Vikan - 20.01.1995, Qupperneq 55

tíma. Hugsanlega verðurðu kominn að leiðarlokum áður en
það rennur upp fyrir þér að framlagið borgaði sig. Gefðu lang-
tímaskipulagningu gaum.
Þótt miklar kröfur verði gerðar til þín árið 1995, þá kemur á
móti að árangur, sem lofar góðu, bíður þín. Júpíter, pláneta
þenslu og þroska, er nefnilega líka í valdastöðu í lífi þínu um
þessar mundir. Hann fer yfir tíunda hús sem er Satúrnusarhús-
ið. Það lofar góðu fyrir framtíðina, ekki síst með tilliti til starfs
og frama eða annarra verkefna sem þarfnast viðlíka mark-
miðasetningar. Þú gætir vel fengið viðurkenningu en þú kemst
að raun um að allt kostar sitt og framlagið þarf að vera mjög
stórt til þess að maður öðlist hlutdeild í þeirri þenslu og þroska
sem Júpíter getur gefið. Þú gætir neyðst til þess að kasta þér út
í valdabaráttu til þess að vinna markmiðum þínum fylgi.
I ár verður þú að setja sveigjanleikann og hugsjónirnar um
að við getum lifað saman í friði og spekt, á hilluna þar til 1996,
og fara þess í stað svolítið á skjön við grunneðli Fiskanna. Það
eru sérstaklega tímabilin frá 1. til 22. janúar og 26. maí til 21.
júlí og frá 21. október til 30. nóvember, sem þú þarfnast bar-
áttuþreksins. Síðasttalda tímabilið getur orðið það viðburða-
rfkasta og mest afgerandi á árinu. Farðu vel með þig svo þú
sért í toppformi, það gerir þetta allt miklu skemmtilegra.
Þú getur hlaðið þig og safnað nýrri orku, sérstaklega á tíma-
bilinu frá 8. september til 20. október og á milli 1. og 31. des-
ember. Á þeim tímabilum áttu líka auðveldara með að taka
verkefnin fyrir á rökrænan og hagnýtan hátt. Frímínútur til
þess að njóta félagsskapar, ástar og rómantíkur, koma helst til
greina á Venusartímabilunum sem eru frá 1. til 7. janúar, 5.
febrúar til 2. mars, 29. mars til 24. apríl, 17. maí til 10. júnf, 6. til
29. júlí, 11. október til 3. nóvember og 28. nóvember til 1. des-
ember. Líkur eru á því að þú finnir hjá þér meiri áhuga en fyrr
á því að taka eitt risaskref upp á við í starfi, í eitt skipti fyrir
öll.
VIKAN 53