri. Skýjaklakkur yfir firðinum virðist liafa lent í sviptibyl og vafizt í
göndul. Myndina tók Björn heitinn Arnórsson stórkaupmaður fyrir allmörgum
árum.
Veðurstofan á Keflavikurflugvelli
liafði starfað 10 ár um síðustu áramót. Hún er aðal-llugveðurstofa íslands, og
veitir Hlynur Sigtryggsson frá Núpi í Dýraíirði henni forstöðu. Þar starfa nú
6 veðurfræðingar og 17 aðstoðarmenn. Af þeirn eru 7, sem hafa það starf með
liöndum að gera háloftamælingar, það er að segja mæla hita, vinda, loftþrýst-
ing og loftraka frá jörð og allt upp í 20—40 km liæð fjórum sinnum á solar-
hring. Þeir eru því allréttilega kallaðir hálóftamenn. Um háloftamælingar cr
góð grein í 1. árg. Veðurs (1956), 54.-57. bls. eftir Borgþór H. Jónsson.
Veðurathuganir i óbyggðurn.
í sumar (júlí og ágúst) voru gerðar veðurathuganir á Hveravöllum hjá sælu-
húsi Ferðafélagsins, og annaðist þær Guðmundur S. Hofdal, sem hafði á hendi
umsjón með húsinu og hinu friðlýsta hverasvæði á vegum Ferðafélags Islands.
Um sama leyti dvaldist starfsmaður Atvinnudeildar Háskólans í Hvítárnesi bæði
til veðurathugana og til eftirlits með gróðurreitum þeim er dr. Sturla Friðriks
son hefur komið upp allvíða á liálendinu. Virðist jurtagróður hafa mun betri
þroskamöguleika á heiðum uppi en búizt var við. Áhugi fyrir veðurathugunum
þar fer því mjög vaxandi. Raforkumálastjórnin hefur sett nokkra úrkomumæla
(safnmæla) á lieiðum uppi. Hinn fyrsta setti Jöklarannsóknafélagið hjá Jökul-
heimum við upptök Tungnár. Hinn síðasta setti Sigurjón Rist nýlega hjá Vað-
öldu í Ódáðahrauni. Má mikið vera, ef þar er ekki þurrviðrasamasti staður
landsins.
J. Ey.
66
VEÐRIÐ