Fréttablaðið - 15.06.2010, Blaðsíða 2

2 15. júní 2010 ÞRIÐJUDAGUR
SPURNING DAGSINS
Andrea, er Akureyrarbær
orðinn Hofmóður?
„Menn hefðu að minnsta kosti átt
að sýna meira hóf en Hof.“
Árlegur rekstur menningarhússins Hofs
á Akureyri stefnir í 400 milljónir króna
og núverandi kostnaðaráætlun er komin
1,5 milljörðum fram úr áætlun. Andrea
Hjálmsdóttir, oddviti VG á Akureyri, telur
húsið alltof stórt.
VIÐSKIPTI „Þetta hefur mikið að
segja fyrir okkur,“ segir Björ-
gólfur Jóhannsson, forstjóri
Icelandair Group, um bindandi
samkomulag Framtakssjóðs líf-
eyrissjóðanna um kaup á þriðj-
ungshlut í félaginu fyrir þrjá
milljarða króna.
Framtakssjóðurinn kaupir
fyrir 1,2 milljarða nýja hluti í
Icelandair Group á genginu 2,5
krónur á hlut. Það er rúmur nítj-
án prósenta afsláttur á gengi gær-
dagsins. Björgólfur reiknar með
að samkomulagið nái fram að
ganga í seinni hluta júlí. Á sama
t í m a ve r ð a
eignir sem eru
utan kjarna-
starfsemi seld-
ar inn í annað
félag fyrir 7,7
milljarða króna.
Félagið verð-
ur í eigu lánar-
drottna. Inn í
félagið fer kaup-
réttur á fjórum
Boeing 787-þotum og eignahlutir
í tékkneska flugfélaginu Travel
Service, lettneska félagið Smart-
Lynx og Bluebird Cargo.
Samningurinn nú felur jafn-
framt í sér að helstu lánardrottn-
ar Icelandair Group breyti 3,6
milljörðum króna af skuldum í
hlutafé á genginu 5,0 krónur á
hlut. Það er hundrað prósenta
hærri verðmiði en Framtakssjóð-
urinn greiðir. Björgólfur segir
það eðlilegt.
Vaxtaberandi skuldir Ice-
landair Group námu 41 milljarði
króna samkvæmt síðasta árs-
hlutauppgjöri. Gert er ráð fyrir
að með gjörningunum lækki þær
um rúma tíu milljarða.
- jab
Framtakssjóðurinn kaupir þriðjungshlut í Icelandair Group fyrir þrjá milljarða:
Lækka skuldir um tíu milljarða
BJÖRGÓLFUR
JÓHANNSSON
DÝRALÍF Skipverjar á varðskipinu
Tý svipuðust árangurslaust um
eftir hvítabjörnum fyrir Jón
Gnarr, verðandi borgarstjóra
Reykjavíkur, á ríflega 200 kíló-
metra siglingu meðfram ísrönd-
inni við strönd Grænlands nýverið.
Fram kemur á vef Landhelgis-
gæslunnar að raunverulegur til-
gangur ferðarinnar hafi verið
að flytja þyrlu Vesturflugs frá
Ísafjarðardjúpi að ísröndinni við
Scoresbysund. Í ljósi yfirlýsinga
borgarstjórans tilvonandi, sem
lofaði borgarbúum hvítabirni
í Húsdýragarðinn, höfðu varð-
skipsmenn augun opin, en urðu
ekki varir við bangsa. - bj
Gæslan fór meðfram ísnum:
Enginn ísbjörn
fyrir Jón Gnarr
NOREGUR Norski milljónamæring-
urinn Erik Andersen hefur verið
dæmdur í níu ára fangelsi eftir
að hafa misnotað 66 drengi undir
lögaldri. Hann fær fyrst mögu-
leika á reynslulausn eftir sex ár.
Andersen fékk viðurnefnið
Vasamaðurinn, en hann stund-
aði það að láta drengi fara ofan
í buxnavasa sína, en hafði þá
klippt gat á þá að innanverðu og
var ekki í nærbuxum.
Í dómnum er tekið fram að
þrátt fyrir þá meðferð sem
maðurinn hefur gengist undir
í fangelsi, sé hann enn mjög
hættulegur. - sv
Barnaníðingur fær níu ár:
Misnotaði sextíu
og sex drengi
ERIK ANDERSEN Dæmdur fyrir að mis-
nota 66 drengi.
