Vikan - 25.11.1948, Síða 1

Merkileg útgáfustarfssemi
Það hefur oft verið kvartað yfir því, að þeir sem við útgáfu bóka fást hér á landi, séu ekki nógu vandir að virðingu
sinni í vali verkefna. Margt má þó gott um íslenzka bókaútgáfu segja, og er það í rauninni furða, hve mikið kemur hér út
góðra bóka, þegar miðað er við allar aðstæður. Starfsemi Islendingasagnaútgáfunnar er t. d. með fullum rétti hægt að kalla
menningarátak, því að á skömmum tíma hefur hún gefið út tólf bindi Islendingasagna og verið er að leggja síðustu hönd á
þrettánda bindið, Nafnaskrána. I þessari útgáfu eru 33 sögur og þættir, sem ekki hafa birzt í eldri útgáfum Islendingasagna, og
átta þeirra hafa aldrei verið prentaðar áður.
(Sjá bls. 7)
Guðni magister Jónsson við skrifborðið. Hann hefur það vandaverk með höndum að sjá um útgáfu þessa nýja flokks Islendingasagna. Um hann
segir dr. phil. Páll E. Ólason: „.... Til umsjónar þessu verki öllu hefur verið ráðinn Guðni magister Jónsson. Er hann alkunnur hérlendis af rit-
um sínum og umsjá með bókum, vandvirkur maður, ættvís og margfróður............“ Guðni er fæddur 1901 á Gamla Hrauni á Eyrarbakka, sonur Jóns
bónda þar og formanns Guðmundssonar og Ingibjargar Gíslínu Jónsdóttur frá Miðhúsum í Sandvíkurhreppi Jónssonar. Guðni varð stúdent 1924
og mag. art. í íslenzkum fræðum 1930. Auk fræðistarfa sinna hefur hann verið kennari við Gagnfræðaskóla Reykvikinga (nú Gagnfræðaskóla Vest-
urbæjar) frá stofnun hans 1928, varð yfirkennari 1944 og skólastjóri 1945. Um ritstörf hans verður frekar getið í lok greinarinnar um Islendinga-
sagnaútgáfuna.