Ægir - 01.05.1934, Blaðsíða 21
ÆGIR
127
niolöen) eða milli smáþorpanna Na-
passek og Atangik.
Grænlandsstjórnin vill leyfa Færeying-
um að hafa bækistöð fyrir fiskiskip þeirra
á öðrum hvorum staðnum, og eiga þeir
að útnefna tvo menn til þess að athuga
staðhætti og segja til, á hvern staðinn
þeim lízt betur, og að þeirra áliti sé
betur tilfallinn fyrir fiskiskip þeirra. —
Leyfi til að veiða í landhelgi hafa þeir
enn ekki fengið, þrátt fyrir ítrekaðar
óskir.
Finnar.
t*aðan er von á þremur leiðangrum
til sildveiða hér við land i sumar. Þeirra
skip eru 4-5 þúsund tonn að stærð og
skipverjar alls um 300.
Frá Sviþjóð er von á tveim gufuskip-
um, sem salta á skipsfjöl og fylgja þeim
smáskip, sem eiga að flytja aflann beim,
jafnóðum og veiðist.
Drukknanir á vertíð 1934.
Vertíðin var mjög stormasöm fyrstu
tvo mánuði ársins, og líktist mjög mann-
skaðavertiðinni 1903, hvað veðráttusnertir.
Um lok, 1934 höfðu alls 7 menn farið í
sjóinn og drukknað, en um lok 1933
höfðu 49 menn drukknað á sama tíma-
bili, eða frá 1. janúar til 12. maí.
Hin ný-keyptu skip.
Hinn 2. maí sl. kom »Edda« til Hafn-
arfjarðar á sinni fyrstu ferð til landsins.
Hinn 21. s. m. kom »Katla« til Reykja-
víkur og er það einnig hennar fyrsta
ferð hingað.
Þessara skipa var getið í síðasta hefti
Ægis (Ægir nr. 4).
H/f. »ísafold á e/s. »Eddu«, og er Jón
Kristófersson skipstjóri hennar.
H/f. »Eimskipafélag Reykjavíkur« á
e/s. »Iíötlu« og er Rafn Sigurðsson skip-
stjóri á þvi skipi; var hann áður skip-
stjóri á e/s. »Heklu«.
Afferming skipa á Eyrarbakka.
1 vikunni fyrir hvítasunnu láu tvö skip
á Eyrarbakka, sem flutt höfðu þangað
vörur; var annað skonnorta »Pax«, sem
færði timbur og lá á sundinu. Hitt var
eimskipið »Eros«, sem fermt var mat-
vælum og cementi; lá það fyrir utan
brimgarðinn (skerin).
Kaupfélagsstjóri Egill Thorarensen i
Sigtúni veitti vörum þessum móttöku
fyrir kaupfélag Árnesinga.
Á átta dögum var skipað á land úr
»Eros«, um 1100 tonn, og úr »Pax«, 80
standard af timbri, og auk þess 10 tonn
af öðrum vörum.
Er afferming þessi ekki met?
Bráðabirgðalög
um heimild fyrir ríkisstjórnina til
íhlutunar um sölu og útflutning
á saltfiski.
Vér Christian hinn Tíundi, o. s. frv.
GJÖRUM KUNNUGT: Dóms- og útvegs-
málaráðherra Vor hefur tjáð Oss, að vegna
skömmtunar á innflutningi saltfiskjar í
sumum viðskiptalöndum vorum, sé það
óhjákvæmilegt, að ríkisstjórnin fái íhlut-
unarvald um útflutning þessarar vöru
héðan. Telur dóms- og útvegsmálaráð-
herrann þvi nauðsynlegt, að ríkisstjórnin
fái vald til þess, að ráðstafa útflutningi
þessarar vörutegundar, svo að hann verði
í samræmi við ákvarðanir innflutnings-
landanna.
Þar sem nú er svo ástatt, sem að
framan greinir, teljum Vér brýna nauð-
syn bera til þess, að gefa út bráðabirgða-