Vikan - 30.10.1980, Qupperneq 51

Draumar
Mannrán
Draumráðningar.
Börnin mín eru komin á
þann aldur að þau kaupa alltaf
Vikuna. Ég hef svo verið að
glugga i hana og hef lesið
draumráðningarnar þínar og
oft hef ég verið sammála þér.
Ég er mjög berdreymin og
kemur mér fátt á óvart, hvort
heldur sem skeður innan
veggja heimilisins ella á landinu.
Þó koma draumar sem ég þarf
að fá hjálp til að ráða ella sem
ég ekki vil trúa að komi fram.
Svo mig langar að segja þér
einn og vita hvað þér finnst
um hann.
Mér fannst ég vera á göngu
ásamt syni mínum. Reyndar er
hann oft með mér í draumum
því hann er yngstur og mest
fyrir honum haft. Þá kemur
bUl (svartur) og út úr honum
kemur maður og skipar okkur
að J'ara inn í bílinn. Sem sagt,
okkur var rænt. Það var farið
með okkur um borð í skip og
ég sett inn í herbergi og var ég
alltaf að spyrja um son minn,
þangað til ég komst að því að
hann hafði farið frá borði en
ég vissi ekki hvort hann hafði
komist í land. Aldrei sá égfólk
og alltaf var ég lokuð inni í
þessu herbergi með vaktmanni
sem ég aldrei sá. Mér fannst
líða mörg ár og var ég búin
að gera mérgrein fyrir því
að ég mundi aldrei geta
byrjað aftur mitt fyrra líf. Loks
komst ég út og þá var þetta
allra stærsta skip sem ég get
ímyndað mér að sé til, ég tók á
rás alveg villt og tók hvern
ganginn af öðrum gegnum
reyksali, matsali, um ganga upp
í stýrishús og áfram á leið að
finna útgang, hvergi var fólk
að sjá. Svo var égstödd í
mjóum gangi þegar ég mæti
einkennisklæddum karlmanni.
Ég rausaði við hann einhver
ósköp en vissi um leið að hann
vissi hver ég var, komst ég
fram hjá honum og tók nú að
hlaupa því nú vissi ég að stutt
var þar til ég yrði tekin aftur
og loksins komst ég út, hljóp
niður landganginn og var að
koma með annan fótinn niður
á jörðina þegar gripið var í
öxlina á mér, þá sneri ég mér
við mjög róleg og sagði ónei nú
er ég komin yfir landamærin.
Þá sleppti maðurinn, var ég þá
komin í hafnarbæ (hef aldrei
ferðast en fannst þetta vera
Þýskaland). Allt var grátt, öll
húsin, en mér leið vel andlega.
Éggekk upp bryggjuna, þá
mætti ég tveimur unglings-
stúlkum, ca 15, 16 ára, leitáþær
og brosti og hugsaði hvort
þetta gæti verið . . . systur-
dóttir mín sem nú er níu ára
því ég vissi í draumnum að ég
myndi aldrei fá að sjá mitt fólk
aftur. Hvað finnst þér um
þennan draum?
Hvernig ræður þú hann?
Með bestu kveðju og þakklœti.
FÞV.
Fyrri hluti draumsins boðar
einhverja erfiðleika og tengjast
þeir sterklega högum þinna
nánustu. Sértu útivinnandi gæti
þetta snert óvænta atburði á
vinnustað, en ef ekki er þar um
að ræða atburði innan veggja
heimilisins. Ekki er þó þarna um
einhliða erfiðleika að ræða og
ýmislegt mjög heppilegt mun
tengjast atburðum þessum á
óvæntan máta. Þegar líður á
drauminn koma sterk tákn, sem
benda til þess að ýmislegt muni
uppfyllast fyrr en þig sjálfa
grunar. Hlutir, sem þig hafði
aðeins dreymt um en aldrei talið
mögulega munu einmitt gerast
og verða þér óvænt gleðiefni.
Samband þitt við fjölskylduna
mun verða mun betra en nú er
og fjölskyldan standa vel saman
í lífsbaráttunni. Ekki er
draumurinn nógu ákveðinn til
þess að draumráðandi treysti sér
til að segja til um hvort utan-
landsferð er á næsta leiti hjá þér,
en það er alls ekki með öllu
útilokað. Einnig gæti systur-
dóttirin í draumnum átt við
veikindi að stríða um tíma, en
það þarf alls ekki að vera að það
komi fram á næstunni. Ótalinn
er sá möguleiki að sá hluti
draumsins þar sem þér finnst þú
stödd í Þýskalandi sé berdreymi.
Það gæti verið og þá einnig að
þú eigir þá eftir að koma til
staðarins í draumnum, þekkja
hann og muna drauminn á því
andartaki. Það skal þó skýrt
tekið fram að ekki er endilega
um Þýskaland að ræða, því
nafnið gæti einungis verið undir-
strikun annarra tákna
draumsins.
Rottur með
stingandi
augnaráó
Kæri draumráðandi!
Ég ætla að biðja þig að ráða
þennan draum sem mig
dreymdi um daginn. Ég var
Sköp
stödd inni í eldhúsi þegar þrjár
rottur stukku inn um gluggann.
Allar voru þær dökkbrúnar að
lit en misjafnlega stórar. Þær
stukku upp á eldavélina og
horfðu stingandi á mig. Ég tók
gulan disk úr uppþvottagrind
þar rétt hjá og ætlaði að fara
þurrka hann en þá stökk
stærsta rottan á mig og ætlaði
að ráðast á andlitið á mér. Þá
bar ég diskinn fyrir mig svo að
húnfattist út og varð að einni
klessu.
Virðingarfyllst.
Heiða
Rottur í draumi eru fyrir
erfiðleikum af manna völdum. í
þínu tilviki er um að ræða þrjá
svikula vini eða kunningja sem
gera þér lífið leitt á ýmsá vegu.
Guli diskurinn táknar einnig
þessi sömu óheilindi og ýmislegt
bendir til þess að þú gjaldir
þessum svikurum rauðan belg
fyrir gráan og mun sá aðsóps-
mesti fá harkalegustu viðtök-
urnar hjá þér.
44. tbl. Vikan 51