Dýraverndarinn - 01.03.1959, Blaðsíða 15

Bæði var það, að hann þurfti svo oft að drekka,
að hann gat ekki verið nema fram á hádegi, og
svo var ég hrædd um, að hann færi í kindur og
týndist. En þegar hann var orðinn stærri og far-
inn að rata heim, lét ég hann fara, þegar hann
vildi. Stundum kom hann ekki fyrr en kýrnar
voru sóttar. Gaman var að sjá Fífil, þegar hann
ætlaði að berjast við kýrnar; þá var hann heldur
en ekki mikill með sig og kom hoppandi að þeim
og setti undir sig hausinn, en ekki varð mikið úr
honum, þegar þær tóku á móti og hentu honum
frá sér.
Einu sinni var ég send út að húsum, og fór
Fífill með mér. Þá stoppaði hann hjá smágirð-
ingu, sem móðir hans var stundum höfð í í vor,
þegar verið var að reyna að venja hann undir
hana.
Fífill var aldrei illur, en hefnigjarn var hann.
Ef hann var fyrir í heyinu og honum var ýtt frá,
þá þurfti hann alltaf að ýta við manni líka og
var tregur til að hreyfa sig úr stað.
1 haust vildi ég ekki að Fífli væri lógað heima,
eins og talað hafði verið um. Fékk ég því ráðið.
Hann var fluttur á bíl á sláturstaðinn, daginn
sem hann var felldur, en hin lömbin voru rekin
daginn áður. Fífill vó 44 kg. á fæti, og fall hans
var rúm 19 kg. Ég læt hér fylgja tvær myndir af
honum, önnur er tekin í vor, en hin seint í ágúst.
Hvern ber nú að garði ? spyr Fífill, — hann sá, að gestur
riður heim túnið. — Nú, það er hann Guðmundur minn á
Ingunnarstöðum, bætir hann við.
Góða fóstra stendur róleg, meðan fósturbörnin sjúga.
UNESCO viðurkennir
mikilvœgi dýraverndunar
Tilkynning frá stjórn
Sambands dýraverndunarfélaga Islands.
Á SEINASTA þingi UNESCO í París var stjórn
Alþjóðadýraverndunarsambandsins leyft að kjmna
starfsemi sína.
Með leyfi þessu var mikilvægi dýraverndunar
viðurkennt í fyrsta skipti af valdamiklum sam-
tökum, sem vinna á alþjóðlegum grundvelli.
Alþjóðlega dýraverndunarsambandið, W.F.P.A.,
hefur innan sinna vébanda dýraverndunarfélög
eða sambönd dýraverndunarfélaga fjörutíu þjóða,
sem búa í öllum álfum heims.
Meginstörf sambandsins eru að auka þekkingu
og skilning á dýravernd og mannúðlegri meðferð
dýra.
Að þessum meginstörfum sínum vinnur sam-
bandið með margvíslegu móti, og má þar nefna:
1. Með því að stuðla að stofnun dýraverndunar-
félaga hjá sem flestum þjóðum.
2. Með örvun og leiðbeiningum um lagasetningu
um dýravernd hjá einstökum þjóðum sem
víðast um heim.
3. Með efling alþjóðlegrar samvinnu um laga-
setningu.
4. Með varðgæzlu þeirra laga og samþykkta, sem
þegar eru til um dýravernd.
5. Með víðtækri fræðslu um allt, sem að dýra-
vernd lýtur.
hýraverndarinn
15