Árbók Háskóla Íslands - 01.02.1950, Side 76

74
Sérstakur luktur geymslustaður, sem bókaverðir kalla Her-
dísarvík, var gerður fyrir bækur Einars í háskólasafnskjall-
aranum. Safnsauki þessi nam 1225 bindum auk tvítaka nokk-
urra (í lögfræði). Þar af eru 16.—18. aldar bækur í arkar-
broti svo margar og þykkar, að þær fylla ellefu hillumetra, og
mikið er einnig í fjögra blaða broti. Efnið er fjölbreytt. Þó
má telja, að helmingur af safni Einars séu latnesk og grísk
fræði, en meiri hluti hins sé landfræðilegs og sagnfræðilegs
eðlis. Hið mikla Grænlandssafn hans er varðveitt í Lands-
bókasafni. Fáeinir kjörgripir íslenzkra fommennta eru í bók-
um Einars, sem háskólasafnið á, en fagrar bókmenntir síðari
alda eru þar eigi, hérlendar né erlendar. Hin fágætu rit Ein-
ars í safninu væru mikið ritgerðarefni, en hér skal aðeins
nefnt vögguprent eitt, Gesta Romanorum, Augsburg 1489 (þýzk
þýðing sagnasafns, óheilt).
Bókaaukning Háskólabókasafns var ekki með minnsta móti:
2475 bd. auk Einars bóka (samtals 3700 bd.), og var það
meir að þakka gjöfum en því, að ríflega væri keypt til safns-
ins. Um miðsumar 1950 nam því bókasafnið 57 þús. bindum
og nál. 15 þús. sérprentum eða smáprenti, sem einhver röðun
er á, auk úrklippna og smáprents, sem óraðað er og varla
hægt að nota í náinni framtíð. Helztu gjafir nýjar á árinu
voru þessar:
Sr. Þorsteinn Briem arfleiddi Háskólabókasafn að öllum bók-
um sínum um sálmagerð, sálmalög og sálmahöfunda ásamt
merkum drögum, sem hann hefur gert að fræðiriti um þau
efni. Bækurnar voru um 140 að tölu og eru ágætt starfsbóka-
safn í þessari grein.
Dr. theol. Alfred Th. Jörgensen í Kaupmannahöfn sendi
safninu mikla og verðmæta bókagjöf, rúmlega 520 bd. um
ýmis kennimannleg og kirkjusöguleg efni, einnig nokkur heim-
spekirit. Frá blindum dönskum manni, ónafnkenndum, bárust
1949 24 bindi góðra bóka til að sýna íslenzku safni vinarhug
nafnlausra manna með þeirri þjóð.
Frá Svíþjóð barst 1949 merkileg og mikil gjöf bóka um sögu