Ægir - 01.10.1930, Síða 7

ÆGIR
217
Skýrsla
erindreka Austfirðingafjórðungs
1. apríl — 30. júní 1930.
Þorskafli varð mikið meiri hér á Aust-
urlandi á þessu tímabili en í fyrra. Á
þessu ári hefir mér talist til, að á land
hafi komið, af skipum og bátum, sem
heima eiga i fjórðungnum, 15425 skpd.,
miðað við fullþurran fisk. (Á sama tíma
i fyrra 11072 skpd).
Eg vil hér gefa lauslegt yfirlit yfir afla
hér eystra á þessu tímabili, í nokkrum
veiðistöðvum.
Hornafjörður: Eins og ég gat um i
fyrri skýrslu minni, þá gengu þaðan í
marzmánuði 31 vélbátur. Margir af bát-
um þessum $ru heim um páskaleitið,
sumir fóru ekki aftur suður, því þá var
aflalítið, svo eftir þann tíma og þar til
um miðjan maí voru þar ekki nema um
20 bátar, en yfir þann tíma var ágætis
afli. Á þeim tíma aflaðist þar 1637 skpd.
(í fyrra á sama tíma um 30—40 skpd.
því allir aðkomubátar voru þá farnir
heim).
Djúpivogur og tíerufjörður: Þaðan
gengu 3 vélbátar dekkaðir í apríl og
maí, og öfluðu um 335 skpd., sem var
stórum meira en í fyrra.
Stöðvarfjörður: Þaðan gengu, 1 vél-
bátur dekkaður, og 5 trillur (opnir vél-
bátar) eftir að kom fram í maí, því fyrr
fór ekki að aflast á opna báta. Afli þar
um 300 skpd., (1 fyrra um 280 skpd.).
Fáskrúðsfjörður: Eg hefi í fyrri skýrslu
minni getið um bátatölu á Fáskrúðsfirði,
og við það bættist einn bálur, svo á þessu
tímabili gengu þaðan 14 dekkaðir vélbátar
°g 14 opnir vélbátar, flestir úti í sveitinni.
Afli þar alls yfir 3352 skpd. (1 fyrra um
2000 skpd. á 12 vélbáta og 15 trillur).
Hajranes: Þessi verstöð tekur bæði yfir
Hafranes, Kolmúla og Yattarnes. Frá
þessum bæjum eru gerðir út eingöngu
opnir vélbátar, og margir af þeim eiga'
heima annarstaðar, og liggja þar við yfir
sumarmánuðina. 1 apríl gengu þaðan 3
trillur, í maí 5 trillur og í júní 11 trillur.
Afli var i góðu meðallagi, um 400 skpd.
og var það mjög líkt eða öllu meira en
í fyrra á sömu bátatölu.
Reyðarfjörður: Þaðan gengu á þessu
tímabili, þó ekki fyrr en aðallega i maí,
3 dekkaðir vélbátar, 4 opnir vélbátar og
nokkur tveggjamannaför um tíma. Afli
var 485 skpd. (í fyrra álíka afli. Sama
bátatala).
Eskifjörður: Eftir að bátar komu heim
af Hornafirði, sem var eftir miðjan maí,
þá gengu þaðan 14 dekkaðir vélbátar,
þar af 3 yfir 12 smál, að stærð, (1 að-
komubátur). liátar þessir öfluðu um 970
skpd. Togarinn »Andri« lagði þar upp í
vor um 670 skpd. og línuveiðarinn »Sæ-
farinn« kom þangað með 233 skpd. Bæði
þessi skip eiga heima á Eskifirði, en
stunduðu veiðar á vetrarvertíðinni og
fram á vor fyrir Suðurlandi, og lögðu
allan afla sinn upp i Reykjavik og Hafnar-
firði. Samtals hafa komið 1875 skpd. af
fiski á land á Eskifirði í vor af þar
heimilisföstum skipum. (1 fyrra 1908
skpd. af 11 vélbátum, 1 togara og 1 linu-
gufuskipi, sem þá lögðu á land meiri
fisk þar, en í ár.
Breiðuvik og norðanvert við Reyðar-
fjörð (Karlskáli og Vöðlavík): Þar byrj-
aði ekki útgerð fyrr en í júní. A þessu
svæði voru gerðir út 2 opnir vélbátar
og 6 róðrarbátar, sem öfluðu í júní um
80 skpd.
Norðfjörður: Þaðan gengu í vor 19
dekkaðir vélbátar og 19 opnir vélbátar,
sem færðu á land 4464 skpd. á móti í
fyrra 2523 skpd. af heldur fleiri stórum