Afturelding - 01.01.1982, Blaðsíða 10

Þrengingin
mikla
Guð kemur í veg okkar mann-
anna á margan og næstum
undarlegan hátt. Stundum með
undursamlegri náð, en stundum
með refsidómum, sem ganga yfir
jarðarbúa. En allt á sér þann til-
gang að fá mennina, ef mögulegt
væri, til þess að beygja sig fyrir
Guði og opna hjörtu sín fyrir
hjálpræðinu í Jesú Kristi.
Það fyrsta sem ég vildi vekja
athygli ykkar á, er að ritningin
talar um mikla þrengingu, hörm-
ungartíð, sem ekki á sinn líka,
hvorki fyrr né síðar. Eins og
náðarárGuðskom með Kristi,og
hefur staðið í nær tvö þúsund ár,
svo mun einnig dagur þrengingar
og reiði koma yfir þjóðirnar sem
hafna náðarboðskap Drottins.
Biblían nefnir þennan tíma
reynslustund sem koma muni yfir
alla heimsbyggðina, til að reyna
þá sem á jörðinni búa (Opinber-
unarbókin, 3:10). Þetta verður
átakanlegt tímabil en skamm-
vinnt, tímabil þrengingar, sem
ekki á sinn líka, reynslustund,
meiri en nokkur önnur, sem yfir
jarðarbúa hefur komið. Þá mun
reiði Guðs opinberast yfir óguð-
leika og rangsleitni og vonska
mannanna þeim í koll koma.
Allar blóðskuldir mannanna
munu upp gerðar verða og þeir
sem áfram vilja lifa í synd fá sinn
dóm.
Hvenær hefst þetta tímabil?
Þrengingin mikla hefst ekki fyrr
en Kristur hefur tekið sitt fólk til
sín, en þá hefst hún líka strax.
Þrenging þessi varir frá því Jesús
tekur brúði sína, þar til er Hann
stígur niður á Olíufjallið með
sínum heilögu. Þá mun Hann
binda enda á þetta andkristilega
tímabii (Sakaría, 14. kap.).
Samkvæmt Daníelsbók, 9.
kap. og 27. versi virðist þetta
tímabil ná yfir 7 ár, angistartími,
sem gyðingarnir munu ganga
gegnum (Jeremía, 30:7) en ei
söfnuður Krists. Seinni hluti
þessa þrengingartímabils, þ.e.a.s.
fjörutíu og tveir mánuðireða þrjú
og hálft ár (sbr. Opinberunar-
bókinni 11:2 og 13:5) mun verða
skelfilegur. Þá mun and-Kristur
rjúfa sáttmála sinn við gyðingana
og koma fram sem Guð og krefj-
ast tilbeiðslu sem slíkur (II
Þessaloníkubréf, 2:4). Hann sest í
musteri Guðs, sem viðurstyggð
eyðingarinnar (Daníelsbók, 9:27
og Matteus 24:15—16). Það ríkir
ógnartíð ólík öllum öðrum tíma-
bilum sögunnar (Opinberunar-
bókin 6 —19. kap.). Gyðingarnir
munu lenda í eldi reynslunnarog
tveir þriðju hlutar þeirra láta lífið
í þessum ægilega hildarleik (sjá
Sakaría, 13:8-9). En sjálfur Guð
mun ganga inn í rás atburðanna
og stytta þessa daga, annars
kæmist enginn maður af (Matt-
eus, 24:22).
Okkur ber því að leita Drottins
meðan Hann er að finna. Nú er
mjög hagkvæm tíð, sjá nú er
hjálpræðisdagur. Jesús elskar þig
og þráir að gjörast frelsari þinn.
Hver eru viðbrögð þín?
Jóhann Pálsson.
Jóhann Pálsson cr
fymim forstöóumaóur
Hvitasunnusafnaðaríns
á Akureyri, en er nú
starfsmaður Samhjálp-
ar Hvítasunnumanna í
Hlaðgerðarkoti, Mos-
fellssveit.