Vikan - 09.06.1977, Blaðsíða 56

Þessvegna er sumarfríið
á Flórída
ógleymanlegt ævintýri
Flórída er Mekka sóldýrkandans. Þar sést varla ský
á himni, - um 360 sólardagar á ári. Hitinn er þægi-
legur (27-28° C á sumrin) hressandi gola blæs
af hafi. Sjórinn og strendurnar eru óvíöa hreinni.
Úrvals hótel og aðeins steinsnar frá ströndinni.
Amerískur matur, sem engan svíkur. ,,Þaö er ofur
auðvelt að komast til Flórída: með Flugleiðum
til New York og þaðan með flugi eða áætlunarbíl
suður á bóginn“. Orlofsdvöl á Flórída er ódýrari
en margur heldur (og reyndar hagstæðust á
sumrin). Allt þetta gerir Flórída að frábærum
ferðamannastað - og þó er kannski það mikil-
vægasta enn ótalið, - svo sem:
Frumskógar
ferö
Flórída er notalegur staður. Þar er vinsælt að búa,
ferðamenn flykkjast þangað - og fílar, Ijón, nas-
hyrningar og flest önnur villidýr Afríku njóta þar
lífsins. Dýrin eru þar í víðlendum görðum, þar sem
þau ganga frjáls, en ferðamenn aka um í bílum
og lestum, og virða þau fyrir sér út um gluggana.
Heimsókn
í Disneyheim
Disney World á Flórída er einn óvenjulegasti
skemmtigarður heims. Þar eru gestir í einni deild-
inni á meðal kúreka og landnema, í annari fara þeir
í ævintýraleg ferðalög um ókunn lönd og stunda
náttúruskoðun í þeirri þriðju. Síðast en ekki síst er
þar undraheimur bernskunnar, þar sem Jumbó,
Öskubuska og Mikki vinurinn mús bregða á leik.
Hluti skemmtunarinnar er að ferðast um svæðið í
furðulegustu farartækjum, - strætisvögnum frá
síðustu aldamótum, einteinungslestum sem benda
fram til næstu aldamóta, hestvögnum, fljótaskipum
og kanúum.
FLUCFÉLAC
ÍSLAJVDS
LOFTLEIBIR
Gafik & Hönnun