Alþýðublað Hafnarfjarðar - 01.12.1981, Blaðsíða 12

12
ALÞÝÐUBLAÐ HAFNARFJARÐAR
Starfsfólk Bæjarútgerðar minnir á sig.
Heilsugæsla Hafnarfjarðar
Heilsugæsla Hafnarfjaröar Strandgötu 8—10.
Símar: 53722 — 53426
Laugardaga er læknavarsla í síma 51100
Helgidaga- og næturvarsla er í síma 51100
Ungbarnadeild bein lína: sími: 53577
Óskum öllum Hafnfirðingum
gleðilegra jóla
og farsældar á nýju ári.
Þökkum viðskiptin á liðnum árum.
Jafnframt minnum við á jólaskreytingar,
hyasintur og fjölbreytt úrval af jólaskrauti.
Kertamarkaður ásamt fullri búð af fallegri
gjafavöru.
Blómabúðin Burkni
Linnetstíg 3, sími 50971
opið alla daga frá kl. 9.00—21.00.
Við bíðum þín
GAFL-lnn býður þig og þína velkomna
í veitingasalinn við Dalshraun 13 þegar þið hafið
lokiðjólainnkaupunumlaugardaginn
19. desemberog á þorláksmessudag. Salurinn
verður opinn báða dagana frá kl. 6 til 10.
Ykkar mun þá bíða girnilegt jólahlaðborö, Guðni
Guðmundsson leikur jólalög og jólasveinar
heilsa uppá gestina. Matarverðið er lágt, aðeins
hálft fyrir vngri en tólf ára
og ókeypis fyrir sex ára og yngri. Tilvalið
tækifæri til að auka á stemmninguna
fyrirjólin.
Einnig viljum við minna fyrirtæki og
verslanir á hagkvæmni þess að láta Gafl-inn sjá
um næringuna fyrir starfsfólkið til tíma-
sparnaðarí jólaannríkinu.
Ueilin9<ihú/ið
GAPi-mn
REYKJAVÍKURVEGI 68 SÍMI 51857
DALSHRAUNI 13 SÍMI 54424 - HAFNARFIROI
Sjómennirnir eiga oft kald-
sama ævi við erfið störf. En
aflinn sem þeir koma með að
landi er undirstaða fisk-
vinnslufyrirtækjanna.
F ramleiðsluverðmætaaukning
bæjarútgerðarinnar 9 fyrstu
mánuði þessa árs meira en
tvöfaldaðist miðað við sama
tíma í fyrra.
Þannig var framleiðsluverð-
mæti frystingar hjá BH fyrstu
9 mánuði ársins 1980 um 20
milljónir króna en 43,3 millj.
kr. á sama tima þessa árs,
skreið 9 fyrstu mánuði í fyrr a
8,2 millj. kr. móti 16,4 millj. kr.
nú, en saltfiskur í fyrra 1,3
millj. kr. móti 1,8 millj. kr. nú.
Heildarverðmæti 9 fyrstu
mánuði 1980 var 29,5 millj. kr.
en 61,5 millj. kr. 9 fyrstu mán-
uði þessa árs.
Þessi mynd er tekin um borð f togaranum Aprfl sem er eign bæjarútgerð
arinnar.
ATVINNULÝÐRÆÐI
í BÆJARÚTGERÐINNI?
Bæjarstjórn hefur kosið fimm
bæjarfulltrúa til að fara yfir tillög-
ur útgerðarráðs að nýjum sam-
þykktum fyrir Bæjarútgerð Hafn-
arfjarðar. I þá nefnd voru kjörin
þau Hörður Zóphaníasson, Rann-
veig Traustadóttir, Árni Gunn-
laugsson, Einar Þ. Mathiesen og
Guðmundur Guðmundsson, sem
er formaður nefndarinnar.
f upphafi þessa kjörtímabils
bæjarstjórnar, sem nú er að líða,
fluttu bæjarfulltrúar Álþýðu-
flokksins tillögu um að komið yrði
á atvinnulýðræði innan bæjarfyr-
irtækja. Lögðu þeir til að bæjar-
stjórn kysi 5 manna nefnd til að
fjalla um þessi mál og gerði um þau
tillögur til bæjarstjórnar. Jafnframt
var gert ráð fyrir í tillögunni að
verkalýðshreyfingin og Starfs-
mannafélag Hafnarfjarðar til-
nefndu fulltrúa í nefndina og yrðu
þannig með í ráðum. Þetta var á
bæjarstjórnarfundi 7. nóvember
1978. Tillögunni var vísað til bæj-
arráðs.
Hinn 25. janúar 1979 lagði
meirihluti bæjarráðs, þeir Árni
Gunnlaugsson og Árni Grétar
Finnsson, til að bæjarstjórn vísaði
tillögunni frá, þar sem hún væri
ekki tímabær vegna þess að fljót-
lega myndi ríkisstjórnin leggja
fram á Alþingi frumvarp til laga
um atvinnulýðræði og aðild starfs-
fólks að stjórnun ríkisfyrirtækja.
