Ægir - 15.12.1975, Qupperneq 12
Hvorttveggja hlýtur þetta að hafa áhrif á
fyrirætlanir okkar um skynsamlega nýtingu
fiskstofnanna í náinni framtíð og þá ekki sízt
með tilliti til óska erlendra ríkja um áfram-
haldandi veiðar á Islandsmiðum. Önnur at-
riði í því sambandi, sem vega þarf og meta,
eru viðskiptahagsmunir okkar, og hvort er-
lendir fiskimenn veiði hér meira án samkomu-
lags, heldur en með samkomulagi.
Meðfylgjandi tafla sýnir afla botnlægra
tegunda á íslandsmiðum á árunum 1971—
1974. Þess verður að geta, að spærlingur er
ekki meðtalinn og að tölurnar fyrir 1974 geta
breytzt eitthvað frá því sem hér er skráð.
1971 1972 1973 1974
þús. 1. þús. 1. þús. 1. þús. 1.
Belgía 14.3 10.5 7.7 7.9
Bretland .... 210.0 184.5 154.6 142.1
Vestur-Þýzkal. 124.7 94.1 91.7 68.1
Sovétríkin .... 7.3 1.2 1.1 12.6
Noregur .... 3.6 2.6 1.6 1.6
Pólland 1.3 0.4 — 0.5
Færeyjar .... 15.1 16.2 21.5 19.5
Frakkland .... 7.3 0.0 0.6 0.2
Austur-Þýzkal. 7.0 4.5 0.3 0.4
Alls erl. þjóðir 383.6 314.0 279.0 252.9
Island . 417.4 377.2 390.5 408.2
Eftir því, sem næst verður komizt, er nokk-
uð af afla Breta tekinn utan 50 mílna mark-
anna, töluvert af afla V.-Þjóðverja og líklega
allur afli Rússa, Pólverja og A.Þjóðverja.
Breytingar á afla V.-Þjóðverja mun vænt-
anlega að mestu stafa af því, að Landhelgis-
gæzlan fékk aukið svigrúm til að varna þýzk-
um togurum aðgang að fiskimiðunum innan
50 mílna markanna á árinu 1974, eftir að
samkomulag náðist við Breta 13. nóvember
1973.
Fiskveiðilaganefnd.
Með bréfi dags. 9. des. 1974 fól sjávarút-
vegsráðherra stjórn Fiskifélagsins að skipa
og veita forystu nefnd til endurskoðunar laga
um veiðar með botnvörpu, flotvörpu og drag-
nót frá 27. des. 1973. I nefndinni eiga sæti
auk fulltrúa Fiskifélagsins, fulltrúar FFSI,
FÍB, LÍÚ-bátadeild og Sjómannasambands ís-
lands.
Nefndin hefur haldið um 60 fundi frá upp-
hafi, þar af tæplega 20 fundi víðsvegar um
land með fulltrúum sjómanna, útvegsmanna
og vinnslustöðva. Auk þess fóru einstakir
nefndarmenn til ýmissa útgerðarbæja lands-
ins, eftir beiðni til að ræða og kynna hug-
myndir og tillögur.
Fyrir þinginu liggja til umræðu og álykt-
ana, drög að frumvarpi til laga um veiðar í
íslenzkri fiskveiðilandhelgi, ásamt drögum að
reglugerðum, og greinargerð.
Hinn 30. sept. s.l. skipaði ráðherra fulltrúa
þingflokka Alþingis í nefndina til að ganga
frá frumvarpi, sem leggja á fyrir Alþingi eins
skjótt og verða má.
Hafréttarráðstefnan.
Hinn þriðji fundur Hafréttarráðstefnunnar
fór fram í Genf á s.l. vetri. Varð árangur
nokkur sem sjá má í hinum svonefnda sam-
eiginlega texta, som formenn hinna þriggja
aðalnefnda ráðstefnunnar hafa sent frá sér.
Er þar að finna drög að nýjum hafréttarsátt-
mála, sem byggður er á umræðum fram að
þessu og er jafnframt mat nefndarformanns á
afstöðu meirihluta þátttökuríkja til efnis-
ákvæða nýs hafréttarsamnings.
Það skal strax tekið fram, að atkvæða-
greiðslur hafa ekki farið fram um einstakar
greinar eða um málin í hoild. Af þeim sökum
má búast við breytingum. Leggja ber áherzlu
á, að enn á eftir að semja og greiða atkvæði
um þessi mál öll.
Islendingar hafa lagt megináherzlu á til-
lögugerð í sambandi við þær greinar, sem
fjalla um auðlindalögsögu með sérstöku tilliti
til fiskveiða. Um þessi atriði stendur að vísu
enn allmikill styrr, en þó minni en um mála-
flokka eins og siglingafrelsi, ákvæði um sigl-
ingar um þröng sund, um mengun og vísinda-
legar rannsóknir. Að mínu mati er hagkvæm
lausn á ákvæðum um auðlindalögsögu mjög
bundin því að unnt reynist að leysa fyrr-
nefnda málaflokka á þann hátt, sem siglinga-
þjóðir stórar og smáar og stórveldi geti sætt
sig við, þar sem fylgi þeirra við 200 mílna
auðlindalögsögu sem slíka er háð afgreiðslu
ráðstefnunnar á þessum málum öllum.
Hver sem framvinda mála verður, er samt
augljóst, að margar greinar hins sameigin-
lega texta, sem nú liggur fyrir, um fiskveiðar,
vernd og nýtingu fiskstofna, eru okkur hag-
stæðar.
394 — ÆGIR