Fréttablaðið - 15.06.2010, Blaðsíða 22
15. JÚNÍ 2010 ÞRIÐJUDAGUR2 ● fréttablaðið ● heilsa
Æfingakerfi sem hægt er að
hlaða niður í iPodinn eða
MP3-spilarann er hugarsmíð
Steinunnar Jónsdóttur sem vill
með einföldum hætti hjálpa
fólki að komast í betra form.
„Þetta er æfingakerfi með einföld-
um líkamsæfingum, gerðum til að
hjálpa fólki að koma sér rólega af
stað,“ segir Steinunn Jónsdóttir
arkitekt sem hefur ásamt sambýl-
ismanni sínum, Þresti Erlingssyni,
sett saman æfingaáætlun sem
hægt er að hlaða niður í iPod-
inn, MP3-spilarann eða hlusta á í
geislaspilaranum.
Æfingakerfið byggist upp á
göngu, skokki, hlaupi, mismun-
andi æfingum og teygjum og kall-
ast Þjálfinn. Þar leiðbeinir rödd
þjálfara notendum og hvetur þá
áfram. Kerfi af þessu tagi hefur
ekki fengist áður á Íslandi að sögn
Steinunnar sem fékk hugmyndina í
kjölfar atvinnumissis á síðasta ári.
„Ég missti vinnuna á arkitekta-
stofu en í stað þess að leggja árar
í bát ákvað ég að leggja höfuðið í
bleyti og upphugsa eitthvað snið-
ugt sem gæti nýst fólki vel og
væri jafnframt örvandi í þessu ár-
ferði,“ segir Steinunn. „Ég hef allt-
af haft áhuga á líkamsrækt og æfði
á sínum tíma þolfimi hjá Magnúsi
Scheving, keppti í henni og kenndi.
Út frá því kviknaði hugmyndin að
Þjálfanum sem er tiltölulega ódýr
miðað við margt annað sem býðst
í líkamsrækt og er hægt að nota
næstum hvar og hvenær sem er: í
bústaðnum, á ferðalagi, heima eða
undir berum himni. Svo er þetta
sniðugt fyrir þá sem vilja byggja
sig upp áður en þeir fara í ræktina,
svo sem byrjendur eða nýbakaðar
mæður.“
Að sögn Steinunnar tók fjóra
mánuði frá því í janúar að útbúa
kerfið sem kemur til landsins á
næsta föstudag. Því fylgir hefti
með myndum sem sýna æfingarn-
ar og frumsamin tónlist eftir Mark-
ús B. Leifsson hljóðmann, sem ljær
Þjálfanum jafnframt rödd sína.
„Þetta er hvetjandi tónlist í trans-
stíl en við stefnum líka að annarri
útgáfu sem verður með rokktón-
list, að mestu leyti frumsaminni
af íslenskum hljómsveitum,“ segir
Steinunn og bætir við að ef Þjálf-
anum verði vel tekið þá standi til
að gefa út fleiri kerfi með æfingum
sem reyna meira á notendur. Nán-
ari upplýsingar á Facebook. - rve
Með þjálfarann í vasanum
Steinunn Jónsdóttir á heiðurinn að Þjálfanum, einföldu æfingakerfi sem meðal annars er hægt að hlaða í iPodinn og nota næst-
um hvar og hvenær sem er. FRÉTTABLAÐIÐ/VALLI
ÍS
L
E
N
S
K
A
S
IA
.I
S
S
F
G
4
20
40
0
4.
20
08
„Ég verð hálfhrærður þegar ég er
að tala við fólk,“ segir Vignir Arn-
arson sem ætlar að vera þrjátíu
daga að ganga þvert yfir Noreg og
Svíþjóð og leggja í leiðinni barna-
starfi Blindrafélagsins Ungblind
lið og gengur áheitasöfnun vel að
hans sögn. Leggur hann af stað 27.
júní næstkomandi. Hann ætlar að
lifa á því sem náttúran gefur af
sér og verður ekki með neitt nesti
á göngunni.
Vignir ætlar að ganga frá Bogs-
nesi sem liggur við Tysfjörð í Nor-
egi og til Piteå í Svíþjóð. Loftlína
er um fimm hundruð kílómetrar.
