Vikan - 10.07.1980, Síða 31

Plakat í opnu
ENGINN
DANS Á RÓSUM
Ein frægasta myndin af Marilyn Monroe.
Atriðið úr kvikmyndinni „The Seven
Year Itch" ergði stórlega eiginmanninn,
Joe Di Maggio.
Ein fyrsta myndin af Marilyn, var
tekin af henni tveggja ára.
Ein siðasta myndin sem tekin var af Marilyn. Hún var búin að
ná sér eftir þunglyndistímabil, en lóst við óskýrðar
kringumstæður.
Hin fagra Marilyn Monroe reyndi flest
tilbrigði mannlegs tilfinningalífs. Hún
þjáðist af ástleysi, óttaðist geðveiki. fann
þráfaldlega til vanmetakenndar, varð
gagntekin af ást, naut frægðarinnar.
ánetjaðist alkóhóli og fíkniefnum, vakti
fyrirlitningu, átti afar fjölskrúðugt kyn-
líf, kynntist náið frægum mönnum úr
ýmsum áttum, þar á meðal forseta
Bandaríkjanna.
Óteljandi bækur og greinar hafa verið
sktifaðar um Marilyn heitna Monroe.
Margir höfundar hafa einir þóst vita
hvernig hún raunverulega var. og hvers
vegna.
Lifsreynsla þessarar viðkvæmu og
óttaslegnu stúlku varð til þess að hún
reyndi margsinnis að fremja sjálfsmorð.
Síðasta tilraunin heppnaðist, ef það var
þá tilraun. Kannski hafði Marilyn bara
blandað saman alkóhóli og pillum. eins
og svooft áður?
Líf Marilyn var erfitt frá upphafi og
fyrstu árin hafa án efa markað þá leið
sem æviskeið hennar rann. Móðir
hennar varð vitskert þegar Marilyn var
niu ára. Stúlkubarninu var komið fyrir á
munaðarleysingjahæli en siðan i vist.
Síðar rifjaði hún upp að á þessum áruni
hefði hún fyrst verið „notuð” af karl-
mönnum. Öfugsnúið eins og það hljóm-
ar fannst Marilyn þá fyrst að einhver
kærði sig um hana og bæri tilfinningar
til hennar.
Marilyn varð fræg sem kyntákn i
kvikmyndum og þykir þvi mörgum kyn-
lif hennar áhugavert. Enn velta menn
fyrir sér hve náin kynni hennar við
Bobby Kennedy og John F. Kennedy
hafi verið.
Ástarsamband Marilyn og Joe Di
Maggio, hins fræga bandariska baseball-
leikara. varð varanlegt þótt þau skildu.
Hann sætti sig aldrei við að Marilyn
skyldi vera kyntákn og þótti afar lítið til
atriðisins í The Seven Year Itch konia.
þar sem pilsin voru látin fjúka upp um
Marilyn. Raunar kom til heiftarlegrar
sennu vegna þessa fræga atriðis og
skömmu siðar skildu þau.
Rithöfundurinn Arthur Miller giftist
Marilyn árið 1956 en frá því ári og frani
til 1960 voru vinsælustu kvikmyndirnar
með Marilyn Monroe framleiddar.
Handritið fyrir þá síðustu The Misfits
(Utangarðsmennl. samdi eiginmaðurinn.
Arthur Miller.
Þegar kvikmyndatöku The Misfits
lauk í árslok 1960 lá skilnaður Marilyn
og Millers fyrir. Skömmu siðar lést mót
leikari hennar í kvikmyndinni. Clark
Gable. Marilyn steyptist i þunglyndis
kast sem var með versta móti i ársbyrjun
1962. Þá um vorið byrjaði hún að vinna
að töku kvikmyndar sem átti að hcita
Eitthvað verður að gefa eftir.
Aðfaranótt sunnudagsins 5. ágúst
1962 fannst Marilyn látin i svcfnher
bergi sinu. Kringumstæöurnar Itafa
ýmsum sérfræðingum virst lielst til dul
arfullar. Vitni báru að hún hcföi neylt
kvöldverðar með leikaranum Peter Lav.
ford. Robert Kenncdy dómsmálaráð
herra og fleirum. En krufningin sýndi að
meltingarfærin voru tóm.
Krufningin sýndi einnig að i líkama
Marilyn var nægilegt magn af svefnlyfj
um (barbitúrötum) til að drepa hana
margfalt. Samt sáust engin verksum
merki um uppsölur sem ætið fylgja
slikum dauðdaga. Likaminn var út
strekktur þegar að var kontið en ekki
samankrepptur eins og ætíð i slíkum til-
fellum.
Dauðdagi Marilyn Monroe var eins
óræður og allt hennar lif. Eftir standa
ótal gátur um hana en einnig niargar
góðar kvikmyndir sem milljónir manna
um allan heim njóta enn þann dag i dag.
28. tbl. Vikan 31