Veðrið - 01.04.1972, Blaðsíða 17
neikvæð gildi sem raunhæf, enda ýmsar mælingar, svo sem á í'jölda sólskinsstunda
og rakastigi hæpnari að vetrarlagi en á öðrum árstíma. Til gamans má geta þess,
að á Norðurlöndum gefur líking Penmans nær undantekningalaust neikvæð gildi
að vetrarlagi. Ástæða þess, að svo er ekki í sarna mæli hér er áreiðanlega, að nreðal-
vindhraði er hér venjulega meiri en gerist á meginlandinu.
Á 2. mynd eru sýnd ársgildi gnóttargufunar á landinu. Gildin liggja í aðal-
atriðum milli 360 og 540 mm á ári. Tekið skal fram, að ekki er unnt að taka
fullt mark á niðurstöðum fyrir Vestmannaeyjar. l>ar er vindhraði mjög mikill,
mun meiri en annars má vænta á þeim slóðum, og einnig er vetrarhiti hár.
Gnóttargufun reiknast þar því hærri en raunhæft er að nota, enda línur hafðar
brotnar á kortinu næst Vestmannaeyjum. Á hinn bóginn skera Þórustaðir við
Önundarfjörð sig nokkuð úr með lág gildi, líklega vegna óvenju lítils vind-
hraða. Sýna þessi tvö dæmi, hversu staðbundin áhrif geta ráðið niðurstöðum,
og er svo sjálfsagt víða um land, enda þótt strjálar veðurathuganir geri ekki
kleift að sjá það. Við notkun er rétt að gera sér grein fyrir slíku.
Kortiff sýnir, að hámarks- og lágmarkssvæði gnóttargufunar er að finna á svip-
uðum slóðum og á geislunarkortinu á I. mynd. Hámarkssvæði er aðallega norðan
Vatnajökuls, þar sem þurrviðrasamt er og geislun auk þess mikil. Annað hámarks-
svæði er svo við suðvesturströndina. Lágmark er hins vegar á hálendinu vestan-
verðu, þ. e. á Kjalsvæðinu. Kortið heldur þessum svip, enda þótt við útreikninga
VEÐRIÐ -- 1 7