Bjarmi - 01.05.1978, Blaðsíða 8
Hirciirmn leitar hins týnda, Lúlt. 15,4.
/ * 'V* *
LrOöi hirðinnn
Jóh. 10,1-18.
í Biblíunni er víða talað um
hirða, enda gegndu þeir mjög
mikilvægu hlutverki meðal ísraels-
manna.
Hirðarnir urðu að vera sterkir
og traustir. Þeir urðu að bera um-
hyggju fyrir hjörðinni, berjast við
hætturnar, sem ógnuðu henni og
vera fúsir að fórna sér. Hjörðin
var falin þeim, og þeir áttu að leiða
hana að beitilandi og vatnsbólum.
Hjörðin var örugg í návist og fylgd
hirðisins.
Biblían notar hirðinn sem mynd,
sem sýnir okkur, hvernig Guð er,
— hvernig Jesús, góði hirðirinn,
er. Sauðirnir tákna okkur menn-
ina. Jesús sagði: „Ég er góði hirð-
irinn, góði hirðirinn leggur líf sitt
í sölumar fyrir sauðina."
Góðum hirði er annt um sauð-
ina. Hann berst við hætturnar og
leggur líf sitt í sölurnar fyrir sauð-
ina, ef með þarf.
Eins er Jesús. Hann lagði líf
sitt í sölurnar fyrir okkur.
Við lestur guðspjallanna kom-
umst við að því, að Jesús kenndi
í brjósti um það fólk, sem hann
umgekkst, cg sýndi því meðaumk-
un. En hann gerði meira en það.
Líttu til krossins. Umhyggja og
kærleikur Guðs kemur hvergi eins
skýrt fram og á krossinum, þar
sem Jesús gaf líf sitt vegna synda
mannanna.
Við erum oft minnt á það, að
verkin segi meira en orðin.
Jesús sýndi kærleika sinn í verki
á krossinum.
,,En Guð auðsýnir kærleika sinn
til vor, þar sem Kristur er fyrir
oss dáinn, meðan vér enn vorum
í syndum vorum“ (Róm. 5,8).
„Meiri elsku hefir enginn en þá,
að hann leggur líf sitt í sölurnar
fyrir vini sína“ (Jóh. 15,13).
Umhyggja og kærleikur Jesú
birtist einnig í því, að hann leitar
að hinu týnda og frelsar það, enda
var hann til þess kominn. „Því að
mannssonurinn er kominn til að
leita að hinu týnda og frelsa það“
(Lúk. 19,10). Góður hirðir gætir
hjarðarinnar, og ef einhver sauð-
anna villist og týnist, þá fer hann
og leitar, þar til hann finnst.
Sá, sem ekki á trúna á Jesúm,
hefur villzt af leið. Hann er týnd-
ur og glataður án hans. Hann á
ekki góða hirðinn að, hann heyrir
ekki raust hans og fylgir honum
ekki. Jesús leitar allra slíkra. Hann
vill taka þá að sér, fyrirgefa þeim
syndirnar og leiða þá áfram. „Ég
mun leita að hinu týnda og sækja
hið hrakta, binda um hið limlesta
og koma þrótti í hið veika, en
varðveita hið feita og sterka; ég
mun halda þeim til haga eins og
vera ber“ (Esek. 34,16).
Það er meginhlutverk hirða að
vaka yfir hjörðinni, varðveita
hana og leiða hana að vatnsból-
um og beitilöndum. Þannig er einn-
ig góði hirðirinn gagnvart hjörð
sinni. Hann vakir yfir henni og
fylgist með henni. Hann varðveitir
hana frá illum árásum Satans.
Hann leiðir hana áfram og gefur
henni lifandi vatn og fæðu, sem
eyðist ekki, heldur varir til eilífs
lífs.
Þetta kemur einna skýrast fram
í 23. sálmi Davíðs. Davíð hafði
sjálfur verið hirðir og vissi, hvað
það þýddi, þegar hann sagði:
„Drottinn er minn hirðir.“
Lestu þennan sálm, þó svo þú
hafir oft lesið hann og heyrt áður.
Leyfðu honum að sýna þér, hvílík
umhyggja og kærleikur Drottins
er gagnvart þeim, sem hafa gert
hann að hirði sínum. Þeir eru ör-
uggir í skjóli hans, hvar sem þeir
eru og hvað sem þeir gera. Góði
hirðirinn þekkir sína. Hann veit
allt um þeirra hagi og fylgist alltaf
með þeim.
Jesús sagði: „Mínir sauðir heyra
raust mína, og ég þekki þá, og þeir
fylgja mér, og ég gef þeim eilíft
líf, og þeir skulu aldri að eilífu
glatast, og enginn skal slíta þá úr
hendi minni“ (Jóh. 10,27—28).
Þeir, sem geta sagt: „Drottinn
er minn hirðir," þeir heyra raust
hans og fylgja honum. Þeir halda
sig þar, sem sá er, sem lagði sjálf-
an sig í sölurnar fyrir þá. Þeir
hlusta á orð hans og byggja trú
sína á þeim.
Og þeir fylgja honum. Hvert sem
8