Vikan - 30.10.1980, Page 2

Mest um fólk
Eitt og
annað
fyrir
magann
Á Loftleiöum er ýmislegt að gerast
um þessar mundir. Á þriðjudögum er
matreiðslukennsla sem hefst klukkan
fimm og Vikan leit inn í fyrstu kennslu-
stundina. Kennari var Hilmar.
Jónsson og hjálparkokkur Auður
Magnúsdóttir. Þau voru að kenna alls
kyns aðferðir við að matreiða fisk.
Fjölbreytnin var óendanleg. Meðal þess
sem sýnt var var matreiðsla á soðnum
rauðsprettuflökum fylltum með rækju-
farsi, hnetusteikt rauðsprettuflök og
margt fleira. Grænmeti var skorið og
fiskur flakaður af mikilli list. Reyndar
gat Hilmar þess að matreiðslunemar hefðu
keppst við að flaka á sem stystum tima en
hann hefði hætt að taka þátt í þess konar
metingi eftir nokkrar skrámur. Hann virtist
samt bua yfir undraverðri leikni i þessum
efnum.
Emil hótelstjóri útbýtti sýnishorni af
nýjum matseðli i stíl við kennsluna.
Sjávarréttamatseðillinn var vissulega
heillandi en menn létu þaðekki trufla sig
við að fylgjast með kennslunni. Aðeins
Ijósmyndarinn lét tilleiðast að víkja sér
frá og líta á nýjan brauðbar í Víkinga-
salnum.
Nemendur voru í miklum meirihluta
konur og flestar úr röðum bandarískra
gesta hússins. Þær fylgdust spenntar
með enda er aðstaða til sýnikennslu af
þessu tagi mjög góð.
Þegar nokkuð var liðið á kennslu-
stundina litu þó nokkrir karlmenn inn og
ekki var annað að sjá en þeir fylgdust
með af miklum áhuga og samviskusemi.
Þeir ættu því að vera einhverju nær um
matreiðslu úrvals sjávarrétta eftir þessa
kennslustund. Ilmandi matarlyktin fyllti
kennslustofuna og áreiðanlegt að sýni-
kennsla af þessu tagi á eftir að lokka ein-
hvem sem rennur á lyktina.
Skynsamar sálir utan úr bæ ættu að
nýta sér þessa kennslu og þegar í fyrsta
tíma höfðu einhverjir skotist út á
Loftleiðir á leið úr vinnunni eða á leið
heim til að matbúa. Þvi auðvitað fá fjöl-
skyldurnar að njóta góðs af þegar
húsmóðirin eða heimilisfaðirinn kemur
heim með sérfræðikunnáttu í matargerð
i ábæti.
1 SíSímjk-; i C ■*''
H » yj •' • T' t ”•
Þjónarnir i Víkingasal bjóða brauð af öllum stærðum og gerðum.
Magnús og
Jóhann
Nú eru Magnús og Jóhann aftur
famir að syngja saman svo um
munar. Platan þeirra er komin
út og þeir eru á ferli á ýmsum
stöðum svo sem í Djúpinu og
Torfunni og ekki annað að sjá
en gestir þessara staða kunni vel
að meta söng þeirra.
Ekki fer hjá því að tilbreytni
sem þessi sé vel þegin í bæjar-
lífinu í Reykjavík. Söngur þeirra
félaga er einmitt mjög
manneskjulegur og góður liður í
þeirri viðleitni sem víða örlar á
að gera allt umhverfi í borginni
hlýlegra og umfram allt mann-
eskjulegra. Þessi mynd var tekin
af þeim félögum er þeir tóku
lagið í Djúpinu fyrir neðan
Hornið i Hafnarstræti. Þar
hefur vel tekist til að blanda
saman alls kyns list og greinilegt
að Magnús og Jóhann eiga vel
heima í þessu ágæta umhverfi.
2 Vikan 44. tbl.