Ægir - 15.03.1974, Side 17

þættur árangur. Það á að vera hægt að miðla
starfandi mönnum þeirri þekkingu og úrræð-
Um- sem bezt eru þekkt um hvert eitt vanda-
mál, og jafnframt að hafa áhrif á, í hvaða
attir þróunin beinist. Þar með ætti að vera
auðveldara en áður að samræma hagsmuni at-
vinnuvegarins sjálfs, héraðanna og þjóðarinn-
ar allrar.
I lok erindis síns fjallar svo Arne Nor-
set um nauðsyn þess, að það náist að stilla
saman aðgerðir miðstjórnarinnar og héraðs-
og fylkisstjórnanna, og hann leggur til, að
menn láti sér hægt til að byrja með, og betra
sé að stöður séu óskipaðar heldur en vanskip-
aðar og það megi með engu móti láta óþolin-
mæðina ná tökum á sér, þannig að farið verði
að berja nýskipanina í gegn með einhverjum
flaustursaðgerðum og kröftum. Umfram allt
verði málin að þróast í samræmi við mennta-
kerfið.
(Stytt úr Fiskaren. — Ásg. Jak.)
erlendar fréttir
Botnútlínur
bergmálsdýptarmæla
I Loggbók John Burgess í Fishing News,
svarar Burgess manni, sem er að spyrja, hvort
það borgi sig að kaupa bergmálsmælinn Sim-
rad El, sem sé 57% dýrari en Simrad EY.
Fiskimaðurinn segist veiða á grunnslóð.
Þetta er náttúrlega hið eilífa vandamál í
sambandi við allan tækjabúnað fiskiskipa.
Borgar dýrara tækið sig?
í þessu tilviki er munurinn á tækjunum sá,
að Simrad EY sýnir hvíta línu í botnlóðning-
unni með svartri rönd yfir, svo sem flest öll
fiskileitartæki gera nú, sem eru hér almennt
í notkun. Þetta tæki sendir á tíðninni 75 kíló-
rið (kHz) og nær niður á 360 metra. Hitt
tækið, Simrad E1 sendir á 38 kHz og nær
niður að 720 metrum, enda sendir þess stærri
°S kraftmeiri, svo og botnstykkið (trans-
ducerinn) og það er, eins og áður segir, 57%
dýrara. Þetta tæki sýnir allt sem hitt sýnir,
það er, hvíta línu á botnmörkunum og svarta
rönd og síðan fisk yfir línunum (ef hann er
undir) en einnig er hægt að stilla þetta tæki
þannig að það sýni aðeins útlínur botnsins og
engin önnur bergmál frá honum. Pappirinn á
þessu tæki þannig stilltu verður alauður, ef
enginn fiskur eða fiskæti er undir, nema lögun
botnsins sést sem hrein lína á pappírnum. Ef
menn þurfa ekkert að vita um botninn, til
dæmis hvort hann sé harður eða mjúkur, held-
ur aðeins sjá lögun hans, þá er þessi stilling
glögg að því er lýtur að lóðningum á fiski.
Hér verður spurningin um það í sambandi við
kaup á þessum tveimur tækjum, á hvaða dýpi
fiskimaður ætlar að stunda veiðarnar. Burgess
segir honum, að ódýrara tækið nægi honum
fyllilega, ef hann sé yfirleitt ekki á dýpra
vatni en 50 föðmum, en sé hann oft að veiða
á dýpra vatni geti bað borgað sig fyrir hann
að kaupa dýrara tækið.
í þessu sambandi er rétt að minna á svar-
grein eftir Burgess við spurningu um heppi-
legustu senditíðni við veiðar á mismunandi
dýpi og mismunandi fisktegunda, en það svar
birtist í Ægi 14. tbl. 1973. Með þessari grein
Burgess komu fram þau tilmæli Fiskifélags-
ins, að fiskimenn hérlendis sendu tæknideild-
inni línu eða kæmu og röbbuðu við tæknimenn-
ina á Fiskifélaginu um reynslu sína.
Það er hvorttveggja mikilsvert atriði, að
menn kaupi tæki með sem heppilegastri tíðni
miðað við þann fisk, sem þeir veiða og það
dýpi, sem þeir veiða á og eins hitt, að þeir
kaupi ekki dýrari tæki en þörf er á.
Lítill árangur hefur orðið af þessum til-
mælum. Það er þó óhjákvæmilegt eftir því sem
dýrleiki tækjanna stöðugt vex og um fleiri og
fleiri tæki er sífellt að velja, að fiskimenn á
hinum ýmsu gerðum flotans reyni að komast
að einhverri sameiginlegri niðurstöðu að
minnsta kosti í stórum dráttum, um það hvaða
tæki séu þeim þénanlegust miðað við kostnað.
Ásg. Jak.
Æ G IR — 93