Árbók Háskóla Íslands - 31.12.1998, Síða 114

Misserislöng kvöldnámskeið í samstarfi við heimspekideild H.í.
Bókmenntir. heimspeki, siðfræði, sagnfræði. tungumát. listasaga. tónlistarsaga.
fornsögur. kvikmyndafræði, trúarbragðafræði. þróun persónulegrar hæfni o.fl. eru
heiti á námskeiðum sem einnig var boðið upp á. Alls sóttu 1.520 manns þessi
námskeið á árinu 1998.
1 - 2 ára nám samhliða starfi
Á árinu var boðið upp á eftirfarandi námsteiðir. sem 545 nemendur sóttu á árinu
1998:
• Rekstrar-og viðskiptagreinar - 1 1/2 ár
• Rekstrar- og viðskiptagreinar. framhald - 1 ár
• Markaðs- og útflutningsfræði - 1 ár
• Sjávarútvegsfræði - 1 ár
• Rekstur og stjórnun heilbrigðisstofnana - 1 1/2 ár
• Opinber stjórnsýsla og stjórnun - 1 ár
• Stjórnun og rekstur í heilbrigðisþjónustu - 1 1/2 ár
• Svæfinga-. gjörgæslu- og skurðhjúkrunarnám - 2 ár
Námskeið ætluð opinberum starfsmönnum sem haldin eru í samstarfi við
Hagsýslu ríkisins. Á árinu 1998 sóttu alls 244 manns þessi námskeið.
Réttindanám á vegum ráðuneyta
f vaxandi mæli er leitað til Endurmenntunarstofnunar um framkvæmd réttinda-
náms sem lög á ýmsum sviðum kveða á um. Þannig var á árinu 1998 boðið upp á
nám í samstarfi við félagsmátaráðuneytið vegna leyfis til að gera eignaskipta-
samninga og nám fyrir leigumiðlara. í samstarfi við viðskiptaráðuneytið var boðið
upp á réttindanám til vátryggingamiðlunar og verðbréfamiðlunar. Á árinu 1998
sóttu alls 207 manns nám af þessu tagi.
Námskrá stofnunarinnar og kynningarmál
Tvisvar á ári gefur stofnunin út yfirlit yfir námsframboð sitt í námskrá sem gefin
er út í 24.000 eintökum. Námskráin hefur vaxið að umfangi og er nú 44 síður með
auglýsingum. Einnig eru námskeið kynnt í fagtímaritum félaga eftir því sem tök
eru á. Mikið er hannað af kynningarefni og bæklingum um einstök námskeið eða
svið. sem send eru út til markhópa. Námsframboð stofnunarinnar er einnig á
heimasíðu á Internetinu og er hægt að skrá sig á námskeið á heimasíðu
stofnunarinnar.
Nýjungar árið 1998
Stöðug endurnýjun erá námskeiðsframboði Endurmenntunarstofnunar sem fyrr.
Endurnýjunin byggist á samstarfi við fjölda fagfélaga og stofnana. kennara. sér-
fræðinga og nemendur.
Á árinu 1998 hófst þriggja missera nám í „opinberri stjórnsýslu og stjórnun" sem
haldið er í samstarfi við Hagsýslu ríkisins og Samband íslenskra sveitarfélaga.
Einnig hófst nám í „skurðhjúkrun. gjörgæsluhjúkrun og svæfingahjúkrun" í jan-
úar. Þetta nám er skipulagt í samstarfi við námsbraut í hjúkrun við Háskóla
Islands og fagdeildir hjúkrunarfræðinga á viðkomandi sviðum.
Endurmenntunarstofnun hefur nú hafið þátttöku í undirbúningi Borgarháskóla
árið 2000.
Fjarkennsla
Tilraun með námskeið í fjarkennslu hófst á haustmisseri 1998. Námskeiðin „Excet
'97 fyrir fjármálafólk" og „Spænska fyrir byrjendur" voru hvort um sig kennd sam-
fellt í nokkrar vikur. Tilraunin þótti takast vel að mati kennara og nemenda og
mun Endurmenntunarstofnun efla enn frekar fjarkennslu á komandi árum.
Nýtt hús
í október 1998 flutti Endurmenntunarstofnun í nýtt hús við Dunhaga 7. Fyrsta
skóftustunga var tekin 30. mars og húsið tekið í notkun 1. október. Húsið er tvílyft.
alls um 2000 fermetrar. Húsið tilheyrir Endurmenntunarstofnun að hluta og
tölvunarfræðiskor að hluta. Á efri hæð eru skrifstofur Endurmenntunarstofnunar
og þrjár kennslustofur. þar af ein tölvustofa. Á neðri hæð eru tvær kennslustofur
EHÍ. önnur þeirra er fyrirtestrasalur með hallandi gólfi og rúmar 80 manns.
Einnig eru á neðri hæð kennslustofur og vinnuherbergi tölvunarfræðiskorar. Nýja
húsið bætir verulega úr húsnæðisþörf stofnunarinnar.
110