Bjarmi - 01.02.1992, Page 9

einn munn til viðbótar að metta. Trúboðarnir
í dag verða hreinlega að fara heim til að ná sér
í mat og þeirra matarforði er mjög takmark-
aður. Svo að til að trúborðarnir geti búið í
þorpunum verðum við að sjá þeim fyrir mat og
jafnvel fyrir vatni. Það er langt að fara í
brunnana og þegar vatnið er komið í þorpið er
það orðið svo dýrt að konurnar vilja ekki gefa
það nema mjög takmarkað.“
„Biblíunámskeið
með nýju sniði“
Pú nefndir að biblíuskólarnir hefðu verið
lagðir niður eftir byltinguna. Hvað hyggist þið
gera núna í Bórana varðandi uppfræðslu
þeirra trúboða sem þið viljið senda út?
„Þegar ég kem til Eþíópíu í janúar fer ég
aftur til Yavelló þar sem ég bý. Þar ætlum við
að byrja þriggja mánaða námskeið fyrir þá
sem vilja. Það sem við hugsum okkur þá er að
kenna á Bóranamáli og við gerum engar kröf-
ur til fyrri menntunar til að menn geti fengið
inngöngu í námið. Hugsunin á bak við það að
taka inn ómenntað og ólæst fólk er að með því
erum við að mennta fólk sem fer aftur heim í
þorpin sín og býr í sínu eigin þjóðfélagi. Því
að biblíuskóli eða biblíunámskeið opnar ekki
leið til annars starfs en innan kirkjunnar. Ef
við miðum hærra t.d. á sjötta bekk er hætt við
að nemendur leiti sér starfs annars staðar og
vilji heldur vera í bænum en að fara út í
þorpin.“
Hvernig hyggist þið byggja upp þessi nám-
skeið?
„Við miðum við að námið verði eitt ár. En
fyrir venjulega bændur eða hirðingja er erfitt
að vera að heiman í níu eða tíu mánuði. Þess
vegna skiptum við þessu upp þannig að við
höfum þriggja mánaða námskeið nú og svo
byggjum við á því næsta ár. Þannig höfum við
þrjú þriggja mánaða námskeið. Ef þrír mán-
uðir reynist of mikið getum við skorið þá niður
í einn eða tvo mánuði. Þá getum við jafnvel
haft þetta oftar á ári. Þegar ég er búinn með
námskeiðið í Yavaelló fer ég til Negellí með
svipað námskeið.“
Hvað getum við á íslandi gert til að styðja við
starfið í Bórana?
„Starfið í Bórana er fjármagnað af Norska
lútherska kristniboðssambandinu eins og
margir vita. Fjárframlög frá íslandi myndu
ekki ná þessu starfi beint. En það sent við
þurfum ennþá frekar er fyrirbæn og fyrirbæn
er afl sem við skiljum afskaplega lítið en við
biðjunt almáttugan Guð að liðsinna okkur í
starfi sem hann hefur falið okkur — sem hann
hefur kallað okkur til. Þá erum við að biðja
Guð almáttugan að styðja sitt eigið starf. Og
það er bæn sem Guð heyrir.“
Fr.H.
DANMÖRK:
Drottningin treystir Jesú
Margrét Danadrottning er ófeimin að játa trú sína á frelsarann. í
viðtali við danska blaðið Berlingske Tidende tekur drottningin
m.a. svo til orða:
„Eg lít svo á að Guð sýni okkur einmitt í Jesú Kristi að liann
vakir ylir okkur og dvelst mitt á ineðal okkar. Jesús er vitnis-
burður (íuðs um það að Guð er ekki aðeins skapari heldur er hann
sá Drottinn sem vitjar okkar til að endurleysa okkur sér til
handa.
Eg trúi því og er þess fullviss að Jesús hafi ekki einungis verið
maður. Hann var Guð sjálfur sem varð eitt með okkur. Þess vegna
þori ég að setja traust mitt á Jesú - sem náðaður syndari og sem
drottning.“
JAPAN:
Eftirlaunamenn í prestsstarf?
Lútherska kirkjan í Vestur-Japan vantar mjög presta. Þeirri
spurningu hefur verið varpað fram hvort ekki sé rétt að leita lið-
sinnis manna sem komnir eru á eftirlaun.
Hvergi í heiminum er meðalaldur manna jafnhár og í Japan, um
80 ár, og þar fer fólk á eftirlaun 62 ára gamalt. Ljóst er að þetta
fólk, sem farið er af almennum vinnumarkaði - og er kristið - á
hugsanlega eftir að vera í kirkju sinni 20 ár í viðbót. Rektor í
lútherskuin guðfræðiskóla í Japan bendir á að æ fleiri umsækj-
endur um nám séu yfir sextugt. Þeir eiga kost á styttra guðfræði-
námi en aðrir. í þessum skóla voru fyrir skömmu 20 nemar.
Rektorinn telur að eftirlaunamenn séu margir það vel á sig komnir
að þeir gætu hæglega gegnt forstöðu í kristnum söfnuðum lengur
eða skemur.
ÞÝSKALAND:
Krossferð undirbúin
Þær fregnir voru birtar fyrir nokkru að hinn heimsþekkti,
bandaríski predikari Billy Graham mundi brátt rifa seglin og
hægja ferðina. Hann hefur heimsótt mörg lönd austan hafs og
vestan og boðað fagnaðarerindið fyrir miljónum manna. Billy er
nú rúmlega sjötugur.
fm þessi sendiboði Jesú Krists hefur ekki lagt árar í bát. Nýlega
mátti lesa í erlendu blaði að söfnuðir í Þýskalandi væru farnir að
undirbúa samkomuröð á næsta ári, nánar tiltekið 17.-23. inars
1993, og yrði Billv Graham þar ræðumaður. Lausanne-hreyfingin
svonefnda er meðal þeirra sem standa að þessum samkomuhöld-
um. (iert er ráð fyrir að áheyrendur á 200 stöðum í og utan
Þýskalands geti fylgst með samkomunum með aðstoð ljósvaka-
tækninnar. Verið er að kanna hvort einnig séu tök á að fólk í Al-
baníu, Rúmeníu og Búlgaríu geti hlustað á predikarann í beinni
útsendingu.
LifílLÍLlí, §