Good-Templar - 01.08.1901, Side 11

99
til, sem bug geti unnið á þessum óvini? Er enginn iæknir,
sem hér getur hjálpað ? Um það efumst vér eigi. Bindindismenn-
irnir trúa því fastlega, að unt só að binda um sárið, vona, að
það muni einhvern tíma verða grætt til fulls. Good-Templar-
reglan bendir mönnum á, hver leiðin só. Margir ætla að nægi-
legt sé að hafa bindindi, og heimta svo af oss, að vór björgum
þeim, sem þegar liggja ósjálfbjarga af völdum áfengisins. Það
er satt, það er sjálfsagt að reyna það. En reynsla þjóðanna
er þegar farin að sýna, að með því einu móti grær þetta sár
aldrei. Alt starf reglu vorrar stefnir hærra; vér höldum því
fram, að eina örugga lækningin sé í því fólgin, að byrgja brunn-
inn, nema burtu áfengissöluna, varna mönnum að ná í eitrið.
En oss er líka öllum ljóst, að því takmarki er eigi auðnáð.
Til þess að slíkt fáist, verður þjóðin sem heild að vilja það.
Að vór eigi nú þegar byrgjum brunninn, stafar af þvi, að þjóð-
in vill það ekki. Hún þekkir enn eigi nægilega sitt mikla sár.
Vér fáum því eigi bundið um sárið með öðru móti en því, að
breiða sem bezt út sanna þekkingu á áhrifum áfengisins, halda
sannleika bindindismálsins með gætni og alvöru að mönnum,
og um fram alt kosta kapps um að vekja samvizku þeirra.
Reynum að koma kærleikans hugsunarhætti inn hjá þjóðinni.
Minnum meðbræður vora á það, að vér eigum að bera hver
annars byrði. Enginn kristinn maður má láta sér lynda að
svara eins og Kain: „Á eg að gæta bróður míns?“ Því betur
sem oss tekst að koma þjóðinni í skilninginn um kærleiksskyld-
una, því fyr léttir ánauðinni, því fyr verður bundið um þetta
mikla og opna sár þjóðar vorrar. Hér sjáum vér þess merki,
að bezta lækning við meinum mannfélagsins er sú, að manns-
sálirnar allar taki við fagnaðarboðskap frelsarans Jesú. Ef
kærleiki hans eigi nær sér niðri í félagslífinu, gróa sárin á
þjóðlíkamanum ekki. Alvarlegustu og sterkustu hvötina til
þess að vinna fyrir bindindismáiið, finn eg í kærleiksevangelíi
hans. Ef súrdeig kristindómsins hefði náð að sýra mannfé-
lagið, eins og því er ætlað það af Guði, ef kærleikshugarfar
Jesú Krists væri ríkjandi hjá öllum mönnum meðal þessarar
fámennu, fátæku þjóðar, þá væri allri áfengissölu sjálfhætt, þá
fengist enginn kaupmaður til að hafa það á boðstólum, því
síður nokkur til þess að ieka það sem beinn atvinnu að haida
úti áfengiskrám,