Árbók Háskóla Íslands - 31.12.2003, Page 50

Ný Nordplus-áætlun norrænu ráðherranefndarinnar
Alþjóðaskrifstofu háskólastigsins gafst á vormánuðum 2003 kostur á að taka þátt
í lokuðu útboði á umsjón með nýrri Nordplus-áætlun norrænu ráðherranefndar-
innar. Ákveðið var að senda inn tilboð í aðalumsjón og rekstur á Nordplus sprog
tungumálaáætluninni og að vera meðstjórnandi í hinum fjórum áætlunum Nord-
plus (Nordplus fyrir háskólastigið. Nordplus junior fyrir grunn- og framhaldsskóla
og Nordplus nabo fyrir samstarf við Eystrasaltsríkin og NV-Rússland). Utanað-
komandi matsfyrirtæki fór yfir öll tilboðin og fékk Alþjóðaskrifstofan hæstu ein-
kunn fyrir tilboð sitt í Nordplus sprog en þrír aðilar sóttu um verkefnið. Ákveðið
var að fela Alþjóðaskrifstofunni verkið og hófst undirbúningur strax um sumarið.
Formleg opnunarráðstefna nýrrar Nordptus-áætlunar var haldinn 4. desember.
Áætlunin tók formlega gildi 1. janúar 2004.
Starfsmanna- og
starfsþróunarmál
Almennt
Á starfsmannadeild starfa Guðrún Jóhanna Guðmundsdóttir starfsmannastjóri,
Lilja Þorgeirsdóttir verkefnisstjóri. Sigrún Valgarðsdóttir verkefnisstjóri og Sól-
veig B. Gunnarsdóttir tögfræðingur. í ágúst fór Sigrún Valgarðsdóttir í níu mánaða
launalaust leyfi og í hennarstað var ráðin Þóra Margrét Pálsdóttir sálfræðingur.
Mikil samvinna er við Elísabetu Þorsteinsdóttur starfsmatsstjóra sem auk starfs-
matsins ber ábyrgð á vinnu við frammistöðumatið - ársmatið. Verkaskipting á
sviðinu var endurskoðuð og lögð áhersla á að sameina verksvið verkefnisstjóra
þannig að hver hefði breiðara verksvið og gæti tekið að sér fjölbreyttari verkefni.
Álagið á deildinni er mikið og mikilvægt að allir starfsmennimir geti tekið að sér
verkefni af ýmsum toga.
Samstarf við yfirmenn hefur verið aukið og sviðið býður stjórnendum einstak-
lingsþjálfun og fræðslu. Þá hefur starfsmannadeild í auknum mæli tekið þátt í
skipulagsbreytingum í deildum og einingum innan skólans. Áhugi er á að halda
þeirri vinnu áfram enda hefur starfsumhverfi skólans breyst undanfarin ár með
fjölgun nemenda og breytingum í stjórnsýslu opinberra stofnana.
Átak hefur verið gert í að uppfæra allar starfslýsingar við skólann og áhersla er
lögð á að starfsmenn temji sér markmiðasetningu í verkefnum sínum. Mikil
þrýstingur hefur verið á starfsmenn að ganga í þessi mál þar sem starfsmat. sem
Ijúka á haustið 2004. grundvallast á starfslýsingum.
Starfsmannasamtöl fyrir akademíska starfsmenn var nýlunda á árinu, en flestall-
ir starfsmenn í stjórnsýslu hafa farið í starfsmannasamtöl síðan 1999. Fræðsla og
kynningar á starfsmannasamtölum hafa verið endurskoðuð. Æskilegt er að yfir-
menn og aðrir starfsmenn fái fræðslu og þjálfun í þessum mátum. Því var útbú-
inn fræðslupakki og geta nú allir fengið fræðslu og/eða upprifjun fyrir samtölin.
Á árinu var stofnaður lögfræðihópur innan akademískrar stjórnsýslu vegna sam-
starfs ríkisháskólanna og tók lögfræðingur deildarinnar, Sólveig B. Gunnarsdóttir.
virkan þátt í vinnu sem þar fór fram.
Auglýsingar og umsóknir
Miklaraðhaldsaðgerðirvoru á árinu í ráðningarmálum hjá Háskólanum og voru
nýjar reglur samþykktar af háskólaráði 12. desember 2002. þar sem ákveðið var
að fjármálanefnd þurfi að heimila allar óskir um ráðningar. í því felst að allar
nýráðningar, afleysingar og aukning á starfshlutfalli verður að leggja fyrir fjár-
málanefnd ráðsins til samþykktar. Markmið með þessum aðgerðum er m.a. að
stuðla að því að starfsmannafjöldi háskólans sé í sem bestu samræmi við starfs-
mannaþörf hverju sinni og einnig að yfirmenn noti tækifærið þegar starf losnar til
að endurmeta starfsmannaþörf og starfssvið viðkomandi starfsmanns. í tengsl-
um við þessar nýju reglur hefur starfsmannasvið í auknum mæli aðstoðað yfir-
menn við að endurskoða starfslýsingar og starfsskipulag.
Árið 2003 voru auglýst laus til umsóknar 29 störf akademískra kennara. sérfræð-
inga og fastráðinna stundakennara (aðjúnkta). Umsóknir um þau voru samtals 72.
Önnur auglýst störf voru 30 og umsóknir um þau voru samtals 445.
46