Vikan - 12.02.1987, Blaðsíða 23

fyrir vinsældir voru menn
ekki á þvi að hann yrði nokk-
urn tíma stjarna. Hann var
eftirsóttur sem meðleikari
stóru stjarnanna á þessum
árum en að hann yrði stjarna
í Hollywood kom seinna.
Aðalhlutverk fær hann ekki
fyrr en hann fer til Evrópu
og leikur í frönsku myndinni
Rider on the Rain, sem náði
miklum vinsældum á megin-
landi Evrópu. Það varð svo
til að Sergio Leone fékk hon-
um aðalhlutverkið í Once
Upon a Time in the West
1969. Með þeirri mynd slær
hann loks í gegn vestanhafs.
Hann fetaði þar í fótspor
Clints Eastwood í dollara-
myndunum og hlutverk hans
sem munnhörpuleikandi kú-
rekinn er eitt hans besta
hlutverk. í dager Once Upon
a Time in the West talin besta
kúrekamynd Leones og á
góðri leið með að verða klass-
ískt stykki.
Bronson fer vestur um haf
og leikur í mörgum myndum
en fáum góðum, þó leynast
inn á milli ágætar myndir eins
og Chato’s Land, sem var
byrjunin á samstarfi hans og
Michaels Winner. Ogsvovar
það hlutverk Pauls Kersey í
Death Wish. Vinsældir Bron-
sons náðu hámarki með
þessari mynd og hafa haft þau
áhrif á hann að hann hefur
meira og minna síðan verið i
hlutverki Kerseys.
Hann náði sér þó vel á strik
í hinni ágætu mynd Walters
Hill, The Streetfighter. Þar
nýtir hann þá leikhæfileika
sem hann hefur til fullnustu.
Síðan hefur ferill hans verið
niðurá við.
Fjörutíu ár í kvikmyndum
eru langur tími og er vafamál
hvort Bronson nær sér upp
úr þeirri lægð sem hann hefur
verið í á undanförnum árum.
Sú mynd, sem hann er að
leika í þessa dagana, gefur þó
smávon um að úr rætist fyrir
honum. Nefnist hún Act of
Vengeance og er leikstjóri
John Mackenzie, sá sami og
gerði The Long Good Friday.
Leikur hann þar spilltan
verkalýðsleiðtoga.
Myndbönd
LADY JANE ★★★
Leikstjóri: Trevor Nunn.
Aöalhlutverk: Helena Bonham Carter og Cary Elwes.
Sýningartimi: 135 mín. - Útgefandi: Háskólabíó.
Jane drottning Englands er ekki mjög þekkt sögupersóna, enda kannski
ekki von þar sem hún ríkti aðeins í níu daga, var sett af og líflátin. Það
var ekki hennar vilji að verða drottning. Hún var aðeins sextán ára gáfað-
ur táningur sem vildi allt annað en stjórna. En trúarbragðadeilur ásamt
metnaðargirnd foreldra hennar og annarra varð þess valdandi að deyjandi
konungur var látinn tilnefna hana sem eftirmann sinn. Hún er neydd til
að giftast ungum aðalsmanni sem henni er illa við í fyrstu en elskar og dáir
í lokin. Þessi söguþráður er uppistaðan í mynd Trevors Nunn, Lady Jane,
hugljúfri mynd eftir sannsögulegum atburðum. Lögð er megináhersla á
samband ungu elskendanna sem lifa eftir þeim boðskap að allir eigi rétt á
að lifa. Trevor Nunn, sem er einn þekktasti sviðsleikstjóri á Bretlandseyj-
um, tekst að gera ljúfa og sjarmerandi mynd þó hún sé nokkuð langdregin.
ON WINGS OF EAGLE ★★
Leikstjóri: Andrew McLaglen.
Aðalleikarar: Burt Lancaster, Richard Crenna og Paul LeMat.
Sýningartími: 220 mín. (2 spólur). - Útgefandi: Videoval.
Sögur Kens Follet þykja með betri afþreyingarbókmenntum, vandaðar
spennusögur með grunni sem byggist á sönnum atburðum. On Wings of
Eagles gerist að mestu í íran 1978, þegar keisarinn er að missa tökin á
landinu og múgurinn vill að erkiklerkurinn Khomeini taki við völdum.
Tveir bandarískir kaupsýslumenn eru teknir höndunt af leynilögreglu keisar-
ans og haldið föngnum án skýringa. Forstjóri fyrirtækisins, sem þeir starfa
hjá, ræður gamlan herjaxl, sem gengur undir nafninu „bolinn“, til að þjálfa
hóp manna til að bjarga mönnunum tveimur... Þetta er ágætis efni sem á
að vera hægt að gera góða kvikmynd úr, en hér er teygður lopinn til að
ná lengd mínisería. Úr verður langdregin spennumynd. Það má þó hafa
gaman af einstaka atriðum. Burt Lancaster er farinn að eldast. Hann dreg-
ur samt að sér alla athyglina þegar hann birtist, slíkur er persónleiki hans.
THE OTHER SIDE OF MIDNIGHT ★★
Leikstjóri: Charles Jarrott.
Aðalleikarar: Marie-France Pisier, John Beck og Susan Sarandon.
Sýningartími: 159 mín. - Útgefandi: Steinar hf.
The Other Side of Midnight er gerð eftir skáldsögu Sidneys Sheldon.
Fjallar hún um unga franska stúlku sem kemur til Parísar í atvinnuleit.
Hún er rænd öllu sem hún á. Amerískur flugmaður verður til að bjarga
henni og þá eru örlög hennar ráðin. Flugmaðurinn svíkur hana. Unga stúlk-
an verður fræg kvikmyndaleikkona og hjákona ríkasta manns heims. Allan
tímann lætur hún fylgjast með ferðum flugmannsins og kemur því þannig
fyrir að hann er ráðinn flugmaður hennar. Nú fara hlutirnir að gerast hratt
og dramatískir atburðir eru í vændum fyrir spennta áhorfendur. The Other
Side of Midnight er dæmigerð fyrir sögur Sheldons. Miklar ástríður, glæp-
ir og svik einkenna söguþráðinn og er nóg af slíku í myndinni. Þetta er
sæmileg afþreyingarmynd þótt söguþráðurinn sé einkar heimskulegur.
GIMMEANF ★
Leikstjóri: Paul Justman.
Aöalleikarar: Stephen Sþellen, Mark Keyloun og Jennifer C. Cooke.
Sýningartimi: 93 mín. - Útgefandi: Steinar hf.
Gimme An F er dæmigerð bandarísk skólamynd sem byggist upp á neðan-
mittisbröndurum og álíka skynsamlegum formúlum. Myndin gerist á
þjálfunarstöð fyrir klappstýrur sem eru séramerískt fyrirbrigði eins og flest-
ir vita. Samkeppnin er hörð um klappstýruflokk ársins. Kennararnir lenda
að sjálfsögðu í ævintýrum með nemendum. Sérstaklega eru tveir karlkennar-
ar vinsælir, enda ungir og myndarlegir. Eins og vera ber eru klappstýruflokk-
arnir misjafnir. Sumar stúlkurnar eru ófyrirleitnar við að ná markmiði sínu.
Einn flokkurinn er sakleysið uppmálað, en auðvitað sigrar hann að lokum.
Gimme An F er frekar ómerkileg mynd sem aðeins þeir sem eru á skóla-
aldri hafa gaman af. Handritshöfundarnir eru greinilega í vandræðum með
að ná endum saman og tekst bókstaflega ekki svo að úr verður hinn mesti
hrærigrautur.
7. TBL VIKAN 23