Ægir - 01.10.1997, Blaðsíða 13
SAMLEIÐ MEÐ ÍSLENSKUM SJÁVARÚTVEGI
gerð ákveðin krafa um arðsemi og
þannig hafa starfsstöðvarnar sjálfstæði
innan fyrirtækisins.
Ari segir ekki ljóst hver eignarhlutur
KEA muni verða í Snæfelli hf. í fram-
tíðinni en KEA hafi markað þá stefnu
að minnka sinn eignarhlut og hleypa
nýjum fjárfestum að. Ari viðurkennir
að vart hafi orðið áhuga fjárfesta á fyr-
irtækinu.
„Já, ég finn fyrir því að í umhverf-
inu er töluverður áhugi og að mínu
mati er gott fyrir fyrirtækið að fá inn
fleiri sjónarmið en frá einum eigenda.
Uppbygging fyrirtækisins hefur líka
kostað mikla peninga og því þarf auk-
ið hlutafé. Ég tel lika að fjárfestar veiti
því athygli að þarna er komið fyrir-
tæki sem er öflugt á öllum sviðum
sjávarútvegs og því sé mjög fýsilegur
valkostur að koma inn og taka þátt.
KEA hefur að bjóða mikla reynslu á
sjávarútvegssviðinu og þó Snæfell hafi
í sjálfu sér stutta sögu þá er
væntanlegum fjárfestum að bjóðast í
fyrirtækinu framtíðarsýn, góð eigna-
staða og samhent starfsfólk," segir Ari.
Eftir miklar fjárfestingar að undan-
förnu segir Ari alveg ljóst að framund-
an sé að fara yfir fjárhagsmál fyrirtæk-
isins, samhliða breytingum á eignar-
haldi. Ótvírætt njóti fyrirtækið þess
sem búið er að gera, ekki hvað sist
uppbyggingarinnar í veiðum- og
vinnslu uppsjávarfisks, þar sem vel
gengur þessa dagana. Ari segist einnig
ánægður með breytingarnar í bolfisk-
vinnslunni á Dalvík og i Hrísey þar
sem hann telur fyrirtækið hafa náð
góðum árangri. Snæfell hf. eigi einnig
mikil verðmæti í sölusamböndum sem
þegar hafa verið byggð upp erlendis,
til að mynda í 650 milljóna króna
sölusamningum við verslanir i Bret-
landi og á meginlandi Evrópu. En sú
spurning er óneitanlega áleitin hvort
ekki sé vandkvæðum bundið að
stjórna fyrirtæki með jafn dreifða
starfsemi um landið eins og raun ber
vitni. Ari segir þetta að sumu leyti erf-
iðara en jákvæðu hliðarnar standi upp
úr.
„Stjórnunarlega er þetta erfitt en já-
kvæðu hliðarnar eru þær að starf-
stöðvarnar eru þar sem umhverfið er
hagstætt. í síldarvinnslu er staðsetning
á Stöðvarfirði hagstæð gagnvart mið-
um, bolfiskvinnsla á Eyjafjarðarsvæð-
inu er hagstæð út frá vinnuafli og
þekkingu og svo framvegis. Við höfum
byggt upp stjórnskipurit fyrir félagið
sem tekur mið af því hve starfsemin er
dreifð en iykillinn að þessu er að sjálf-
stæði sé töluvert á hverri rekstrarein-
ingu fyrir sig en við samhæfum ýmis
mál yfir allar einingarnar eins og t.d.
gæðamál, tæknimál og fjármál," segir
Ari.
Aðspurður segir hann að stærð í
þorskígildistonnum sjávarútvegsfyrir-
tækja segi ekki alla sögu um hag-
kvæmni þeirra. Þegar um sé að ræða
jafn dreifða starfsemi eins og er hjá
Snæfelli þá verði kvótastaðan samt að
vera mjög sterk og starfsemin fjölþætt.
„Mín trú hefur verið sú að fyrirtækj-
um muni fækka í greininni og það
hefur komið í ljós. Að mínu mati
þurfa fyrirtæki að vera með yfir 10
þúsund tonna kvóta ef árangur á að
nást í rekstrinum en það segir samt
ekki að í framtíðinni verði ekki rými
fyrir mismunandi stærðir af fyrirtækj-
um," segir Ari Þorsteinsson, fram-
kvæmdastjóri Snæfells hf.
HAGGLUNDS DRIVES
Vökvamótorar
Afl sem tekur lítið pláss. - Tengist beint á vindur eða
iðnaðarvélar. - Snúningsátak allt að 150.000 Nm.
Mótorar á lager.
Hönnum vökvakerfi. Viðgerðar og varahlutaþjónusta.
Spilverk -
Sig. Sveinbjörnsson ehf.
Skemmuvegi 8, Sfmi 544-5600 Fax: 544-5301
ÆGIR 13