Heima er bezt - 01.08.1965, Page 27

þjóðvegurinn liggur að mestu meðfram strandlengjunni.
Á sólbjörtum vordögum er leið þessi fögur og sér-
kennileg. Bæirnir standa strjált á malarhryggjum við
sjóinn, en innan við malarkampinn, eru lón og smá vötn
með hólmum. I lónum þessum og vötnum er silungsveiði
og æðarvarp í hólmunum. Allt er þá þarna iðandi af
fuglalífi. í norðan og austan átt svarrar hafaldan við
ströndina og ýmist rífur skörð í malarkampinn, svo að
sjór fellur inn í lónin, eða eykur og hækkar sjávar-
kampinn, svo að hann myndar öflugan sjóvarnargarð.
Þegar sjór fellur inn í lónin eða vötnin, geta allskonar
fiskitegundir borizt þar inn, og lónin verða salti blandin,
einkum við botn. Ef lónin lokast aftur til sjávar, deyja
þær fiskitegundir út, sem aðeins geta lifað í söltum sjó.
------Þegar farið er í kringum Sléttu frá Kópaskeri
liggur leiðin fyrst um sanda, melabörð og kjarri gróna
lyngása uin 15 km. leið þar til komið er að Leirhöfn, en
utan við Leirhöfn byrjar hin eiginlega Melrakkaslétta.
Er leiðin frá Leirhöfn að Raufarhöfn um 40 km. í Leir-
höfn er friðsælt og frjósamt gróðurlendi. Er það furðu-
legt svo nærri heimskautsbaug. Er sagan um hina miklu
ræktun í Leirhöfn undraverð. — í fyrstunni tókst þeim
bræðrum í Leirhöfn, Helga og Sigurði Kristjánssonum
að gera grasgefið áveituland úr gróðurlausum sléttum
og mólendi með því að veita yfir landið vatni, sem var
dælt inn með sterkum vindmyllum. Á þessu áveitu-
landi eru nú víðáttumikil og frjósöm tún. Eru fjögur eða
fimm nýbýli byggð við þessa nýrækt.
Þegar út fyrir Leirhöfn kemur, blasir við augum hin
eiginlega Melrakkaslétta. Vegurinn liggur fyrst að
mestu meðfram ströndinni, en á hægri hönd eru urðar-
hryggir og ógróið land. Eg hef aldrei neitt inn á sjálfa
Sléttuna farið, en eftir því sem séð verður frá veginum
og af frásögn manna, sem ég hef talað við, er miðhluti
Sléttunnar hræðileg auðn. Stórgrýttir urðarhryggir og
gróðurlausar móaflésur. Enginn vegur liggur neinsstaðar
þvert yfir Sléttuna, nema lélegur hraunstígur milh
Raufarhafnar og Núpasveitar, sem nú mun aldrei eða
mjög sjaldan farinn milli byggða. Heitir sá stígur að ég
held Hólsstígur. All mikið af smá stöðuvötnum eru á
Sléttunni, en miðhluti Sléttunnar er á ísiandskortinu
kallaður Sléttuheiði. (Framhald).
Heima er bezt 299