Ægir - 01.01.1982, Blaðsíða 20

marksafli, sem tvö síðustu árin hefir verið skipt
milli þeirra veiðiskipa, sem leyfi hafa fengið til
loðnuveiða. Fyrirkomulag á yfirstandandi vertíð er
þannig, að 52 skipum er leyft að veiða 617 þús.
tonn af loðnu. Fékk hvert skip úthlutað ákveðnum
kvóta af umræddu aflamagni, sem ákveðinn var
með þeim hætti, að 50% aflamagnsins var skipt
jafnt milli allra skipanna, en 50% var skipt með
hliðsjón af burðargetu viðkomandi skips. Var
lægsti kvóti 9.400 tonn, en sá hæsti 17.300 tonn.
(Reglugerð um veiðar á loðnu á haustvertíð 1981
og vetrarvertíð 1982).
Humarveiðarnar
Við humarveiðar er ákveðinn hámarksafli 2.700
tonn. Var 77 skipum leyft að veiða þennan afla, en
sóknin takmörkuð við hámarksstærð veiðiskipa og
vélarafl. Var stærð veiðiskipa takmörkuð við 105
tonn og vélarafl mátti ekki vera umfram 400 hest-
öfl.
Hörpudiskur
Veiðar á hörpudiski voru leyfisbundnar og veiði
takmörkuð við 10.700 tonn.
Rækjuveiðarnar
Rækjuveiðar eru enn sem komið er að mestu
leyti stundaðar á grunnslóð. Þó var um þriðjungur
heildaraflans á seinasta ári veiddur á djúpslóð, en
það hlutfall er mun lægra á þessu ári.
Rækjuveiðar á grunnslóð hafa aðallega verið
stundaðar á 6 veiðisvæðum við landi og eru veið-
arnar i aðalatriðum takmarkaðar þannig:
1. Ráðuneytið ákveður hámarksafla fyrir hvert
veiðisvæði að fengnum tillögum Hafrann-
sóknastofnunarinnar.
2. Þeim afla er síðan skipt á milli vinnslustöðva á
viðkomandi svæði.
3. Ráðuneytið ákveður fjölda þeirra báta, sem
leyfi fá til að stunda veiðarnar, en vinnslustöðv-
arnar skipta síðan aflakvóta sínum milli þeirra
báta, sem eru í viðskiptum við þær.
4. Ráðuneytið ákveður vikukvóta fyrir hvern bát
og hámarksafla á dag.
5. Ráðuneytið ákveður stærð veiðiskipa, sem
stunda mega veiðar á viðkomandi svæði. Við
ísafjarðardjúp — þar sem helmingur heildarafl-
ans er veiddur — er stærð veiðiskipa takmörk-
uð við 20 lengdarmetra.
Góðir Fiskiþingsfulltrúar!
í þessu yfirliti hefir verið reynt að gefa sem
gleggsta mynd af þeim stjórnunaraðferðum,
sem beitt er við veiðar úr hverjum einstökum
stofni á þessu ári, svo að fulltrúar geti betur
áttað sig á þeim tillögum til breytinga, sem
borizt hafa frá fjórðungssamböndunum. í upp-
hafi skipti ég veiðitakmörkunum í 7. flokka.
Ljóst er, að öllum þessum takmörkunum hefir
verið beitt við stjórnun veiðanna á þessu ári,
ýmist einni eða fleirum.
(Síðan lýsti framsögumaður framkomnum til-
lögum frá fjórðungsþingum og fiskideildum til
breytinga á stjórnunarleiðum fiskveiða).
Ályktun 40. Fiskiþings um
stjórnun fiskveiða
40. Fiskiþing samþykkir að stjórn og fyrirkomu-
lag botnfiskveiða verði með svipuðum hætti á ár-
inu 1982 og hefur verið á þessu ári.
Heildarþorskafli miðist við 450 þús. smálestir og
skiptist jafnt á milli báta og togara. Heimild
loðnubáta til þorskveiða verði svipuð og á yfir-
standandi ári, en afli loðnuskipa, sem hlita skrap-
dagakerfi, reiknist með hluta togara í heildarafla.
1. Takmarkanir á þorskveiðum bátaflotans:
1.1. Árinu verði skipt i þrjú jafnlöng veiðitíma-
bil og við það miðað að þorskafli fari ekki fram
úr:
1. tímabil (jan.-apríl) 150 þús. t.
2. tímabil (maí.-ágúst) 45 þús. t.
3. timabil (sept.-des.) 30 þús. t.
Verði afli á veiðitímabili minni en áætlað er,
bætist það sem á vantar við afla næsta tímabils.
1.2. Veiðibann verði um páskahelgina og fari
lengd þess eftir því hve mikill þorskafli er kom-
inn á land, þegar bannið tekur gildi.
1.3. Þorskveiðar togbáta verði bannaðar frá
1.—7. mai, að báðum dögum meðtöldum.
8 — ÆGIR