Menntamál - 01.12.1951, Page 9

menntamál
127
Lítils háttar skoSanakönnun.
Síðast liðinn vetur efndi ég til dálítillar skoðanakönn-
unar í 2. bekkjar deildum gagnfræðaskólanna í Reykja-
vík. Aðaltilgangur hennar var sá að fá svolitla bendingu
um það, í hvaða átt hugur nemendanna stefndi varðandi
breytingar á námstilhögun, og hvar skórinn kreppti eink-
um, eins og nú er háttað skólastarfi. Á döfinni var að
stofna til aukirts verknáms í gagnfræðaskólunum. Og
þar sem lítil reynsla var fengin af slíkri námstilhögun,
fannst mér ekki úr vegi að kynna mér hug nemendanna
í þeim efnum og hafa vilja þeirra til hliðsjónar við fyrstu
tilraunina til að skipa þessum málum.
Ýmsir góðir kunningjar mínir töldu mig lítinn ávinning
mundu hafa af að leita slíkrar véfréttar. Á svörum ungl-
inga væri lítið mark takandi. Að skoðanakönnun lokinni
þóttu mér þó svörin harla athyglisverð, og þar eð ég hafði
ekki í höndum aðrar leiðbeiningar, sem mér þóttu mark-
verðari, studdist ég mjög við þau við samningu tillagna um
fyrirkomulag verknámsdeildarinnar. Raunin varð sú, að
áætlanir, sem gerðar voru á þessum grundvelli, t. d. um
aðsókn, val námsgreina o. fl., reyndust mjög haldgóðar.
Verður hér á eftir skýrt frá svörum við nokkrum helztu
spurningunum.
Þegar spurningarnar voru lagðar fyrir, var það brýnt
vandlega fyrir nemendunum, að ekki væri til annars ætlazt
en þeir segðu satt og rétt frá áliti sínu, þeir þóknuðust
hvorki mér né öðrum með einu svari fremur öðru. Og til
þess að engin eftirkaup væri að óttast, lét ég þá ekki rita
nöfn sín á blöðin.
Viðstaddir reyndust 526 af rúmlega 580 nem. 2. bekkjar
deilda, þegar spurningarnar voru lagðar fyrir.