Samtíðin - 01.04.1970, Blaðsíða 7

3. blaft 37. árg,
Mr. 361
Apríl 1970
SAMTIÐIIM
HEIIUILISBLAÐ TIL SKEIUIUTIJIXIAR 0G FRÓÐLEIKS
SAMTfÐlN kenn.r út mánaðarlega nema i jannar og ágúst. Ritstjóri og útgefandi: SigurSur
Skúlason, Reykjavík, simi 12526, pósthólf 472. Afgreiðslusími 18985. Árgjaldið 200 kr. (erlendis
250 kr.), greiðist fyrirfram. Áskriftir miðast við áramót. Áskriftum og áskriftargjöldum veitt
móttaka i Bókaverzlun ísafoldar, Austurstræti 8. — Félagsprentsmiðjan hf.
Kirkjusókn í Vestur-Þýzkalandi minnkar stórlega
ÞÝZKT stórblað birti nýlega allmargar mynd-
ir úr hartnær mannlausum kirkjum, meðan
guðsþjónustur fóru ])ar fram, og jafnframt gat
þar að lesa eftirfarandi: „I Þýzkalandi er það
ekki lengur talið óviðeigandi og ekki einu sinni
álitið hneykslanlegt að segja skilið við kirkju
sína. Það er hins vegar allt að því orðin tízka.“
Á síðustu vikum ársins, sem leið, tilkynntu
yfirvöldin í öllum landshlutum Vestur-Þýzka-
Iands, að fjöldi fólks óskaði að segja skilið við
kirkjur sínar. Síðan hafa þýzk dagblöð birt
greinar um þetta ástand. í Kiel hafa 30—40
meðlimir lútherskrar og kaþólskrar trúar ný-
lega vfirgefið söfnuði sína. í Munchen sögðu
árið, sem leið, 1800 kaþólskir sig úr söfnuðum
sínum, en þar hafa 8 síðustu árin að meðaltali
950 safnaðarmenn horfið þaðan. I Vestur-Ber-
lín höfðu fram til októberloka 1969 meir en
13500 mótmælcndur horfið úr söfnuðunum eða
70% fleiri en árið áður. Heildartölur uiu
betta gífurlega fráhvarf í gervöllu Vestur-
Þýzkalandi skorti í þeim blöðum, sem við lás-
«m. Frá Köln bárust þær fréttir, að mest bæri
á fráhverfi fólks á þrítugsaldri, og voru í því
sambandi einkum tilnefndir embættismenn, iðn-
aðarmenn og verkafólk. Fráhvarfið hefur reynzt
meira í borgum en sveitum landsins. Mest hef-
ur það verið í Hamborg og Vestur-Berlín.
Hér fara á eftir ummæli nokkurra Þjóð-
verja varðandi þetta mál Kurt Schaf, biskup
1 Vestur-Berlín, hefur komizt svo að orði:
..Ástand kirkjumálanna í Þýzkalandi og Vest-
ur-Berlín er orðið uggvamlegra en áður. Sú
stefna, að segja skilið við kirkjuna, hefur nú
fmrzt meir í aukana en við mátti búast.“ —
Beckmann, formaður evangelisku kirkjunnar í
Rínarlöndum, segir um fráhvarfið, að það
minni sig á „verstu nazistaárin", eins og hann
kemst að orði. Og Giinther Harder, guðfræði-
prófessor í Berlín, segir: „Hér mun verða
skriðufall, sem kæfir okkur.“
Hér fara á eftir fáein ummæli þess fólks,
sem gerzt hefur fráhverft þýzku kirkjunni á
sl. ári, og er þar af miklu að taka. Robert Halz-
ach í Miinchen (29 ára) segir: „Vísindin hafa
farið fram úr trúarbrögðunum. Kirkjan verður
að finna sér nýja hugmyndafræði." — Josef
Becker í Saarbriicken (57 ára) segir: „Ég varð
að greiða 600 mörk á ári í kirkjugjöld. Þá
sagði ég mig úr kirkjunni. Ég verð að rcyna að
eiga fyrir útgjöldum." — Helmut Lankau í Ham-
borg (25 ára) segir: „Fráhvarf mitt frá kirkj-
unni stafaði ekki af vantrú, því að ég er enn
trúaður. Það er á kirkjuna sjálfa sem stofnun,
sem ég trúi ekki framar.“ — Ivonne Griiter i
Miinchen (23 ára) segir: „Ég álít, að bæði evan-
geliska og kaþólska kirkjan séu orðnar ókristi-
legar, ábyrgðarlausar og ótímabærar í athöfn-
um sínum.“ — Karl Thomsen í Flensborg (59
ára) segir: „Kirkjan er mér í raun og sann-
leika of framandi. Hún er auðug, en hún berst
ekki nægilega gegn grimmdinni, sem á sér stað
í heiminum. Það veldur mér áhyggjum.“ Dr.
Hans Samefinger í Miinchen (28 ára) segir:
„Mér finnst kirkjan í dag vera í andstöðu við
kröfur tímans. Ég tel hana beinlínis skaðlega,
af því að hún hefur um aldaraðir hindrað fram-
farirnar.“
I Vestur-Þýzkalandi hefur upp á síðkastið
verið birtur fjöldi biturra ummæia um kirkj-