Vikan - 16.11.1989, Side 18

í hjarta
Kringlunnar
hefur nauman matartíma. Þetta er öðruvísi
en hefðbundinn skyndibitastaður. Síðan er
opið alveg ffam úr og á kvöldin legg ég
áherslu á góða kráarétti, fallega framborna
en á hagstæðu verði. Þá kemur hingað fólk
úr nágrenninu og víða að úr bænum. Þá
TEXTI: SÆMUNDUR GUÐVINSSON
UÓSM.: ÞÓRDlS E. ÁGÚSTSDÓTTIR
„Ég var búinn að velta fyrir mér ýms-
um möguleikum í veitingarekstri
þegar konan mín benti mér á að
Kringlukráin væri auglýst til sölu.
Mér leist strax vel á þetta, nýr staður
í nýju húsi og innréttingar allar fall-
egar og vandaðar. Hér ætla ég að
reka huggulega og notalega krá og
bjóða upp á ódýra en góða og
matarmikla kráarétti," sagði Sigþór
Sigurjónsson, nýr eigandi Kringlu-
krárinnar, í spjalli við Vikuna.
Sigþór er ffamreiðslumaður að mennt
og búinn að vera í bransanum frá barns-
aldri. Lærði á Hótel Sögu og vann þar
lengst af þau tuttugu og fimm ár sem liðin
eru ffá því hann hóf námið. En strax um
tíu ára aldur var hann farinn að hjálpa föð-
ur sínum, sem var þjónn í Glaumbæ á sín-
um tíma, við að raða stólum og dúka borð
áður en skemmtanir hófust. En hvers
vegna að kaupa krá núna þegar allur veit-
ingarekstur á mjög undir högg að sækja?
Miklir möguleikar
lvAuðvitað veit ég um þessa erfiðleika í
greininni. Engu að síður ákvað ég að kaupa
Kringlukrána, raunar í félagi við ágætan
vin minn sem heitir Árni Gunnarsson. Það
eru miklir möguleikar sem felast í þessum
stað. í hádeginu mun ég leggja áherslu á
gott úrval af matarmiklum og góðum súp-
um fyrir fólk sem vinnur hér í kring og
má ekki gleyma því að Borgarleikhúsið er
hér í næsta húsi og gestir þess geta fengið
sér snarl eða aðra hressingu fyrir og eftir
sýningar. Á kvöldin verður lifandi tónlist
en það er ekki ætlunin að gera þetta að
villtu danshúsi," segir Sigþór og er hvergi
banginn.
Hörð samkeppni
Við ræðum um breytingar á veitinga-
rekstri og skemmtanahaldi þann aldar-
fjórðung sem Sigþór hefur verið þar að
störfúm.
„Þegar ég byrjaði voru húsin fá og gestir
drukku stíft. Sem betur fer hefúr þetta
breyst og stórlega dregið úr eiginlegum
drykkjuskap. Veitingastöðum hefur fjölgað
gífúrlega síðustu tíu árin samfara því að
ffítími fólks er orðinn miklu meiri. Þessi
breyting hefur orðið til góðs. Áður voru
hinir svonefndu skemmtistaðir með ein-
okunaraðstöðu en nú eru þeir í harðri
samkeppni við krárnar og fjölda minni
veitingastaða. Hótel ísland, Saga og Dans-
höllin bjóða upp á stórar og vandaðar sýn-
ingar en fólk hefur líka val um að fara eitt-
hvað annað fýrir minni peninga. Þetta er af
hinu góða og jafnffamt gerir fólk nú meiri
kröfúr um umhverfi staðanna og þjón-
ustu,“ segir Sigþór.
Fjölbreytt reynsla
Sem fyrr segir er Sigþór búinn að vera
lengi í bransanum. Á námsárunum á Sögu
Frh. á bls. 20
1 8 VIKAN 23. TBL. 1989

J