Kirkjuritið - 01.12.1948, Blaðsíða 78
328
KIRKJURITIÐ
allt, sem gera skyldi, var vandlega yfirvegað. Sambænin
var sterkur þáttur í starfi ráðsins. Það var óbilandi trú
þessara manna, að undir handleiðslu Guðs gætu þeir komið
miklu til Vegar og staðizt hverja raun. Það átti líka eftir
að sýna sig, að full þörf var fyrir þrek og andlegt jafn-
vægi.
Deildafundir Prestafélags íslands.
Aðalfundur Prestafélags Austurlands.
Dagana 5. og 6. sept. þ. á. var aðalfundur Prestafélags
Austurlands haldinn að Hallormsstað, að afloknum héraðsfund-
um beggja Múlaprófastsdæma.
Fundinn sátu 8 prestar, og auk þess 7 safnaðarfulltrúar, sem
var boðið að taka þátt í umræðunum um aðaldagskrármál fund-
arins, en það var: „Getur öruggt og almennt siðgæði þróazt
án trúar?“ — Málshef jandi séra Pétur Magnússon. — Allmiklar
umræður urðu um málið.
Næst var tekið til umræðu: „Fundarsköp á prestafundum,“
flm. sá sami. — Um það urðu einnig talsverðar umræður.
í lok fundarins vakti séra Sigmar Torfason máls á þeirri
hreyfingu, sem vöknuð er út af væntanlegri endurreisn Skál-
holtsstaðar. Eftir nokkrar umræður um málið samþ. fundur-
inn svohljóðandi ályktun:
„Aðalfundur Prestafélags Austurlands skorar á hlutaðeig-
andi stjórnarvöld að hraða endurreisn Skálholtsstaðar svo sem
mest má verða. Leggur fundurinn sérstaka áherzlu á það, að
framkvæmd endurreisnarinnar verði hagað í samræmi við
hinar sögulegu minningar og helgi staðarins, og að kirkjuleg
endurreisn sitji fyrir öðrum framkvæmdum."
Síðari fundardaginn flutti séra Pétur Magnússon erindi, sem
hann nefndi: „Á að rísa gegn meingjörðamanninum?“
í sambandi við fundinn var messað í 6 kirkjum í prófasts-
dæmunum auk Hallormsstaðar.