Kirkjuritið - 01.12.1948, Blaðsíða 57
SAMEINING NORSKU KIRKJUNNAR 307
grípur inn í með sérstökum hætti, og þá kemur það
ekkert málinu við, hvort atburðurinn er sennilegur eða
ekki, miðað við vísindalega hugsun. 1 þessu er mikill sann-
leikur. Til eru þeir atburðir, sem Guð lætur gerast, og
engin mannleg tunga nær yfir, hvorki til að útskýra né
afsanna. En ef þannig er tekið á frásögn Biblíunnar um
hið yfirnáttúrlega og kraftaverkin í heild, leiðir það að
lokum til þeirrar niðurstöðu, að sá einn geti í raun og veru
trúað dásemdarverkum Krists, sem hafði öðlazt trú á hann
fyrirfram af öðrum ástæðum. Þeir, sem nú á dögum trúa á
vísindalega tækni verkfræðinganna, heyra ekki um svo
ótrúlegar eða fjarstæðukenndar uppgötvanir, að þeir eigi
ekki auðvelt með að leggja trúnað á þær. Þeir, sem trúa
á Krist, þykir heldur ekkert ótrúlegt, sem hann gerir, hversu
f jarstætt sem það kann að virðast lögmálum náttúrunnar.
En af hverju hefir nútímamaðurinn tekið svo ákveðna trú
á tæknina, nema af því að hann hefir séð undur og stór-
merki, er hún hefir komið til leiðar? Guðspjöllin bera
þess vitni, að þannig trúðu margir á Jesúm, af því að þeir
sáu þau dásemdarverk, er hann gjörði. En kraftaverkin
geta ekki leitt nútímamanninn til Krists, nema hann sann-
færist um það fyrst, að þau hafi raunverulega gerzt.
Það hlaut því ávallt að skipta miklu máli, að hinir yfir-
náttúrlegu atburðir voru hlutlægur (objektivur) veru-
leiki, en styddust ekki aðeins við sannfæringu þeirra,
sem af öðrum orsökum höfðu verið trúaðir menn. En
skoðanir manna á því, hvað geti gerzt og hvað ekki, fara
auðvitað eftir því, hvemig þeir hugsa sér heiminn og lög-
mál hans. Heimsskoðun manna var á þessum tíma mjög
mótuð af tveim stefnum, er nefnast skynsemishyggja,
(rationalismi) og efnishyggja (materialismi). Skynsemis-
hyggjan tók ekkert gilt annað en rök skynseminnar, þ. e.
a. s. hinnar vélrænu rökleiðslu, og viðurkenndi engin
sannindi, sem ekki væri hægt að útskýra út yztu æsar
eftir þeim leiðum. Frá sjónarmiði þeirra, sem mótast af
þessari stefnu, er ekkert til, sem heitir innbláistur, eða