Ennfremur var sagt í lok frávís-
unartillögu þeirra Árnanna, sem
var samþykkt í bæjarstjórn 30.
janúar 1979 með 6 atkvæðum gegn
5.
„Jafnframt samþykkir bæjar-
stjórn að taka málið á ný til með-
ferðar, þegar væntanlegt frumvarp
kemur til með að verða að lögum
eða ný viðhorf gefa tilefni til þess.“
Nú eru liðin þrjú ár frá þessari
samþykkt bæjarstjórnar og ekkert
bólar enn á lagasetningu um at-
vinnulýðræði.
Hins vegar gefst nú tilefni til að
setja inn í samþykktir útgerðarráðs
ákvæði um aðild starfsfólksins að
ráðinu og tryggja þannig sem best
samstarf og skilning milli starfs-
fólksins og stjórnar fyrirtækisins.
Verður því ekki trúað að óreyndu
upp á bæjarfulltrúa meirihlutans,
að þeir hafi lengur á móti því að
starfsfólkið eigi sem bestan aðgang
að stjórn Bæjarútgerðarinnar.
Ef við athugum hvernig fryst-
ingin kom út hjá Bæjarútgerð
Hafnarfjarðar árið 1980 kem-
ur í Ijós að hún skilaði 474,5
milljóna króna hagnaði.
Þetta sama ár var hagnaðurinn
af frystingu hjá Bæjarútgerð
Reykjavíkur 165,2 milljónir
króna en hjá Útgerðarfélagi
Akureyringa 419,1 milljón
króna.
Árið 1980 var hagnaður af
skreið hjá BH 776,7 milljónir
króna, hjá BÚR 605,4
milljónir króna og Útg.fél. Ak.
452,6 milljónir króna.
Hagnaður af saltfiski 1980 hjá
þessum þremur fyrirtækjum
talinn í sömu röð var 31,3
millj. kr. — 31,2 millj. kr. —
119,4 millj. kr.
30 nýjar íbúðir 1982
í lok nóvember sl. voru afhentar
9 íbúðir að Víðivangi 5. íbúðir
þessar voru byggðar á vegum
stjórnar verkamannabústaða í
Hafnarfirði samkvæmt lögum um
Húsnæðisstofnun ríkisins, en þau
lög fjalla m.a. um Byggingarsjóð
verkamanna og félagslegar bygg-
ingar.
Lög þessi eru árangur af samn-
ingum verkalýðshreyfingarinnar
við ríkisvaldið, enda markmið lag-
anna, eins og segir í I. grein:
„Að stuðla að jafnrétti í hús-
næðismálum, þannig að fjármun-
um verði sérstaklega varið til þess
að auka möguleika launafólks til
að eignast húsnæði."
Til þess að ná þessu markmiði
kveða lögin á unt að íbúðir skuli
seldar á kostnaðarverði og að
kaupendur þurfi aðeins að greiða
10% verðsins í útborgun, en eftir-
stöðvar lánaðar til 42 ára.
Hér er því um að ræða verulega
betri kjör heldur en á almenna
markaðinum. bæði hvað varðar
verð, útborgun og lánstíma. Með
þessu móti er mörgum launa-
manninum gert kleift að eignast
ibúð, sem hann annars gæti ekki
gegn um almenna markaðinn.
Eftir að almenningur fór að gera
sér grein fyrir þessum möguleika á
að eignast íbúð hefur eftirspurn
vaxið jafnt og þétt um landið allt,
— enda hafa framkvæmdir af
þessu tagi verið miklar og víða og
þó hlutfallslega mestar í Reykja-
vík.
í Hafnarfirði hafa slíkar bygg-
ingar verið í lágmarki undanfarin
ár, en nú er verið að snúa blaðinu
við og áætlanir eru uppi um veru-
legt átak hér í bæ.
Auk Víðivangs 5. sem nú er lokið
við eins og að franian segir, þá er
verið að reisa hús með 9 íbúðurn að
Víðivangi 3 og verður því húsi
væntanlega lokið í september 1982.
Þá hefur verið gerður samningur
við bæjarstjórn Hafnarfjarðar um
að stjórn verkamannabústaða reisi
6 íbúða hús á Víðivangi 1.
Hvað snertir áframhaldandi
framkvæmdir á þessu sviði, þá
hefur bæjarráð lýst þeim vilja sín-
urn að stjórn verkamannabústaða
reisi allt að 30 nýjar íbúðir á árinu
1982.
Þessi stefnumörkun fellur ntjög
vel að þeirri ntiklu vöntun sem er á
slíku húsnæði hér í bæ og er þess
vænst að haldið verði áfram á
sömu braut næstu árin.