Tímarit lögfræðinga - 01.12.1985, Síða 9

hálfu, enda var hann mjög áhugasamur um félagsleg málefni. Hann var einn
af stofnendum Byggingarfélags bankamanna, var hvatamaður að kaupum á
sumarbústað fyrir starfsmenn Útvegsbankans og vann að ræktun lands og
fegrun þar. Þá var hann um sjö ára skeið í stjórn Sambands íslenskra banka-
manna og fulltrúi á fyrsta þingi norrænna bankamanna eftir síðari heims-
styrjöld ina.
Þormóður var heiðursfélagi Starfsmannafélags Útvegsbankans og var
sæmdur gullmerki íslenskra bankastarfsmanna.
Þormóður kvæntist Láru Jónsdóttur frá Varmadal 10. júní 1939, og var
heimili þeirra í fyrstu að Bjarnarstíg 4 hér í borg, en siðan keyptu þau tbúð
að Miklubraut 58, þar sem þau bjuggu sér mjög fallegt heimili. Hjónaband
þeirra var afar farsælt, en bæði voru þau sérstaklega gestrisin og vinirnir
því margir og oft gestkvæmt.
Þormóður var mikill mannkostamaður, og þegar velvilji og hjálpfýsi fóru þar
saman, var mikið sótt á hann með alls konar erindi. Reyndi hann ávallt að
leysa vanda allra, sem til hans leituðu.
Börn Þormóðs og Láru eru Jón Ögmundur, deildarstjóri í viðskiptaráðu-
neytinu, kvæntur Lilju Guðmundsdóttur. Þeirra sonur er Þormóður Árni; Sal-
vör, gift Birni Sverrissyni. Þeirra dóttir er Birna, en Lára Hildur dóttir Salvarar
af fyrra hjónabandi; Guðmundur Þór, iðnrekandi, kvæntur Vigdísi Ósk Sigur-
jónsdóttur. Þeirra dætur eru Vigdís og Aðalheiður Ósk.
Um leið og ég færi fjölskyldu Þormóðs mínar innilegustu samúðarkveðjur,
vil ég þakka þau kynni, sem ég hafði af góðum dreng og þá samfylgd sem
við höfðum um langan tíma. Ba|dvin Jónsson
215