ÍRLAND, AP Mikill meirihluti Íra
vill að leiðtogi kaþólsku kirkj-
unnar þar í landi segi af sér emb-
ætti. Þetta kemur fram í könnun
dagblaðsins The Irish Times.
Samkvæmt blaðinu vilja 76
prósent aðspurðra að kardinál-
inn Sean Brady hætti vegna þess
að hann hefur viðurkennt að hafa
hylmt yfir barnaníð innan kirkj-
unnar. Hann hefur sagst skamm-
ast sín fyrir gjörðir sínar en úti-
lokað að hætta.
Brady vissi af misnotkun
prestsins Brendans Smyth árið
1975 og lét yfirmenn sína vita en
ekki lögreglu. Presturinn mis-
notaði fjölda barna á Írlandi og í
Bandaríkjunum áður en hann var
loks handtekinn árið 1994. - þeb
Könnun á Írlandi:
Vilja að kardin-
áli segi af sér
SVÍÞJÓÐ, AP Um 50 aðgerðasinnar
á vegum Grænfriðunga voru
handteknir í Svíþjóð í gær eftir
að þeir fóru inn í kjarnorkuver í
leyfisleysi.
Fólkið var að mótmæla fyrir-
ætlunum stjórnvalda um að leyfa
byggingu nýrra kjarnorkuvera í
landinu. Stjórnvöld hafa sagt að
þau vilji ekki auka notkun kjarn-
orku, en hafa lagt til að ný orku-
ver verði byggð í stað gamalla.
Um helmingur rafmagns í Sví-
þjóð er framleiddur í kjarnorku-
verum. Atkvæði verða greidd
um tillöguna á sænska þinginu á
fimmtudag. - þeb
Aðgerðasinnar í Svíþjóð:
Mótmæltu nýj-
um orkuverum
VERSLUN Verslunum, sem hafa opið
allan sólarhringinn, hefur fjölgað
mikið á síðustu misserum. Í sumar
verða 44 verslanir opnar allan sól-
arhringinn, 30 matvöruverslanir,
þrettán bensínstöðvar og ein önnur
verslun. Flestar slíkar verslanir eru
á höfuðborgarsvæðinu eða 36 tals-
ins en átta eru á landsbyggðinni.
Á síðustu tólf mánuðum hafa
fimm matvöruverslanir og þrjár
bensínstöðvar tekið tekið upp á
því að hafa opið allan sólarhring-
inn. Að auki verða tvær bensín-
stöðvar opnar allan sólarhringinn
tímabundið í sumar.
Verslanir 10-11 eru mest áber-
andi í hópi sólarhringsverslana en
alls eru reknar 22 verslanir undir
nafni 10-11 sem eru opnar allan
sólarhringinn. Íbúar í póstnúm-
eri 108 eru sérstaklega vel í sveit
settir en í póstnúmerinu eru sex
þessara verslana. Það gerir eina
verslun á hverja 2.013 íbúa.
Á landsbyggðinni eru sex mat-
vöruverslanir opnar allan sól-
arhringinn auk tveggja bensín-
stöðva sem eru þó eingöngu með
sólarhringsopnun í sumar. Þrjár
verslananna eru á Akureyri, tvær
í Leifsstöð og ein í Keflavík. Að
auki eru bensínstöðvar á Selfossi
og í Staðarskála opnar allan sólar-
hringinn í allt sumar.
Jóhannes Gunnarsson, formað-
ur Neytendasamtakanna, segir
ljóst að verið sé að auka útgjöld
neytenda. „Það er ljóst að þarna
er verið að auka útgjöld þegar
meiri þörf er á því að draga úr
þeim og lækka vöruverð þannig
að við höfum efasemdir um þenn-
an langa opnunartíma og óttumst
að þetta leiði til hækkunar á vöru-
verði,“ segir Jóhannes.
Andrés Magnússon, fram-
kvæmdastjóri Samtaka verslunar
og þjónustu, er ekki á sama máli.
