Vikan - 04.06.1987, Blaðsíða 58

Ferðalög að atvinnu - hvert fara þeir í fríinu?
Aðalatriði
er afslöppun
- ýmsir ferðamátar eftirsóknarverðir
Utanlandsferðir þykja af skiljanlegum ástæðum ekki orðnar neitt annað en sjálf-
sagður hlutur hér á eylandinu. Árum saman hafa landsmenn flykkst á suðrænar
slóðir og notið sólar í nokkrar vikur enda hafa rigningarsumur verið algeng hér
heima og þá nauðsynlegt að leita að sólinni annars staðar. Nú hafa margir farið
svo oft til sólarlandanna að hugurinn er farinn að sækja eitthvað annað. Fjarlæg-
ari lönd hafa því átt talsverðum vinsældum að fagna þó ennþá séu sólarlandaferð-
irnar vinsælastar. Þeir sem starfa innan ferðabransans eru vanir ferðamenn og
þurfa oft að fara í skreppitúra til annarra landa. Oft eru þær ferðir þó farnar
fyrir vinnuna og lítill tími gefst til að njóta þess sem viðkomandi land hefur upp á
að bjóða. Við ákváðum því að fá nokkra ferðaskrifstofumenn til að segja okkur
frá uppáhaldsferðinni sinni eða draumaferð þeirri sem er efst á vinsældalistanum.
Við tókum það jafnframt skýrt fram að ekki mætti blanda vinnunni saman við
þetta svar því hér vildum við einungis fá svör hjá víðförlum ferðalöngum.
58 VIKAN 23. TBL