Heilbrigðismál - 01.03.1983, Síða 10

Reykingavenjur í apríl 1983 Höfuft- borgar- Annað þétt- Dreif-
Alls Karlar Konur svæði býll býli
Hafa aldrei reykt 37,5% 32,3% 42,0% 34,9% 37,4% 43,9%
Eru hættirað reykja 20,8% 23,1% 18,7% 16,1% 24,5% 25,6%
Reykja sígarettur eingöngu 27,7% 18,1% 37,2% 31,8% 27,9% 17,1%
Reykja eingöngu annað tóbak 8,3% 16,0% 1,0% 9,0% 6,2% 11,0%
Reykja bæði sígarettur og annað tóbak 5,7% 10,5% 1,1% 8,2% 4,0% 2,4%
Könnun Hagvangs fyrir Krabbameinsfélagið og Reykingavarnanefnd:
Flestir hlynntir reykingahömlum
Sígarettureykingar mun algengari meðal kvenna en karla
Mikill meirihluti þeirra sem þátt
tóku í skoðanakönnun Hagvangs
sögðust hlinntir reyklausum stöðum
og takmörkunum á sölu tóbaks til
barna. Einnig kom í Ijós að meira en
helmingur þátttakenda reykir ekki.
Könnun þessa gerði Hagvangur
fyrir Krabbameinsfélag Reykjavíkur
og Reykingavarnanefnd um miðjan
apríl, en samtímis var kannað fylgi
stjórnmáflokka o.fl. í upphaflega
úrtakinu, sem valið var úr þjóð-
skránni, voru 1300 manns af öllu
landinu en í „nettó-úrtaki“ voru
1133. Svör fengust frá 1040 körlum
og konum á aldrinum frá tvítugu og
fram yfir sjötugt. Fjórar spurningar
voru lagðar fyrir þátttakendurna.
Fyrst var spurt hvort viðkomandi
reykti. Nær 42% sögðust reykja,
21% voru hættir að reykja en 37%
höfðu aldrei reykt. Af þeim sem
notuðu tóbak reyktu langflestir ein-
göngu sígarettur (tæp 28%), miklu
færri reyktu eingöngu annað tóbak
en sígarettur (8%) og nokkur hluti
aðspurðra reykti hvort tveggja (tæp
6%).
Reykingar voru í heild almennari
hjá körlum en konum, 44% á móti
39%. Hins vegar sögðust 38%
kvennanna og 29% karlanna reykja
sígarettur, annað hvort eingöngu
eða ásamt öðru tóbaki. Um 37%
kvennanna reykja einungis síga-
rettur en aðeins 18% karlanna.
Á höfuðborgarsvæðinu sögðust
49% reykja, 38% á þéttbýlisstöðum
utan þess og 31% þátttakenda í
dreifbýli. Þeir sem reyktu eingöngu
annað tóbak en sígarettur voru þó
hlutfallslega fjölmennastir í
dreifbýli.
Tiltölulega flestir reyktu í yngstu
aldurshópunum. Til dæmis reykti
annar hver þátttakandi á þrítugs-
aldri en einungis sjötti hver þeirra
sem komnir voru yfir sjötugt.
Mikill munur er á reykingum eftir
þvíhvernig fólk býr. Um 56% þeirra
sem búa í fjölbýlishúsum reykja,
43% í sérhæðum eða raðhúsum og
34% þeirra sem búa í einbýlis-
húsum.
Rúmlega 76% þátttakenda voru
hlynntir því að ekki yrði heimilt að
selja börnum yngri en 16 ára tóbak,
17% voru andvígir því og 7% tóku
ekki afstöðu. Ákvæði þess efnis er í
frumvarpi til laga um tóbaksvarnir
sem kynnt var á Alþingi í vor. Þessi
regla virtist hafa enn meiri hljóm-
grunn hjá konum en körlum, en
ekki var mikill munur á viðhorfi
þátttakenda eftir aldri og búsetu.
Rúmlega 81% aðspurðra voru
sammála því að þeir sem reykja ekki
eigi rétt á að geta verið lausir við
tóbaksreyk á vinnustað sínum, tæp
11% töldu sig andvíga þessu og 8%
tóku ekki afstöðu. Álíka margir
(82%) töldu æskilegt að reyklaus
svæði væru á hverjum veitingastað.
Reykingamenn reyndust vera jafn
hlynntir þessum ráðstöfunum eins
og þeir sem ekki reykja, og ekki var
merkjanlegur munur á afstöðu
manna eftir starfsgreinum.
Þetta er í fyrsta sinn sem svo víð-
tæk könnun er gerð á reykingum
íslendinga og viðhorfi til tak-
markana á þeim. Þess er vænst að
Hagvangur kanni reykingavenjur ís-
lendinga aftur á næsta eða þarnæsta
ári og þá verði hægt að fá samanburð
á ástandinu.
Fylgjandi banni við sölu tóbaks til barna yngri en 16 ára 76% 7% Á móti 17%
Hlynntir rétti manna til Á móti
reykleysis á vinnustöðum 81% 8% 11%
Telja æskilegt að reyklaus svæði Á móti
séu á veitingastöðum 82% 7% 11%
10 HEILBRIGÐISMÁL 1/1983