Hlín - 01.01.1930, Side 76

74
HUn
þjófsstað, Ormssonar, prests að Keldum á Rangárvöll-
um. —
Móðir mín ólst upp á Desjarmýri til 16 ára aldurs.
1861 fjekk faðir hennai1' veítingu fyrir Hallormsstað,
og flutti þangað vorið eftir, 1862. Eins og kunnugt er,
varð Hallormsstaður í tíð sr. Sigurðar Gunnarssonar,
það, sem fjöldi prestssetra á íslandi hafa orðið á liðn-
um öldum, menningarmiðstöð sveitarinnar. Hann var í
senn bóndi og prestur, læknir, fræðimaður og kennari.
Hann hjelt skóla á Hallormsstað alla sína tíð. Lærðu
þar margir ungir menn undir skóla, og enn aðrir öfl-
uðu sjer almennrar mentunar. Þau hjónin eignuðust 11
börn, en aðeins 3 dætiy/ komust upp, Margrjet elst, þá
móðir mín og Guðlaug yngst. Þær fengu meiri mentun
í æsku en þá var títt um konur, og nutu þess, að skóli
var haldinn á heimilinu. Hannyrðir lærðu þær af móð-
ur sinni. Hún var mesta myndarkona, en einkum hef
jeg heyrt lund hennar við brugðið. Hafði hún verið
Ijettlynd og glaðlynd og hafði yndi af allri kýmni.
Heyrði jeg til þess tekið, hve gaman hefði verið að
lesa fyrir hana »Holbergs Komedier«.
Móðir mín var mest eftirlæti föður síns og honum
handgengnust. Hún var bókhneigð og hjálpaði honum
við ýms störf. Las með honum og skrifaði fyrir hann.
Hún unni föður sínum og virti rnest allra manna, og
hafði enginn maður jafn mikil áhrif á hana. Af þessu
leiddi, að hún vandist ekki bústörfum á æskuárum, og
var hún þeim altaf frábitin. Þau störf lentu öll á Mar-
grjetu systur hennar, eftir að móðir þeirra eltist og
misti sjónina, en það mun hafa verið um 1874. Hún dó
1877 og Guðlaug dóttir hennar ári áður, 26 ára gömul.
Henni unni móðir mín mest vandamanna sinna, næst
föður sínum. Var það fyrsta reynsla hennar, er hún
varð að sjá á bak þessari systur sinni. Guðlaug hafði
verið falleg stúlka og gáfuð og allra eftirlæti.