Tímarit lögfræðinga - 01.12.1985, Síða 55

og heiti fyrirlestra voru þessi: Sigfús Gauti Þórðarson, lögfræðingur f Seðla-
banka íslands: „Ákvarðanir Seðlabanka íslands um dráttarvexti,“ Baldur
Guðlaugsson, hrl.: „Sjónarmið varðandi gildandi reglur um dráttarvexti," Jón
Steinar Gunnlaugsson, hrl.: „Nauðsynlegar úrbætur á gildandi réttarreglum
um dráttarvexti 1“ og dr. jur. Gaukur Jörundsson, prófessor: „Nauðsynlegar
úrbætur á gildandi réttarreglum um dráttarvexti II.“ Að framsöguerindum
loknum urðu miklar umræður. Til málþingsins komu 86 lögfræðingar.
Laugardaginn 28. september 1985 fór fram sfðara málþing félagsins. Var
það með hefðbundnu sniði og haldið að Fólkvangi á Kjalarnesi. Að þessu sinni
var fjallað um „Skipti dánarbúa." í upphafi málþingsins gáfu borgarfógetarnir
Ragnar Halldór Hall og Markús Sigurbjörnsson almennt yfirlit yfir „Opinber
skipti.“ Studdust framsögumenn við ítarlega fjölritaða greinargerð, sem þeir
sömdu um skipti dánarbúa og fundarmenn höfðu fengið fyrir málþingið. Eftir
þennan inngang fluttu eftirfarandi framsögumenn fyrirlestra um eftirtalin efni:
Helga Jónsdóttir, aðstoðarmaður forsætisráðherra: „Réttarreglur um óskipt
bú,“ Guðrún Erlendsdóttir, dósent: „Staða langlífari maka eða sambýlis-
manns við búskipti,“ Jóhann H. Nfelsson, hrl.: „Skiptaforstjórn,“ Benedikt
Sigurjónsson, fyrrverandi hæstaréttardómari: „Skattlagning dánarbúa," Ragn-
ar Halldór Hall, borgarfógeti: „Erfðafjárskattur" og Markús Sigurbjörnsson,
borgarfógeti: „Dómsvald skiptaréttar." Fyrir málþingið var dreift fjölrituðum
gögnum frá öllum framsögumönnunum, ýmist fyrirlestrunum sjálfum, yfirlit-
um yfir þá eða ritgerðum, sem voru lengri en sjálfir fyrirlestrarnir. Auk þess
lágu frammi á málþinginu sýnishorn af skjölum til notkunar við lokauppgjör
arfs við einkaskipti. Skjöl þessi voru gerð af Guðmundi Ingva Sigurðssyni,
hrl. Málþingið var sett kl. 9 árdegis og stóðu framsöguerindi til kl. um 15.
Eftir það voru almennar umræður til kl. 17. Matarhlé var gert um hádegið og
kaffihlé síðdegis. Frá kl. 17 til 19 var borinn fram síðdegisdrykkur.
Þetta málþing er fjölmennasta samkoma í sögu félagsins, en í því tóku þátt
146 lögfræðingar. Er ekki víst, að fleiri íslenskir lögfræðingar hafi nokkru
sinni fyrr komið saman á einum stað. Aðsókn að hinum hefðbundnu haust-
málþingum félagsins er nú orðin svo mikil, að leita verður að nýjum fundar-
stað, sem rúmar a.m.k. 200 manns í sæti í fundarsal og borðsal. Stjórnin
telur æskilegt, að ekki þurfi að takmarka fjölda þátttakenda á málþingum fé-
lagsins. Skoðanir kunna þó að vera nokkuð skiptar um, hvort mjög fjölmenn
málþing séu æskileg. Mikið fjölmenni getur valdið framkvæmdarerfiðleikum,
sem draga úr fræðilegum árangri.
Svo sem fyrr segir flutti Charles L. Black, Jr., prófessor við lagadeild Yale-
háskóla, tvo fyrirlestra á vegum félagsins. Stjórnin skipulagði dvöl hans hér
á landi, og bar Lilja Ólafsdóttir hita og þunga dagsins f þvf efni. M.a. gengust
nokkrir stjórnarmanna fyrir „opnu húsi“ eða „jazzkvöldi" í Skólabæ við Suð-
urgötu hinn 2. mars 1985. Sóttu það nokkrir félagsmenn og lagastúdentar.
Stjórnarfundir voru færri en undanfarin ár, en undirnefndir stjórnarmanna
unnu allmikið starf, sem annars hefði farið fram á fuilskipuðum stjórnarfund-
um.
Að frumkvæði Lögmannafélags íslands var í mars 1985 skipuð þriggja
manna nefnd til að huga að nauðsynlegum endurbótum á reglum um dráttar-
vexti. Nefndarmenn voru Gaukur Jörundsson, prófessor, frá Lögfræðingafélagi
íslands, Jón Steinar Gunnlaugsson, hrl., frá Lögmannafélagi íslands og
261