Ægir - 01.11.1929, Síða 18

266
ÆGIR
Áburður á veiðarfæri og
segldúk.
Veiðarfæri eru hvervetna talinn þung-
ur liður í útgerðarkostnaði, einkum net
og lóðir og hefir margt verið reynt til
að draga úr þeim kostnaði, og má þar
nefna ýmiskonar áburð og börkun
tíl að verja þau fúa, svo þau endist
lengur. Á fyrstu árum Fiskifélags íslands
1912—1920 voru ýmsar tilraunir gerðar
til þess að komast að, hvert af efnum
þeim, sem auglýst voru i blöðum ann-
ara landa væri bezt.
Frá Ameríku fengust þær upplýsingar,
að fiskimenn þar hefðu reynt ýmiskonar
áburð og hver þeirra talinn hinn bezti,
en ekkert gæti jafnast á við koltjöru,
sem alment væri notæð á veiðarfæri og
hefði um langt skeið reynst hinn albezti
áburður. »Cuprinol« var þá mjög auglýst
og er alment talið gott en fáir hafa not-
að það hér.
Barkarlitur hefir ávalt verið talinn
ágætur á veiðarfæri og margir notað hann
hér, en samt sem áður eru menn sí og
æ að brjóta heilann um, hvað bezt sé
að nota og með hverju helzt megi verja
veiðarfærin frá skemdum.
Árið 1920 var í Noregi mælt mikið
með efni því, sem »Tarcat« nefnist og
ákvað stjórn Fskifélagsins að kaupa
nokkra dunka af því, útbýta þeim með-
al nokkurra manna í veiðistöðvum og
biðja þá að gera tilraunir og skýra frá
árangri. »Tarcat« var brúnleit leðja, kom
hingað í járndunkum, sem tóku 20 kilo.
Sá, sem bauð áburðinn fram í Noregi
var hr. Lars Pihl Johannsen í Bergen
og samkvæmt pöntun sendi hann 12
dunka==240 kilo, sem héðan voru send-
ir til ýmsra manna á landinu, 8 nóv.
1920 Leið svo tíminn að ekkert heyrð-
ist um tilraunir og órangur og nú er öll
von úti um, að frekara heyrist um áburð
þann.
Nú heyrist, að innan skams mnni
1. C. Hempels Skibs/arve-Fabrik í Kaup-
mannahöfn, senda á markaðinn nýtt efni,
sem ver fúa á köðlum, netum og segl-
um og heitir það »Garnol«. Hafa tilraun-
ir með það verið gerðar í mörg ár og
er mjög látið af gæðum þess og talið
víst, að við notkun þess muni veiðar-
færi endast miklu lengur en ella.
Ættu fiskimenn að athuga þetta efni
er það verður boðið fram til sölu.
Koltjara er víða notuð i veiðistöðum
hér og enn sem komið er mun hún hafa
reynst bezt á ýms veiðarfæri.
Þýzkt hvalveiöafélag.
í norskum blöðum er það talið líklegt,
að ráðagerðir þær, sem að undanförnu
hafa verið um að stofna þýzkt hvalveiða-
félag, komist í framkvæmd. Er jafnvel
talið, að félagið sé þegar stofnað og hafi
yfir tveim miljónum marka að ráða.
Ennfremur er þess getið, að komið hafi
til orða að kaupa veiðiútbúnað hjá norsku
hvalveiðafélagi, eða að minsta kosti
bræðslustöð, og komist samningar á, er
sennilega tilætlunin að láta seljendurna
eða einhverja vana menn hafa fram-
kvæmdarsfjórnina á hendi fyrst um sinn,
þar til þýzka félagið er búið að koma
góðu skipulagi á hjá sér.
Þetta þýzka félag á heima í Bremen
og er talið, að í það hafi verið lagt tals-
vert af hollensku fé.