Fréttablaðið - 06.07.2010, Blaðsíða 22
14 6. júlí 2010 ÞRIÐJUDAGUR
timamot@frettabladid.is
Listasafn Einars Jónssonar býður gestum sínum í júlí að
taka þátt í verkefninu Nýtt sjónarhorn á list Einars Jónsson-
ar. Verkefnið er styrkt af Nýsköpunarsjóði námsmanna og
unnið af Sigurði Trausta Traustasyni sagnfræðingi í sam-
starfi við safnið. Það gengur út á að gestir skrifi niður hug-
renningar sínar um tiltekin verk í sölum safnsins sem hefur
að geyma hátt í þrjú hundruð verk sem spanna sextíu ára
starfsferil Einars sem listamanns, en verk hans vekja oft
sterkar tilfinningar og hvetja fólk til að tjá sig.
„Þetta kom þannig til að ég var að klára sagnfræðinámið
mitt í vor og hef verið að vinna á safninu samhliða því. Það
lá því beint við að ég skrifaði BA-ritgerðina mína um Einar.
Við þá vinnu rakst ég á mikið af skemmtilegum heimildum
og eitt af því sem mér fannst athyglisvert var að Einar vildi
sjálfur ekki mikið tjá sig um verkin sín eða segja fólki hvað
því ætti að finnast um þau. Honum fannst að það ætti að fá
að túlka þau sjálft,“ segir Sigurður og bætir við:
„Síðan var ég búinn að lesa mikið af skrifum samtíma-
manna Einars um verk hans og ég var forvitinn að komast
að því hvað fólki í dag fyndist um þau. Þannig kviknaði hug-
myndin, að sjá svona hvað nútímamaðurinn hefur að segja um
verkin, hvort hann sjái jafnvel sömu hlutina og þeir sem voru
samtíða Einari. Von mín er svo að þetta opni kannski í leiðinni
safnið svolítið fyrir fólki, að það geti bara komið á safnið og
sé þá jafnvel búið að kynna sér þetta verkefni og skoði síðan
verkin út frá því. Þá geti það kannski fengið eitthvert svona
nýtt sjónarhorn á verkin hans Einars.“
Gestum býðst að taka þátt í verkefninu út júlí og þeir sem
það gera þurfa ekki að borga sig inn á safnið. „Þegar fólk
mætir á safnið tekur á móti því safnvörður sem býður því
að taka þátt í könnuninni. Ef það hefur áhuga fær það stutt
spurningablað og annað blað með útskýringum á verkefn-
inu og korti af safninu. Það eru ekki nema tíu verk sem eru í
verkefninu, en ég valdi bara nokkur úr svo þetta yrði ekki of
mikið. Þá getur fólk sjálft ákveðið hvert af þessum tíu verk-
um það velur og skrifað hvað sem er um það, bara allt sem
því dettur í hug.“
Verkefnið hófst í síðustu viku og Sigurður segir að það hafi
farið mjög vel af stað. „Þetta er búið að ganga rosalega vel
þessa fyrstu fjóra daga og eru alveg sextíu til sjötíu manns
búnir að taka þátt. Og það taka allir rosalega vel í þetta, ég
fæ alveg heilu blaðsíðurnar skrifaðar. Svo það verður mikil
vinna fyrir mig að vinna úr þessu næstu mánuðina en það er
bara gaman,“ segir hann og hlær.
Sigurður reiknar með að nota sumarið í að klára verkefn-
ið. „Síðan er ætlunin að þetta birtist á heimasíðu safnsins,
skulptur.is, bæði svona textar með myndum af verkunum en
síðan er ég líka í samstarfi við kvikmyndagerðarmanninn
Gunnar Guðbjörnsson sem er að gera stutt vídeó af öllum
verkunum. Þá getur fólk bara komið inn á síðuna og valið
verk sem það vill skoða og heyrt mismunandi raddir fólks
sem lýsir því hvaða áhrif verkin hafa á það.“
emilia@frettabladid.is
EINAR JÓNSSON: Í NÝJU LJÓSI
Listunnendur
tjá sig sjálfir
ÁHRIFAMIKIL VERK Sigurður segir að Einar Jónsson hafi sjálfur viljað
að aðrir en hann túlkuðu verk hans. FRÉTTABLAÐIÐ/ANTON
FRIDA KAHLO FÆDDIST Á
ÞESSUM DEGI ÁRIÐ 1907
„Hvers vegna ætti ég að þarfnast
ykkar fóta, þegar ég hef vængi til
að fljúga með?“
Listakonan Frida Kahlo slasaðist
alvarlega í bílslysi aðeins 18 ára
gömul og þó að hún gæti geng-
ið aftur þjáðist hún alla ævi vegna
áverka sinna.
Á þessum degi árið 2004 var því lýst yfir af forseta Indlands, Dr.
A.P.J. Abdul Kalam, að tungumál Tamíla væri klassískt tungumál.
Tamíl-tungumálið er eitt af 22 skipu-
lögðum tungumálum Indlands og það
fyrsta til að vera viðurkennt sem klassískt
tungumál af stjórnvöldum. Tungumálið
er dravískt og aðallega talað af Tamíl-
fólkinu í Suður-Asíu og eitt af opinberum
tungumálum á Srí Lanka og Singapúr.
