Bjarmi - 01.11.1978, Blaðsíða 14

IÐNAÐARBANKI
ÍSLANDS HF.
GRENSÁSÚTIBÚ
Hdaleitisbraut 58, sími 38754
Annast alla venjulega
bankastarfsemi
Á útisamkomu á sunnudeginum
voru um 20 þúsund manns saman-
komnir, þrátt fyrir óhagstætt veð-
ur. Norska sjónvarpið sýndi mik-
inn hluta þeirrar samkomu um
kvöldið. Á samkomunni söng um
1500 manna kór undir stjórn Trond
Andersen, biblíuskólakennara.
Ætlunin var, að ég túlkaði mál
Grahams inn á myndsegulband á
þessari samkomu líka, auk sam-
komanna í Stokkhólmi, en af því
varð þó ekki vegna þess, að allar
aðstæður voru mjög slæmar og upp-
tökutækin ekki í lagi.
Viðtökurnar í Svíþjóð voru allt
aðrar. Þar bar ekki á neinum mót-
mælaaðgerðum. Vísir og Þjóövilj-
inn hér heima löptu að vísu upp
einhverjar greinar úr slúðurdálk-
um Expressen og Aftonbladet, þar
sem sagt var, að einhver kona hefði
kært Billy Graham fyrir barna-
verndarnefnd og haldið því fram,
að hann kæmi úr jafnvægi böm-
um, sem þvinguð væru til að gera
syndajátningar á samkomum hjá
honum.
Þarna er sannleikanum alveg
snúið við. Engar þvinganir eða
hótanir voru um hönd hafðar á
samkomunum, hvorki gagnvart
börnum né fullorðnum. Þungamiðja
boðskaparins var kærleiki Guðs í
Jesú Kristi, sem gaf sjálfan sig
fyrir syndir okkar á krossinum á
Golgata og reis upp okkur til rétt-
lætingar. Um þetta hefði hver mað-
ur getað sannfærzt á þessum fimm
samkomukvöldum í Neskirkju, er
sýnt var af myndsegulböndum það,
sem fram fór á samkomunum.
Opinber játning
Billy Graham hefur það að vísu
fyrir venju á öllum samkomum
sínum að hvetja fólk til þess að
ganga fram og gefa sig Jesú Kristi
á vald með vitund og vilja og stað-
festa þannig fermingarheit sitt, ef
um lútherska menn er að ræða.
Jesús leið opinberlega á krossi fyrir
okkur. Við eigum að taka opinber-
lega á móti honum og kannast við
hann sem frelsara okkar. Á sam-
komunum í Stokkhólmi gengu
hundruð manna fram á þennan
hátt og fengu leiðbeiningu í and-
legum efnum hjá trúuðu fólki, sem
hafði undirbúið sig sérstaklega til
þess.
Aðbúnaður til túlkunar var all-
ur annar í Stokkhólmi en í Noregi,
enda fóru samkomurnar allar fram
innanhúss. Ég og norski túlkurinn
höfðum hvor sinn klefa. Höfðum
við heyrnartæki og lítið sjónvarps-
tæki, þar sem við gátum fylgzt
með öllu, sem fram fór.
Þó var aðstaða sænska túlksins,
sem stóð við hlið ræðumannsins
allan tímann, mun betri. Við, sem
vorum í klefum okkar; réðum á
engan hátt ferðinni. Við urðum
eftir beztu getu að reyna að fylgj-
ast með ræðumanninum, sem tal-
aði mjög hratt.
Samkomurnar í Stokkhólmi fóru
allar fram með svipuðum hætti.
Um 1200 manna kór söng á sam-
komunum. Evie Tornquist, norsk
ættuð, amerísk, ung stúlka, söng
einsöng á hverri samkomu og flutti
stuttan vitnisburð um trú sína. Auk
hennar söng þeldökk amerísk
stúlka, Myrtle Hall, einsöng, svo og
hinn þekkti einsöngvari, Beverley
Shea, sem starfað hefur með Billy
Graham frá upphafi.
Þess má geta, að sænska sjón-
varpið sjónvarpaði sérstakri guðs-
þjónustu eða samkomu Billy Gra-
hams kl. 9 á sunnudagsmorgun-
inn. Fór hún fram með líkum hætti
og kvöldsamkomurnar.
Að öðru leyti verður ekki gerð
tilraun hér til þess að lýsa nánar
þessum samkomum. Margir trúaðir
menn um heim allan biðja stöðug-
lega fyrir starfi Billy Grahams og
samstarfshóps hans. Framundan
voru samkomur í Póllandi í tíu
daga og þar á eftir í Singapore,
svo að Billy Graham bjóst ekki við
að koma heim fyrr en rétt fyrir
jólin.
Á meðan dagur er
Billy Graham hefur fengið sér-
staka köllun frá Guði á alvarleg-
um tímum. Knúinn af kærleika
Krists ann hann sér engrar hvíld-
ar. Fagnarerindið um Jesúm Krist
skal boðað um allan heim og tækn-
in tekin í þjónustu þess, á meðan
dagur er, áður en nóttin kemur og
enginn getur unnið.
Trúaðir menn á íslandi ættu
einnig að taka þátt í að biðja fyrir
þessu umfangsmikla starfi, ekki
sízt eftir að hafa kynnzt því nán-
ar, þótt ekki væri nema á sjón-
varpsskermi. Biðjum einnig um, að
blessunin af samkomunum í Nes-
kirkju vari við og verði byrjun á
endurlífgunar- og vakningartímum
í íslenzkri kristni.
G. Sj.
BJARMI
Út koma 12 tölublöð á ári, 1—2 tbl.
í senn. Ritstjóri Gunnar Sigurjónsson.
Afgreiðsla Amtmannsstíg 2B, pósthólf
651, 121 Reykjavík. Símar 17536 og
13437. Árgjald kr. 1.000. Gjalddagi
1. apríl. Prentað í Prentsm. Leiftri hf.
14