Bjarmi - 01.11.1977, Blaðsíða 3

Skúli Svavarsson Vorblær lék um Kolme
segir frá
-en þá var líka reynt að spilla gróðrinum
Kolme heitir suðvesturhluti
Konsóhéraðs. Þar er byggð dreifð-
ari en annars staðar í Konsó. Lítið
er um stór þorp, en hver f jölskylda
býr út af fyrir sig og oftast þar,
sem hún hefur akra sína.
Ekki eru nema rúm fjögur ár,
síðan kraftur kom í vakninguna
þar, en þá vildu, á skömmum tíma,
allflestir íbúanna trúa á Jesúm
Krist. Var mikið beðið um fræðslu
í Guðs orði.
Þeir, sem mætt höfðu Kristi og
eignazt samfélag við Guð, vitnuðu
fyrir nágrönnum sínum um allt,
sem Kristur hafði gert fyrir þá.
Hinn persónulegi vitnisburður
snart þá, sem heyrðú. Hér var fólk,
sem þeir þekktu og hafði verið í
sömu andlegu neyð og þeir sjálfir.
Nú voru þeir nýir menn og höfðu
losnað úr öllum böndum hins gamla
átrúnaðar.
Jesús er sterkari en Satan og
andamir. Það var vitriisburðurinn,
borinn fram af krafti og út frá
reynslu.
Kirkjur risu, hver af annarri.
Kristnir söngvar hljómuðu um allt.
Fólk gekk langar leiðir til þess að
fá tækifæri til að heyra Guðs orð
og söng á leið sinni hástöfum
kristna söngva. Það lék andlegur
vorblær um landið. Jesús var kom-
inn til Kolme.
Ekki voru allir jafnánægðir yfir
þessari breytingu. Töframenn og
aðrir höfðingjar og ráðamenn, sem
drottnað höfðu yfir fólkinu og
hagnazt af fáfræði þess og vantrú,
voru reiðir. Satan sjálfur notaði
svo þessa menn til þess að brjóta
niður og eyðileggja það, sem Guð
hafði látið gerast. Hann hafði all-
ar klær úti og beitti óspart vopn-
um sínum, svikum og lygi.
Það gagnaði þó litið. Guðs ríki
fór sigurför. Nafn Jesú var á allra
vörum.
Áróðurinn gegn þeim, sem byrj-
að höfðu að trúa á Jesúm, var hert-
ur. Hópum, sem gengu syngjandi
til kirkju, var tvístraö og jafnvel
skotið á þá. Menn voru ákærðir
fyrir óspektir og hávaðasöng á al-
mannafæri.
Þegar Ijós ICrists skín inn í hús og
hjarta, kemur margt í ljós, sem
hreinsa þarf í burtu. Hér er verið að
taka töfragripi út úr kofa í Eþíópíu.
Höfðingjarnir leigðu fólk til þess
að ráðast á lcristna menn og mis-
þyrma þeim. Þeir reyndu að brenna
eða rífa kirkjurnar,1 en hinir
kristnu byggðu nýjar kirkjur og
enn þéttar en áður.
Þá kvörtuðu höfðingjarnir yfir
því við valdhafana, að allt of stutt
væri milli kirknanna. Kirkjurnar
taka mikið landrými, sem áður var
ræktað, og fólkið er hætt að vinna,
en syngur bara sálma og vitnar
hvert fyrir öðru, sögðu þeir.
Lögreglan í Kolme gekk í lið með
höfðingjunum og töframönnunum.
Kristnir menn voru nú fangelsaðir
unnvörpum án nokkurs tilefnis.
Þegar lögreglan las á aðalmark-
aðstorginu yfirlýsingu um, að nú
væri Eþíópía sósíalskt ríki, bætti
yfirlögregluþjónninn við annarri
yfirlýsingu um, að lútherska kirkj-
an, Mekane Jesús, hefði ekki leng-
ur heimild tii að starfa. Það átti
að loka öllum þessum nýju kirkj-
um og refsa öllum leiðtogum og
starfsmönnum hennar.
Starfsmenn kirkjunnar í Kolme
skrifuðu niður yfirlýsinguna og
sendu boð til kristniboðsstöðvar-
innar um, hvað væri að gerast.
Við fengum svo lögreglustjórann
í Konsó með okkur daginn eftir og
ókum til Kolme. Bezt var að kryf ja
þetta mál til mergjar.
Þegar við komum til markaðs-
torgsins í Kolme, var þar múgur
og margmenni, enda þótt ekki væri
markaðsdagur. Augljóst var, að
mikil ólga var meðal fólksins.
Yfirlögregluþjónninn í Kolme
varð undrandi að sjá okkur. Hann
heilsaði með skjálfandi röddu og
sagðist vera ánægður yfir, að við
skyldum koma og heimsækja sig.
Okkur var boðið inn til hans og
veitt kaffi. Síðan vildi hann ræða
við lögreglustjórann í einrúmi. Við
gengum því út og töluðum við fólk-
ið á meðan. Því þóttu yfirlýsingar
herstjórnarinnar um að loka kirkj-
unum einkennilegar og spurði um
margt. Það var heitt í kolunum.
Við gátum frætt fólkið um, að
FRH. á bls. 7.
t------------------------------
COMORO:
Áhrif am ihill
ritnishurður
Þegar Comoro-eyjarnar í Ind-
landshafi losnuðu undan yfirráð-
um Frakklands og urðu sjálfstœð-
ar í júlí 1975, fóru allir kennarar
og lcelcnar á brott frá eyríkinu.
Þannig varð það án lœlcnishjálpar.
Eina undantekningin var kristni-
boðslœknir frá innri hluta Afríku,
sem var þar á þessum tíma af til-
•._____________________________
viljun. Hann hafði svo jákvœð
áhrif á leiðtoga landsins, þar sem
allir eru múhameðstrúar, að þeir
báðu hann um að senda eftir fleiri
kristnum Iœknum. Rétt á eftir voru
samþykkt ný lög, sem veittu trú-
arbragðafrelsi í landinu. Kristnir
menn fengu ókeypis útsendingar-
tíma í rikisútvarpinu einu sinni í
viku fyrir evangeliskt dagskrár-
efni. Nú starfa 15 kristniboðar á
eyjunum, og nýlega bárust fregnir
um, að fyrsti maðurinn hefði snúið
sér til Krists.
(
3