Vignir lýsir ástæðu göngunnar með
eftirfarandi orðum: „Það eru sjö
til átta ár síðan ég ákvað að þetta
væri eitthvað sem mig langaði til
að gera. Eftir að dóttir mín greind-
ist með ólæknandi augnsjúkdóm og
sonur minn lést í fyrra langaði mig
að sameina áhuga minn á að fara
þetta og að láta eitthvað gott af
mér leiða í staðinn.“
Vignir segir að þetta sé í fyrsta
sinn sem gengið er þvert yfir Noreg
og Svíþjóð án matar og drykkjar og
lifað á náttúrunni eingöngu. „Mér
fannst ekki nógu mikil áskorun
að fara með fullan poka af mat.
Minnsta málið er að trimma þetta
yfir. Hitt er annað mál að veiða sér
til matar og halda hausnum í lagi.“
- mmf
Gengur yfir Noreg og Svíþjóð
„Mér fannst ekki nógu mikil áskorun að fara með fullan poka af mat,“ segir Vignir.
MYND/ÚR EINKASAFNI
„Þetta gekk allt saman vel, enda
á ég líka frekar auðvelt með að
læra,“ segir Halla Logadóttir, sem
útskrifaðist aðeins 21 árs gömul
af hjúkrunarfræðideild við Há-
skóla Íslands síðasta laugardag
og er þar með yngsti hjúkrunar-
fræðingur á landinu.
Halla lauk stúdentsprófi frá
Menntaskólanum Hraðbraut árið
2006 og þaðan lá leiðin beint í
hjúkrunarfræðina. „Ég vissi
alveg hvað ég vildi læra,“ segir
hún ákveðin og getur þess að
þrátt fyrir ungan aldur hafi skóla-
félagarnir tekið vel á móti henni
og litið á sem jafningja. „Enda er
ég nú heldur ekkert smábarn,“
segir hún kímin.
Halla viðurkennir þó að sumt
hafi komið sér á óvart, meðal
annars að uppgötva á kynningu
á Þjóðarbókhlöðunni að þar er
18 ára aldurstakmark bundið við
lánþega. „Ég var þá ekki nema
17 ára,“ segir hún og hlær. „Ég
þurfti reyndar ekki að fá bækur
að láni, en hefði komið til þess er
ég viss um að þeir hefðu nú beygt
aðeins regluna fyrir mig.“
Halla mun í sumar starfa við
afleysingar á meðferðarheim-
ilinu Vogi þar sem hún hefur
unnið meðfram námi til að upp-
fylla starfsskyldu. Hún ætlar svo
að taka sér langþráð frí frá námi
í vetur. „Mér finnst nú líka alveg
kominn tími á það,“ viðurkennir
hún.
Hvað tekur svo við? „Ég ætla
kannski, nei, eiginlega er ég
ákveðin í að leggja ljósmóðurina
fyrir mig,“ segir hún og sýnir svo
blaðamanni málverk af barnshaf-
andi ljósmóður sem hún fékk ein-
mitt í útskriftargjöf frá frænd-
fólki sínu. „Ég tek þó fram að
myndin felur ekki í sér neinar vís-
bendingar um ástand eigandans,“
segir hún og hlær. - rve
Landsins yngsti
hjúkrunarfræðingur
Halla ætlar að leggja ljósmóðurina fyrir sig. FRÉTTABLAÐIÐ/STEFÁN
● LEISER-BENDAR VALDA AUGNSKEMMDUM Staðfest
hefur verið að leiser-bendar geta valdið alvarlegum augnskemmdum.
Læknar í Liverpool og Manchester
hafa stigið fram og sagt sögu ungl-
ings sem beindi leiser-bendi í augu
sín. Unglingurinn varð fyrir bruna á
auga og sjónhimnuskemmdum sam-
kvæmt vef breska ríkisútvarpsins. Að
sögn talsmanns heilsuverndarstofn-
unarinnar í Bretlandi hefur stofnunin
frétt af sjónhimnuskemmdum af völd-
um leiser-benda. Unglingurinn sem hafði beint leiser-bendinum í augun
á sér keypti hann á Netinu. Eftir atvikið komust læknar að því að hann sá
ekki skýrt. Prófanir sýndu bruna á yfirborði augans og skemmdir á sjón-
himnu. Tveimur mánuðum seinna hafði sjón hans batnað en einhverjar
skemmdir sjónhimnunnar voru enn til staðar.