Árbók Háskóla Íslands - 31.12.2003, Blaðsíða 59

Náttúrufræðahús
Rekstrar- og framkvæmdasvið annaðist umsjón með byggingu náttúrufræðahúss
fyrir hönd Háskóla [slands í samvinnu við Ríkiskaup og Framkvæmdasýslu ríkis-
ins. Bygginganefnd náttúrufræðahúss starfaði sem ráðgefandi nefnd við lúkningu
hússins árið 2003.
Lokaáfanga hússins var skipt upp í mismunandi verkþætti og fóru fjórtán útboð
fram á árinu auk þess sem lokið var við þau átta útboð sem fóru fram árið 2002.
Framkvæmdir kostuðu rúmlega 880 m.kr.
Rektor lagði homstein að náttúrufræðahúsi 29. nóvember 2003 en þá var fyrsti íbú-
inn fluttur í húsið. Við sama tækifæri hófst nafnasamkeppni fyrir húsið á háskóla-
vefnum sem stóð fram til 15. janúar 2004. Háskólaráð valdi samhljóða nafnið Askja
úr 2.534 tillögum sem bárust að 1.224 mismunandi nöfnum frá 1.344 einstakling-
um. en 13 stungu upp á nafninu Askja. Dregið var milli þeirra sem sendu inn heitið
og hlaut Laufey Broddadóttir háskólastúdent verðlaun samkeppninnar. 100.000 kr.
Kennsla hófst í húsinu 7. janúar 2004 og voru allir starfsmenn í líffræði. jarð- og
landfræði auk Norrænu eldfjallastöðvarinnar fluttir í húsið þegar vígsla þess fór
fram 15. apríl 2004.
Með tilkomu Öskju er öll starfsemi Háskólans komin í eigið húsnæði á háskóla-
svæðinu. sem nær frá Haga við Hofsvallagötu í vestri að Læknagarði og Eirbergi
og Skógarhlíð í austri.
Askja - náttúrufræðahús
Askja - náttúrufræðahús Háskóla ístands. hýsir líffræði. jarðfræði. jarðeðlisfræði.
landfræði og ferðamálafræði, Jarðeðlisfræðistofu. Jarð- og landfræðistofu. Líf-
fræðistofnun og Norrænu eldfjallastöðina. Starfsaðstæður í jarð- og lífvísindum
gerbreytast með því að sameina undir eitt þak ólíkar en um margt skyldar grein-
ar. tækifæri skapast til þverfaglegra rannsókna og samvinnu milli fræðasviða
jafnframt því sem betri nýting á aðstöðu og tækjakosti leiðir til hagræðingar.
Að jafnaði stunda hálft sjöunda hundrað stúdenta grunn- og framhaldsnám í
Öskju. Um 130 kennarar. fræðimenn. sérfræðingar og annað starfsfólk hafa nú
flutt í Öskju og eru að koma sér þar fyrir. Auk jarðfræði- og líffræðinema sækja
þúsundir stúdenta úr öðrum deildum Háskólans fyrirlestra í Öskju.
Askja er 8.657 fermetrar að stærð sem skiptast í um þrjú hundruð mismunandi
svæði og endurspeglar fjölbreytileikinn vel hlutverk Háskóla íslands sem rann-
sóknarháskóla. Þar eru smærri og stærri fyrirlestrarsalir og fundarherbergi.
kennslustofur fyrir verklegt nám. margvíslegar rannsóknarstofur. skrifstofur
kennara og starfsaðstaða fyrir rannsóknarnema. í sameiginlegu rými er aðstaða
fyrir hópa og einstaklinga. auk bókasafns og matstofu. með útsýni í norðuryfir
Vatnsmýrina og Tjömina. Rekstur bókasafnsins er í höndum Landsbókasafns ís-
lands - Háskólabókasafns og matstofan er rekin af Félagsstofnun stúdenta.
Bygging Öskju er fjármögnuð með tekjum frá Happdrætti Háskóla Islands eins og
aðrar byggingar Háskóla íslands. Miðað við bráðabirgðauppgjör nemur heildar-
kostnaður við Öskju alls 2.4 milljörðum króna á verðlagi í apríl 2004. Þá er með-
talinn allur kostnaður við hönnun og eftirlit. opinber gjöld og flutningskostnaður.
lóðafrágangur og húsgögn auk flókinna sérhæfðra kerfa. innréttinga og tækja-
búnaðar til rannsókna.
Hönnun Öskju hófst árið 1994 og í byrjun árs 1996 tók þáverandi menntamálaráð-
herra fyrstu skóflustunguna. Haustið 1997 var byrjað á uppsteypu hússins og frá-
gangi að utan lauk árið 2001. Haustið 2001 var hafist handa við lokaáfangann.
Fyrstu starfsmennirnir fluttu í húsið í nóvember 2003 þegar rektor lagði hornstein
þess. Kennsla hófst í byrjun árs 2004 og síðustu starfsmenn fluttu inn í apríl 2004.
Háskóli íslands bindur miklar vonirvið að Askja styðji enn frekar við blómlega
þekkingaruppbyggingu fræðimanna í líf- og jarðvísindum sem hefur fært þeim og
Háskólanum alþjóðlega viðurkenningu á þessum sviðum. Meginmarkmið skólans
er að efla enn frekar rannsóknastarf. bæði innan og milli fræðigreina. Þar skapar
Askja einstakar aðstæður. ekki aðeins fyrir fræðasviðin sem þar hafa aðsetur
heldur allar deildir Háskólans. sem nú hafa sameinast á háskólasvæðið sem
markast af Læknagarði í austri og Haga við Hofsvallagötu í vestri. Síðast en ekki
síst bætir Askja úr brýnni þörf fyrir aukið kennsluhúsnæði fyrir þá rúmlega 9.000
nemendursem kjósa að stunda nám og rannsóknir við skólann.