Menntamál - 01.12.1951, Qupperneq 15

MENNTAMÁL
133
Ritstjórarabb.
Utgáfa námsbóka.
Ríkisútgáfa námsbóka hefur nú starfað liðlega hálfan
annan áratug. Með stofnun hennar og starfi var leyst úr
niiklum vanda, sem fátækum heimilum var á höndum: að
sjá skólabörnum fyrir sæmilegum námsbókakosti við við-
ráðanlegum kostnaði.
Ég hygg, að flestir kennarar kunni að meta það, sem
þessi stofnun hefur vel gert. Hún hefur gefið út þær
kennslubækur, sem fyrir hendi hafa verið,og yfirleitt skilað
þeim greiðlega til skólanna. Vart mun þess dæmi, að út-
gáfan hafi komið í veg fyrir, að kennslubók, sem á boðstól-
um hefur verið, hafi ekki verið út gefin.
Og svo litlu hefur verið kostað til þessarar starfsemi,
að furðu gegnir. Árið 1949—1950 nam reksturskostnaður
útgáfunnar 163.500 kr. og s. 1. ár 178 þús. Fyrir þetta fé
er öllum skólaskyldum börnum í landinu u. þ. b. 15 þús.
talsins, séð fyrir námsbókum. Verður því ekki neitað með
sanni, að hér sé á málum haldið af óvenjulegri forsjálni.
En þótt þessu sé nú svo farið, felur sú mikla sparsemi,
sem hér er í frammi höfð, ýmsar hættur í sér. Vil ég þar
fyrst til nefna, að frágangur bókanna er ekki svo vand-
aður sem skyldi. Að vísu er hann hvergi nærri ósnotur, og
Pappír hefur yfirleitt verið mjög sæmilegur. Hins vegar
hefur heftingin verið léleg, þ. e. vírhefting. Hefur það
haft það í för með sér, að blöð losna fljótlega, jafnvel þótt
bækurnar verði fyrir litlu hnjaski. Veldur það börnum oft
sárum vonbrigðum að geta ekki með góðum ásetningi um
gætilega meðferð haldið bókunum heilum. Þá er tilbreyt-
ingarleysið ákaflega mikill ókostur. Bækurnar eru allar
svo til alveg eins að útliti, þykktin nsérri því söm og brotið