Ægir - 01.07.1918, Síða 24

124
ÆGIR
Binkaleyfl
fengið fyrir nýrri gerð botnvörpuhlera.
Landi vor Jón skipstjóri Hansson frá
Bala í Reykjavík, hefir nýverið fengið
einkaleyfx á Englandi fyrir n57rri gerð
botnvörpuhlera. Jón Hansson hefir nú
verið búsettur í Hull síðan árið 1913 og
var stýrimaður á enskum botnvörpung
meðan hægt var vegna stríðsins, en síðan
hefir hann unnið i landi. — Sýnishorn
það er einkaleyfið var veitt fyrir, sannaði
það, að hleri Jóns þenur opið helmingi
hærra eða höfuðlínuna, heldur en gömlu
hlerarnir gera; hlerinn á að vera léttari
og léttari í drætti, sem bæði sparar afl
og þar af leiðandi kol og gerir smærri
skipum fært, að nota fyllilega veiðafærið.
Sýnishornið smíðaði Jón í hjáverkum
sinum og átti við ýmsa örðugleika að
striða. Hann sýndi það ýmsum útgerðar-
félögum, sem að mörgu leyti leist vel á
hugmj'ndina og huðu honum styrk og
eitt þeirra bauð honum fé fyrir hug-
myndina, þrátt fyrir það, þótt þeir stæðu
fast á því, að hlerinn væri of þungur,
en þá gat Jón sannað, að steypa mætti
hlera úr stáli, léttari en tréhlerana, sem
nú eru notaðir. —
Engum tilhoðum hefir Jón Hansson
enn tekið, en einkaleyfið er honum veitt
í 14 ár. Ætlar hann nú að bíða betri
tíma, þangað til hægt verður að fá hlera
smiðaða með þessari gerð, sem eigi er
unt að framkvæma nú vegna stríðsins.
Nokkrir menn hafa keppt um nýja
hleragerð, en i þetta skifti varð Jón
hlutskarpastur og var veitt einkaleyfið.
Auglýst.
Síldarsala i New-York 27/2 1918.
440.000 pd. af saltaðri síld til sölu fyrir
10 cents pundið.
Fjögur hundruð og fjörutíu þúsund
pund af Green Bay saltaðri síld frá norð-
ur strönd Newfoundlands selur umboðs-
maður hinna opinberu markaða Jona-
than C. Day i dag (27/s) fyrir 10 cent
pundið. Þessi síld er allur farmur hinnar
amerisku skonnortu »Elisabeth Howard«,
sem nýkomin er að norðan'
Staðir þeir, sem síld þessi verður seld
á eru: Hinir opinberu útsölustaðir und-
ir Manhattan-brúnni, Delancey-brúnni,
Queensboro-brúnni við 59. götu, Harlem-
brúnni við Third Avenue og við nokkra
af hinum opinberu vörugeymslustöðum.
Tilgangur sölu þessarar, þar sem síldin
er seld fyrir hálfvirði vanalegs verðs,
er að gera byrjunar tilraun til þess að
afla mönnum hollrar og næringarmikillar
fæðu, sem komi í stað þess, sem nú er
keypt dýru verði, segir herra Day, þvi á
þessum eina farmi spara kaupendur 50.-
000 dollara.
Eins og þessi auglýsing ber með sér
virðist seljandi ætla að kenna mönnum
að neyta síldar. Hann byrjar með því
að tapa sjálfur á sölunni, en ætlast svo
til, að þegar menn fara að venjast sild-
inni þá hækki verðið eftir því, sem eftir-
spurn verður meiri.
í næsta blaði birtist skj'rsla um utan-
ferð vélfræðings Ól. Sveinssonar, sem
kom með Botniu 21. þ. m.
Prentsmiöjan Gutenberg.