Ægir - 01.11.1929, Síða 15

ÆGIR
263
Sjómælingar.
í grein í 3. tbl. »Ægis« 1928 vakti Þor-
steinn Jónsson útgerðarm. í Laufási, athygli
á því, að margar og stórar skekkjur væru
í sjókortinu yfir Vestmannaeyjar, og til-
tók hann langa röð af skekkjum er hann
hafði orðið var við. Greinin var ítarleg
og bendingarnar virtust mjög nákvæmar.
Eg sendi greinina til sæbréfastofunnar
í Kaupmannahöfn, en hún sér, eins og
kunnugt er, um útgáfu sjókortanna hér.
Eins og við var að búast, tók hún þeg-
ar málið að sér, og kom því til leiðar,
að varðskipinu danska var falið að at-
huga — við fyrsta tækifæri — bendingar
Þorsteins, og hvað væri hæft í þeim.
Varð það til þess, að varðskipið »Hvid-
björnen« í þessum mánuði mældi upp
hina umræddu boða, enda er skipið búið
nýtísku tækjum til sjómælinga. Þorsteinn
var með skipinu í 6 daga, og reyndust
allar bendingar hans algerlega réttar.
Skekkjurnar eru bæði margar og miklar,
en nýju mælingarnar eru þegar sendar
út, og má búast við að ný og nákvæm-
ari sjókort yfir Vestmannaeyjar verði
gefin út áður en langt um liður. Þor-
steinn Jónsson í Laufási á miklar þakkir
skilið fyrir upptök að því, að þessar
mælingar voru gerðar. Vonandi munu
aðrir, sem vita um skekkjur á sjókort-
unum, gera vart við sig, og koma þvi
þannig til leiðar, að þær verði leiðréttar,
og öryggi sjómanna aukið, þvi sem stend-
ur er sjókortunum mjög ábótavant, þar
sem lítið sem ekkert hefir verið unnið
að sjómælingum síðustu 20 árin.
Sem betur fer virðist nú vera komið
nokkurt skrið á þetta nauðsynjamál. 1
sumar hefir leiðangur, undir stjórn Or-
logskaptajn Pade frá sæbréfastofunni,
verið að undirbúa fullnaðarmælingu á
Húnaflóa, sérstaklega með grunnleið fyr-
ir Vatnsnesið fyrir augum. Það má telja
víst, að slík leið bafi fundist, en eftir að
kortleggja og merkja hana, en það mun
verða gert á næsta sumri, og mun sú
leið verða til stór-sparnaðar fyrir öll skip
er fara um þessar slóðir. Jafnframt mun
standa til að taka til mælinga hin stóru
ómældu svæði meðfram Hornströndum,
norðanvert á Breiðafirði og víðar, og er
hér afar miklð starf fyrir hendi.
í sumar voru varðskipið »Þór« og m/k
»Haraldur« við þessar mælingar, og nú
er Friðrik skipherra Ólafsson á »Þór«
farinn út til þess að kynna sér aðferð
við sjómælingar og kortagerð, til þess að
geta unnið að sjómælingum hér heima.
Að sjálfsögðu mun þó útgáfu sjó-
korta fyrst um sinn haldið áfram eins
og að undanförnu, því útgáfa þeirra kost-
ar afar mikinn útbúnað og reynslu, til
þess að verða ábyggileg. Eins má búast
við því, að mælingarnar fari fram undir
stjórn sæbréfastofunnar, meðan hún hefir
útgáfu kortanna með höndum.
Hinsvegar verður það að teljast ómynd,
að ekki er enn búið að gefa út siglinga-
leiðbeiningar á islensku, þegar þess er
gætt hve íslensku skipin eru orðin mörg
— eftir siðustu skipaskrá voru 85 eim-
skip, 600 hreyfilskip og 15 seglskip skrá-
sett hér. — Að'undanförnu hefir verið
unnið að þvi að undirbúa útgáfu is-
lenskra siglingaleiðbeininga, og er undir-
búningurinn það langt kominn, að menn
geta vonast eftir ritinu á næsta ári enda
þótt síðasta þing vildi ekki veita þá litlu
peningahjálp sem nauðsynleg er til þess
að geta búið það sómasamlega úr garði.
Reykjavík, 28, okt. 1929.
Th. Krabbe.