Heima er bezt - 01.01.1964, Page 35

NP f
p r ! m
i j J *
V i V
1 í fcfc ^ mnrmBmr dæ SURL AO A káttunÍHAt
Á þessu nýbyrjaða ári heilsar dægurlagaþátturinn
með nýju ljóði, sem margir hafa beðið um. Ljóðið
heitir Limbo-rokk-tvist. — Höfundur ljóðsins er hinn
þekkti dægurlagasöngvari Ómar Ragnarsson, en sem
kunnugt er, þá er hann sjálfur höfundur flestra dægur-
ljóða, sem hann syngur. Um þetta ljóð hafa meðal
annars beðið: Steini og Gísli, Sólborg á Eskifirði, S. R.
í Víðidal, Anna, Dísa og Kitty. — Og hér birtist þetta
vinsæla Ijóð:
Landsins æðri ómenning
í öldudal hefur virzt
það er allt of mikil einhæfing
að dansa annaðhvort rokk eða tvist.
Limbórokk og limbódans
loks fá andlát blítt
því aðalmál hvers æskumanns
er að heimta nýtt.
Vísindamenn hafa stytt það stríð
og starfið heppnaðist,
þeir hrærðu öllu upp á nýtt
og út kom Limbó-Rokk-Tvist.
Æskan sem í „Lúbbílú“
lötrar ósköp trist
dælis sér í djammið nú
og dansar Limbó-Rokk-Tvist.
Já, það er ekkert auðveldar
en einmitt þessi list
og ágæt heilsubót er það
að bregða sér í Limbó-Rokk-Tvist
Ystru-hrjáðir iðkendur
geta af sér skvapið hrist,
allir bílaeigendur
kaupa ódýran limbó-rokk-tvist.
Það eykur hreysti um allt land
og hefur einkum lækningamátt
sé það dansað með segularmband
í segulnorðurátt.
Fyrir byrjendur höfum við hér
handbók um þessa list,
við sendum gegn póstkröfu hvert sem er
krassandi Limbó-Rokk-Tvist.
Jón Sigurðsson, hinn þekkti höfundur dægurljóða
— og laga, hefur gert ljóð við lagið „Bobbys girl“. Það
heitir: Ef ég ætti Jóa ein.
Ætíð mig ástin sker,
alltaf hún fylgir mér,
svona er ég gerð,
já, því er nú ver.
Ef hann kæmi ögn við mig
eflaust hann brenndi sig,
því eins og bál ég alla tíð er.
Ef ætti ég Jóa ein,
ætti ég Jóa ein,
enginn skyldi í hann ná frá mér.
Ef ætti ég Jóa ein,
ætti ég Jóa ein,
allar hinar mættu gæta að sér.
Ef við förum út á ball
er hann kominn strax á rall,
ó, hvílík mæða með þennan mann.
Ein ég sitja eftir má,
aldrei má hann neina sjá
þar karlmannslausa að kíkja á hann.
Ef ætti ég Jóa ein, o. s. frv.
Hér kemur svo að lokum fallegt Vögguljóð. Sigrún
Jónsdóttir hefur sungið það á hljómplötu, en höfund-
ur ljóðsins er Gunnar Dal skáld og rithöfundur:
Hver blundar rótt og blítt í húmi nætur
ó barnið mitt þú sefur vært í nótt.
En úti vakir einhver, sem að grætur
sín örlög, barnið mitt, en sofðu rótt.
í dýrð, sem aðeins draumalönd þín geyma
þar drottning næturinnar hljóðlát fer
og opnar hulda ævintýraheima,
sem aðeins voru byggðir handa þér.
Hún kemur til þín, hvítar rósir anga,
og krýpur engilbjört við stokkinn þinn,
Hún þrýstir mjúkum kossi á munn og vanga
og mildar hendur strjúka þér um kinn.
Hún hvíslar að þér: Hvíl í örmum mínum
að kynjaströndum nýjum þig ég ber.
Ó, barn mitt góða, gleym ei draumum þínum,
geym ævintýrið vel í hjarta þér.
Fleiri ljóð birtast ekld að þessu sinni.
Stefán Jónsson,
Skeiðarvogi 135, Reykjavík.
Heima er bezt 31