Ægir - 01.10.1930, Síða 14

224
ÆGI R
skipa, en sökum þess, að þetta er van-
rækt að mun, hefir eigi verið auðið að
gera skipaskrána svo úr garði, að rétt
sé. Eigendaskipti hafa oft orðið og nafni
skips hefir stundum verið breytt, án þess
tilkynning úm það, hafi komið til réttra
hlutaðeigenda. Allt slíkt hjálpast að, að
gera skipaskrána óábyggilega og oft er
undan því kvartað, að hún sé svo. Verða
því allir að kosta kapps að fara eftir fyr-
ir skipunum þeim, sem hér um hljóða.
Tilkynning
um ráðstafanir til slysavarna.
Dómsmálaráðherrann hefir sent for-
stjóra skipaútgerðar ríkisins svohljóðanda
bréf dags. 1. okl. 1930:
„Vegna þeirrar miklu hættu, sem fiski-
menn eru undirorpnir, er stunda fiski-
veiðar á Jitlum bátum að vetri til, frá
veiðistöðvum, sem slæmar eða engar
hafnir hafa, og bátarnir því oft þarfnast
hjálpar, ef snögglega gjörir vont veður,
hefir ráðuneytið ákveðið, að halda uppi
í sambandi við skrifstofu yðar, björgunar-
starfsemi þannig, að veiðistöðvar, sem
óska aðstoðar, geti náð í yður eða þann,
sem þér setjið fyrir yður, á nóttu sem
degi, og mun ráðuneytið fara þess á leit
við stjórn landsímans að hlutast til um,
að nætursímasamband verði við þær
veiðistöðvar, sem þér álítið mesta þörf
að ná til.
Að sjálfsögðu má ekki i þessu sam-
bandi ómaka stöðvarstjórana í umrædd-
um verstöðvum utan símatíma, nema
um slysavarnamál sé að ræða.
(sign) Jónas Jónsson“.
í tilefni af ofanri\uðu bréfi tilkynnist
hér með, að fregnum og tilkynningum
viðvíkjandi slysum eða yfirvofandi slysa-
hættu á sjó, hvar sem er við land, verður
eftirleiðis veitt viðtaka í skrilstofu skipa-
útgerðar rikisins Arnarhváli, símar: 2305,
1567, 1957 — utan skrifstofutima og að
nóttu til í síma 1957.
Æskilegt er að ekki sé dregið lengi að
tilkynna ef báta vantar í vondu veðri
og ástæða þykir að óttast um þá, svo
hægt sé að koma þeim til aðstoðar, eftir
þvi sem föng eru á. Jafnframt er þess
vænst, að hlutaðeigendur láti strax vita,
ef fréttist til báta, sem vantað hefir og
tilkynntir haía verið til skrifstofunnar.
Nætursímasamband mun bráðlega kom-
ast á við allar hættulegustu veiðislöðv-
arnar og verður það þá nánar auglýst.
Skipaútgerð ríkisins.
Reykjavik 3. októb. 1930.
Pálmi Loftsson.
Önnur blöö eru vinsamlega beðin að birta
pessa tilkynningu. P. L.
Hörmulegt slys á Seyðisfirði,
23. september s. 1. varð hörmulegt slys
á Seyðisfirði.
Síðdegis þann dag fór fólk frá Seyðis-
firði að sækja hey á litlum vélbáti skammt
út fyrir Dvergastein. Bátnum hvolfdi á
heimleiðinni og drukknuðu allir, sem á
honum voru.
Á bátnum voru: Sigfinnur Mikaels-
son, þrjár ungar dætur hans og þrir
ungir synir Sveinbjörns Ingimundarsonar
á Seyðisfirði. Fólk frá Dvergasteini, sem
var á engjum, varð vart við slysið og
bra við til hjálpar, en tókst ekki að
bjarga. Slysið varð skammt undan landi.
Veður var gott.