Vikan - 10.07.1980, Blaðsíða 45

til hann sér skinið frá lampa Bernies
framundan.
Þetta vatn er dýpra en hitt. Þeir rétta
sig af á um það bil sex metra 'dýpi. en
enn sjást engin merki um botninn.
Engar vatnaplöntur vaxa á því svæði,
sem lamparnir þeirra lýsa upp. Það er
aðeins myrkur handan skinsins frá
þeim, og stöku sinnum bregður fyrir
silfurgráum fiskum, sem virðast vera
ennþá stórvaxnari en þeir i neðra
vatninu og koma aldrei í augsýn.
Þeir nota lampa, sem aðeins hafa
fimm til tiu vatta birtu, svo að hættan á
að skinið frá þeim sjáist á vatnsbakk-
anum verði enn minni. Auk þess er
Hassall með fimmtíu vatta lukt
meðferðis, en honum var sagt að beita
henni ekki nema að fyrirmælum Dave
Farmers eða ef óumdeilanlegt hættu-
ástand skapaðist. Nú fara skilaboð um
hópinn: Slökkva á Ijósum. Það er bara
Hassall, fremsti kafarinn. sem lætur
loga á sinu Ijósi. Hinir nota skimuna frá
því til að fara eftir. Hægt og örugglega
synda þeir í gegnum kalt myrkrið og
nálgast óðfluga hið illa. sem á að búa í
vatninu.
Hassall gefur merki: Ég ætla upp aö
litast um. Verið kyrrir þar sem þið eruð.
Hann losar líflínuna sína, réttir
númer tvö endann, og sá kveikir á sínum
lampa um leið og Hassall slekkur. Siðan
hverfur hann upp á við með nokkrum
sterklegum spörkum.
Þeir sex, sem eftir eru, halda þétt
hópinn. 1 djúpu vatni, þar sem engin
auðkenni er að miða við. er erfijt að
halda sér á sama stað. An þess að maður
geti greint gæti mann rekið eða snúist
eða risið ofar eða sokkið neðar án þess
að heilinn yrði þess var. Dave fylgist
með áttavitanum sínum og dýptar-
mælinum. En aðallega fylgist hann með
Bernie, reynda manninum.
Skyndilega bendir Pyle. Yst í Ijósgeisl-
ann er kominn risavaxinn fiskur úr
dimmu djúpinu fyrir neðan þá. Hann er
hreyfingarlaus og fylgist með þeim.
Gedda? Hann er með svipaðan kjaft og
hvassar tennur og sama kraftalega
skrokkinn. En hann er mörgum sinnum
stærri en flikkið sem þeir sáu innan um
vatnagróðurinn i þriðja vatninu.
Sundmannahópurinn snýr sér að
fiskinum. Hann ræðst ekki á þá. Hann
flýtur þama bara, yst í ljósgeislanum, og
horfir á þá. Jafnvel þó ráð sé gert fyrir
stækkunarsjónhverfingu vatnsins er
þetta risavaxin skepna. Það er ekkert
ttálægt til samanburðar. en Dave
Farmer virðist fiskurinn vera bæði meiri
vexti og kraftalegri en mennimir, sem
eru að ráðast inn á yfirráðasvæði hans.
Hann lítur upp. þangað sem yfirborð
vatnsins á að vera fyrir, en sér ekkert í
myrkrinu. Þeir gætu verið á milu dýpi
eða nokkurra faðma. Dýptarmælirinn
sýnir enn sex metra. Hassall er hvergi að
sjá.
Hann snýr sér hægt og reynir að rýna
í myrkrið umhverfis hópinn. Að baki
þeirra mótar fyrir öðrum risavöxnum
fiski og þegar hann snýr sér áfram sér
hann fleiri og fleiri.
Davei Rödd R kemur i huga hans,
hvöss af kvíða. Ég finn það. Það er
eitthvað að. Hvað?
Bara fiskarnir. svarar hann henni.
Þeir eru nokkrir ansi stórir.
Hversu stórir?
Það er erfitt að segja til um það. . .
Einn þeirra færir sig um set, fer til
hliðar við þann fyrsta. Hlið við hlið eru
þeir óumræðilega ógnvekjandi.
Grimmdarlegir kjaftar þeirra virðast
geta slitið af handlegg eða fót með einu
glefsi. Hann bendir aftur fyrir sig og til
hliðar og hinir færa sig í hnapp. Dave
lyftir skutulbyssu sinni og gætir að,
hvort hún er búin til skots. Bernie
aðgætir sína. en gefur merki um að
skjóta ekki.
Ekkienn. . . .
Framhald í næsta blaði.
28. tbl. Vikan 45