Það er einnig talað af minnihlutahópum í Malasíu og Máritíus og
af hópum innflytjenda víða um heim.
Bókmenntir Tamíla hafa verið til í meira en 2.000 ár. Þær elstu
eru frá því 300 árum fyrir Krist og kallast Sangam. Áletranir á
tungumáli Tamíla frá fyrstu öld fyrir Krist og annarri öld eftir Krist
hafa fundist í Egyptalandi og Taílandi. Tvö elstu handritin sem
fundist hafa í Indlandi og verið viðurkennd og skráð af UNESCO
1997 og 2005 eru á tungumáli Tamíla.
ÞETTA GERÐIST: 6. JÚLÍ 2004
Tungumál Tamíla viðurkennt
Ástkær eiginkona mín, móðir, dóttir,
systir, tengdamóðir og amma,
Erna Björg
Guðmundsdóttir
Tjarnhólma 2, Stykkishólmi,
lést þann 4. júlí. Útförin auglýst síðar.
Guðþór Sverrisson
Guðmundur Þór Guðþórsson Jóhanna María Ríkharðsdóttir
Kristján Valur Guðþórsson
Guðmundur Rúnar Guðþórsson
Sólveig Þóra Ásgeirsdóttir
Guðríður Guðmundsdóttir Þorsteinn Svavar McKinstry
Guðrún Guðmundsdóttir Sveinn Einar Magnússon
Björgvin Trausti Guðmundsson Nína Berglind
Sigurgeirsdóttir
og barnabörn.
Okkar ástkæri
Óskar Stefánsson
Katrínarlind 5
sem lést af slysförum 30. júní síðastliðinn, verður jarð-
sunginn frá Grafarvogskirkju föstudaginn 9. júlí kl.
13. Blóm og kransar vinsamlegast afþakkaðir. Þeir sem
vilja minnast hans láti líknarfélög njóta þess.
Fyrir hönd ættingja og vina,
Ísabella Alexandra Óskarsdóttir
Stefán Eiríksson
Guðmunda Óskarsdóttir
Nanna Maren Stefánsdóttir
Þórdís Kolbrún Reykfjörð Gylfadóttir.
Innilegar þakkir til allra sem sýndu
okkur samúð og hlýhug við andlát og
útför móður okkar, ömmu, langömmu
og systur,
Ástu Ólafsdóttur Beck
Snorrabraut 56b.
Sérstakar þakkir til starfsfólks Vífilsstaða fyrir
persónulega og hlýja umönnun.
Ása Beck
Ólöf Una Beck
Ulf Beck
Magnús Haukur Jökulsson
Þórunn Magnúsdóttir
Gyða Ólafsdóttir
80 ára afmæli
Sigurður R.
Guðmundsson
verður áttræður í dag 6. júlí.
Hann og kona hans Laufey
Kristjánsdóttir taka á móti vinum
og vandamönnum í Húnabúð kl. 17.00.
Innilegar þakkir til allra þeirra er
sýndu okkur samúð og vinarhug við
andlát og útför
Guðfinnu Jónsdóttur
Bólstaðarhlíð 60, áður til heimilis að
Syðsta-Ósi í Miðfirði.
Þorvaldur Böðvarsson Hólmfríður Skúladóttir
Hólmfríður Böðvarsdóttir Sveinn Kjartansson
Jón Böðvarsson Ingibjörg Jóhannesdóttir
Ingibjörg Böðvarsdóttir
Þórunn Guðfinna Sveinsdóttir
Pétur Böðvarsson Hildur Árnadóttir
Elísabet Böðvarsdóttir
barnabörn og langömmubörn.
Ástkær bróðir okkar,
Ágúst Sigurbjörn
Sigurðsson
skrifstofumaður, Kjarrhólma 28,
Kópavogi,
varð bráðkvaddur á heimili sínu föstudaginn 2. júlí.
Útförin verður auglýst síðar.
Systkini og fjölskyldur hins látna.
Elskuleg mamma okkar, tengda-
mamma og amma,
Klara Björnsdóttir,
lést miðvikudaginn 30. júní að Hornbrekku Ólafsfirði.
Útförin fer fram frá Ólafsfjarðarkirkju fimmtudaginn
8. júlí kl. 14.
Bjarkey, Helga, Ásgeir, tengdabörn og barnabörn.
Útför
dr. Þorgeirs Einarssonar
kennara, Granaskjóli 26, Reykjavík,
verður gerð frá Fossvogskapellu, fimmtudaginn 8. júlí
kl. 13.00. Blóm og kransar eru vinsamlegast afþökkuð
en Þorgeir var mikill dýravinur og þeim sem vildu
minnast hans er góðfúslega bent á dýrahjálp eða
Kattholt.
Fjölskylda hins látna.
AFMÆLI
EIRÍKUR JÓNSSON
formaður Kennara-
sambands Íslands
er 59 ára.
SIGURÐUR SIGUR-
JÓNSSON leikari er
55 ára.
ÁSDÍS HALLA
BRAGADÓTTIR
stjórnmálafræðing-
ur er 42 ára.