„Við lítum þannig á að það sé
hverju fyrirtæki í sjálfsvald sett að
ákveða þetta. Það eru engar regl-
ur til um opnunartíma þannig að
ef fyrirtæki sjá sér hag í því, telja
að það sé markaður fyrir þennan
langa opnunartíma, þá er það bara
hið besta mál og veitir neytendum
frábæra þjónustu.“
Verslanir Select riðu á vaðið með
að hafa opið allan sólarhringinn,
árið 1997 við Suðurfell og Vest-
urlandsveg. Af matvöruverslun-
um var Samkaup við Borgarbraut
á Akureyri fyrst til að hafa opið
allan sólarhringinn, frá því í júlí
2005. magnusl@frettabladid.is
44 verslanir opnar
allan sólarhringinn
Á Íslandi eru 44 verslanir opnar allan sólarhringinn í sumar. Þar af eru 30 mat-
vöruverslanir og þrettán bensínstöðvar. Á höfuðborgarsvæðinu eru 36 þessara
verslana. Slíkum verslunum hefur fjölgað töluvert undanfarna mánuði.
Hagkaup
Nóatún
10-11
Olís
Shell
N1
Á höfuðborgarsvæðinu eru 36 verslanir opnar
allan sólarhringinn en utan þess eru þær
átta. Flestar eru verslanirnar í póstnúmeri 108 í
Reykjavík eða sex talsins. Íbúar í miðbæ Reykja-
víkur, póstnúmer 101, mega einnig vel við una en
þar eru fimm verslanir. Það eru þó ekki bara íbúar
Reykjavíkur sem standa vel að vígi því annars vegar
í póstnúmeri 200 í Kópavogi og hins vegar póst-
númeri 220 í Hafnarfirði má finna fjórar verslanir.
Sólarhringsverslanir á Íslandi
SamkaupOffice1
EFNAHAGSMÁL Sendinefnd á
vegum Alþjóðagjaldeyrissjóðs-
ins, AGS, kom hingað til lands í
gær og fundar með stjórnvöld-
um um ýmis mál er varða úttekt
fyrir þriðju endurskoðun efna-
hagsáætlunar Íslands. Sendi-
nefndin verður hér til 28. júní
næstkomandi.
Fulltrúar AGS upplýsa og ræða
við fjölmiðla um niðurstöður við-
ræðna að þeim loknum, að því er
segir í tilkynningu frá Franek
Rozwadowski, sendifulltrúa AGS
hér á landi. - jab
Fulltrúar AGS á landinu:
Ræða þriðju
endurskoðun
Olíuslysið eins og hryðjuverk
Forseti Bandaríkjanna, Barack
Obama, líkti olíuslysinu í Mexíkóflóa
við hryðjuverkin 11. september 2001
í fyrstu opinberu heimsókn sinni
á svæðinu. Obama hefur heimsótt
Alabama, Missisippi og Flórída.
BANDARÍKIN
LÖGREGLUMÁL Á annað hundrað
töflur af lyfseðilsskyldum örvandi
lyfjum, nokkuð magn af kókaíni og
um fjórtán milljónir í reiðufé fund-
ust á heimili og dvalarstað eiganda
verslunarinnar Draumsins við
Rauðarárstíg í húsleit fyrir helgi.
Eigandinn situr nú í gæsluvarð-
haldi og útlit er fyrir að verslun
hans verði lokað til frambúðar.
Eigandinn, 65 ára karlmaður,
var handtekinn ásamt syni sínum
sem einnig hefur starfað í verslun-
inni. Farið var fram á gæsluvarð-
hald yfir þeim báðum en dómari
féllst aðeins á að eigandinn skyldi
sitja inni vegna rannsóknarhags-
muna. Er þá sérstaklega litið til
þess að hann er grunaður um
fíkniefnasölu og að á dvalarstað
hans fannst mikið fé. Sjálfur segir
hann féð að hluta til greiðslu sem
hann hafi fengið fyrir að rýma
húsnæði sem hann hafði á leigu.
Draumurinn hefur nú verið
innsiglaður og Geir Jón Þórisson
yfirlögregluþjónn segir að líklega
muni lögregla krefjast þess að
verslunin verði ekki opnuð á nýjan
leik. „Ef húsnæði er ítrekað notað
við refsiverða háttsemi getur lög-
regla gert kröfu um að starfsem-
inni þar verði lokað,“ segir Geir
Jón. „Það er ljóst að það hafa
ítrekað verið framin brot í þessari
verslun.“
Eigandinn sætir gæsluvarðhaldi
til morguns. - sh
Eigandi verslunar við Rauðarárstíg í gæsluvarðhaldi grunaður um fíkniefnasölu:
Draumnum verður líklega lokað
DRAUMURINN Lögreglan hefur ítrekað haft afskipti af Draumnum við Rauðarárstíg
vegna vafasamra viðskiptahátta. MYND / SIG. JÖKULL