Heima er bezt - 01.06.1984, Blaðsíða 14

Vörðumar standa í klaka
Um Pétur á Gautlöndum geymist ein sögn
er gerir hans minningu heiða
og afrek sem gnœfir á auðnum vors lands
mun öldin á daginn fram leiða.
Hann fóryfir heiði einn fárviðrisdag
í frosti og stórhríðargarði,
með hetjunnar kjarki og karlmennsku þrótt
hann klakann af vörðunum barði.
Hann vissi að hverjum sem villtur þar fór
válegur dauði var búinn,
því skyldi hann ótrauður varða þeim veg
þótt vœri hann kaldur og lúinn.
Ogsérhverja vörðu hann vandlega ber
úr vetrarins mjallhvíta dróma,
hann átti þá hreysti og hjartað þannyl
sem heiðinni enn gefur Ijóma. h
í stormi og kólgu þarf karlmennsku til
að koma sér heilum til byggða,
en til þess að annast þá annarra hag
þarf örlœti fagurra dyggða.
En mannkostir þessir þeir láta svo lágt
og lítið og smátt á sér bera,
því koma þeir sjaldan með kórónu fram
sem kraftaverk tímanna gera.
Hver einasti maður er leitandi líf
á leið sem er erfítt að rata
og týni hann vörðu á veginum þeim
er velferð hans allri að glata.
Og sífellt er einhver í samfylgd með oss
er sóma og heiður má verja.
Hver vill þá koma í kolsvörtum byl
og klakann af vörðunum berja?
Pjóð mín er líka t fjallgönguför
og fölskvuð er oft hennar gata,
og allsstaðar kostar það átök og kjark
um ótroðnar slóðir að rata.
En aldrei var henni þó ógnað sem nú
í átökum framandi þjóða.
Hver vill nú koma og lýsa henni leið
og líf sitt og karlmennsku bjóða?
Já, hver vill nú koma í kólgu og byl
og klakann af vörðunum brjóta
fá vanþökk að launum hjá vegblindum lýð
og valdhafans fordœming hljóta?
Ó, ísland, ó þjóð mín með þúsund ár
hver þorir núyfir þér vaka?
Já, dugið nú hetjur á verðinum vel,
vörðurnar standa í klaka.
Já, víst muntu eiga á verðinum menn
sem vaka þér trúlega yfir
og enginn skal tapa á þér traustinu enn
því tunga ogþjóðerni lifir.
Þrotlaust mun standa hver þegn fram í hel
sem þorir að berjast og vaka.
Já, dugið nú hetjur á verðinum vel,
vörðurnar standa í klaka.
Heima er bezt komst yfir þetta táknræna og ágæta kvæði
nýlega, en upplýsingar vantar um höfundinn. Eru þeir sem
kannast við ljóðið góðfúslega beðnir um að koma öllum
fróðleik um það til blaðsins. Þótt fóik viti ekki hver orti,
getur komið að gagni að vita hvar og hvenær það hljómaði
eða var lesið.
194 Heimaerbezt