Vikan - 14.05.1987, Blaðsíða 46

Laxveiðin að hefjast og veiðimenn kætast
Vorveiðin er búin, silungsveiðin í
vötnum er komin vel á veg og það eru
ekki nema nokkrar mínútur þangað til
fyrstu laxveiðiárnar verða opnaðar.
Veiðitíminn er að komast á fullt og
veiðimenn kætast. Þetta er það sem
veiðimenn hafa beðið eftir og nú spyrja
menn hvernig sumar þetta verði. Stór-
laxasumar? Smálaxasumar? Gott eða
vont?
Vorveiðin gekk vel víðast hvar og
margir fengu góða veiði, hvort sem það
var í Þorleifslæk, Rangánum, Geir-
landsá, Vatnamótunum eða Laxá í
Leirársveit. Stærsti fiskurinn, sem veidd-
ist í vorveiðinni, var tólf pund og
veiddist í Geirlandsá, tíu punda veidd-
ust lika.
Silungsveiðin virðist skipa æ hærri
sess meðal veiðimanna og þeim fjölgar
sem renna fyrir silung. Fluguveiðinni
hefur líka vaxið fiskur um hrygg og
þeim fjölgar sem kaupa sér stöng og
renna fyrir fiskinn með flugum í öllum
regnbogans litum.
„Ég lagði gömlu maðkastönginni
minni og fékk mér flugustöng enda er
ólíkt skemmtilegra að veiða á hana,
þetta verða meiri átök við fiskinn og
baráttan verður jafnari,“ sagði veiði-
maður sem nýlega byrjaði í fluguveið-
inni. Gjarnan mætti leggja meiri rækt
við veiðivötnin okkar og grisja þau, fisk-
urinn er alltof smár i mörgum þeirra.
Laxveiðin hefst I. júni og þá verða
opnaðar veiðiár eins og Norðurá í Borg-
arfirði og Laxá á Ásum. Veiðispámenn
þjóðarinnar segja þetta verða mesta lax-
veiðiár í manna minnum og allt verði
fullt af fiski. Við skulum vona það og
enginn veiðimaður fari heim með öngul-
inn i rassinum. Við heyrðum af einurn
sem ekki hefur fengið lax í tiu sumur
og við skulum lians vegna vona að lax-
inn taki hjá honum, enda fer hann víst
í margar góðar veiðiár og þetta ætli að
ganga þetta sumarið. Annars. . .
Guðjón Hann-
esson mun
veiða víða á
þessu mikla
laxveiðisumri
sem spáð er
og hér landar
hannsjö
punda laxi í
Varmadals-
grjótunum í
Leirvogsá.
Texti og myndir: Gunnar Bender og Stefán Kristjánsson